U Vurungan Rof Nane Jisas Krais Te Kirkir Iny E Mak 2:15 - Saposa

¹⁵ Te gum iny ainy e Jisas numaa ten Livai an vainy nonom takis an vainy pisiin gum fiisen mito Jisas an matisian Tsunia, tana saa a fokinai to ari natiny vovou iny ror Ya.

U Vurungan Rof Nane Jisas Krais Te Kirkir Iny E Mak 2:15 ပူးပေါင်းရင်းမြစ်များ

Matiu 5:46

Kat fei ma nom ami na tafan a rof tsumi ten Gov to te mangiir tsuiny finy romin fuainy vainy te mangiir maromi ei? Tsurin vainy nonom takis te natiny kat kainy ror kat to!

U Vurungan Rof Nane Jisas Krais Te Kirkir Iny E Mak 2:14

Ayei taan naa to, Ya tagei to Livai a guei ten Alfias vaagum non numaa tana pan iny nonom takis. Jisas tsue to tsunia, “Vovou you.” Livai tsun to sa vovou iny e Jisas.

U Vurungan Rof Nane Jisas Krais Te Kirkir Iny E Mak 2:16

Mesapan tsurin tsoiny fifaatsuts tan Faun te kirkir iny e Moses, te koo rorin Farasi tagei e Jisas te ainy fiisen ramen vainy pisiin an tsoiny nonom takis, ri rangat raton matisian Tsunia, “Kat fei sa ainy Ya jiu fiisen ramirorin vainy nonom takis an mes vainy pisiin ei?”

Luke 15:1

U tsoiny nonom takis an vainy kat kat aveto, nai nongon me ten Jisas.

Luke 6:17

Jisas kat to sa of osing men tet fiisen ramiri ser nai tsutsun me tana pan a toobing fiisen ramirin tagin tsian an matisian Tsunia ana vainy kinai poo me tana ngats fan tsian iny Jerusalem, ai ri poo me tana fo mes fan tana gum fan iny Judia, ai te poo me tan teis tana fuan a ngats fan iny Taia ai Saidon.