Roum 11:1 - Saposa

¹ To sa nyo rangat fi rou nei, “E Gov tsugei kan ir a taa Jiu?” A sikia ovei! Fakats fatabin, anyo na tsoiny Jiu fatoobing, a tsubnaain ten Abraham ana nyo na isen a mes te faporos ising me tana vun ten Benjamen.

Roum 11:1 ပူးပေါင်းရင်းမြစ်များ

Luke 20:16

“Ayei naa minon ana ayei te nai atsuiny famat faavot rari ana ayei faan iny tanun tana mesapan ma tatagaa ot iny ari ya.” Te nongoiny a vainy vegiau to ri tsue to, “Te gim non ma ruak fi nei!”

Binun Tan Amaraav 22:3

“Anyo na tsoiny Jiu, nyo agiir Tasas tana gum fan iny Silisia, sana nyo karap nei Jerusalem ana nyo kan a isen a vurots te kaa tana fo fafaatsuts ten Gamaliel. Nyo nom fo fifaatsuts parits fiisok tan Faun tan fo tamarara to sana nyo faan faman iny a tsivou ten Gov faarei kan maromi na fokinai tovei roman.

Binun Tan Amaraav 26:4

“A taa Jiu faavot te nat faarof iny a tou kaakaa tsonyo, onot patsukan te vurots anyo. Ri natiny ror tatanik nan a toto tsonyo te kaa nyo tana gum fan fatoobing tsonyo, Silisia, ai to kan te kaakaa nyo Jerusalem.

Roum 11:11

Ana nyo rangat pis rou, “Nainy te tsukakab ari na taa Jiu tana fats a marats to ayei, e Krais, fiisia ri tsidup fifiiring kan, ser gima tsun fatabin pis?” A sikia ovei, Gov onot non ma fatsuiny fatabin ir a taa Isrel roman, er tavaron mito matan Ya, san, tan nainy te tsugei a taa Isrel a sanaan ten Gov iny kat fatavaroiny a mes, Gov jiats ra naan fuainy tsoiny favaanan tana vainy sikia ma taa Jiu, te faason ten Krais ana Ya saup fatabiny ratuari, Gov kat, kat to aya ma fitsufainy ari na taa Jiu er takopis fatabin mito ten Krais.

Roum 3:4

Sikia ovei! Ami ma nat fi nei, ara onot ror ma natiny e Gov te natiny kat fatatabiny non a foka to te tsue iny non Ya, kainon to te gamgam fi rora vainy faavot patsun puputaa to, te senviir minon a ka te kirkir iny Ya tan Vegiau Tsunia. An vegiau tsue to na ka to, “A vainy faavot nai nat fi ror nei, Anyi na Gov to na tavaron vovou patsukan iny rom a ka te tsue iny rom Anyi. Ai sei na mes te pon non ma sak manyi tu vegiau ee, Anyi natiny faatok patsukainy rom ya na toobing ana tavaron namanyi.” (Vadou 51.4)

Roum 9:3

Eye, tabuiny onot en tsonyo ma kat ya sana sikia, nyo sikia ma onot, sana nyo kaa mirou koman tsian ten Gov ma fakei vanyo Ya unya Hel, nyo te tapets osing e Krais, ito te kat fi ronyo nei, nyo tabuiny saup fatabin ir vainy tsonyo fatoobing ma kaa osing ari na fasaraa ten Gov ana ri te tap naa ten Krais.

2 Korin 11:22

Ri tsue ror a ka, ari na taa Hiburu, ge? Anyo kan. Ana ri kan te tsue na ka, ari na taa Isrel. Anyo kan. Ana rin tsubnaain ten Abraham. Anyo kan.

Filipai 3:5

I tovei bus aya: tan nainy te vaapee vanyo ri to tan fajian nan nainy, voun nainy te agiir anyo. Anyo agiir Isrel ana nyo na tsoiny Isrel kan. Anyo nom na rou tana vun ten Benjamen, an rafatsiny tsonyo u rafatsiny iny Jiu, an vainy muan tsonyo te gim ror ma natiny sovaar fiisen i ramen vainy sikia ma Jiu, an tou manaats u Faun te faan iny e Gov ten Moses, nyo na isen tana gum vainy iny Farasi natiny makok faarof rou Faun.