U Vurungan Rof Nane Jisas Krais Te Kirkir Iny E Mak 15:16 - Saposa

¹⁶ An vainy puaan mei naa to Jisas gagon tana aunon tan pan tana numaa te natiny kaa non e Pailat, ri fikoo vaaguam faavot raton vainy puaan.

U Vurungan Rof Nane Jisas Krais Te Kirkir Iny E Mak 15:16 ပူးပေါင်းရင်းမြစ်များ

Matiu 26:3

An tsunaun tan tsoiny faakor ana rin tsunaun tana taa Jiu vaaguam faavot to tana numaa tsian ten Kaiafas a Tsoiny Mumua Tan Tsoiny Faakor,

U Vurungan Rof Nane Jisas Krais Te Kirkir Iny E Mak 15:17

Ana ri taring fiisok iny to Jisas, ri favau towan vau te natiny vau ror a fo aatouf, ton vaun mamaato, ana ri kat of Towa na sapou uupe kakarits, ser fa'uupe ya Jisas.

Vurungan Rof Nane Jisas Krais Te Kirkir Iny E Jon 18:28

Ri nom e Jisas ri naus osing to na numaa ten Kaiafas, ser mei naa Towa tana pan te kaa non e Pailat a gavana tana gum fan iny Judia. Tana voinyvoiny ovei. Ri na taa Jiu gim to ma sof a numaa to tana saa ito te sof rori numaa, ri pon iny ror aveto ma gima ainy arin Guainy iny Fakats Fatabin.

Vurungan Rof Nane Jisas Krais Te Kirkir Iny E Jon 18:33

Pailat sof fatabin naanaa tana pan tsunia sa fikoo Jisas ya rangats Towa, “Anyi Ya na Aatouf tana taa Jiu?”

Vurungan Rof Nane Jisas Krais Te Kirkir Iny E Jon 19:2

An vainy puaan kat to na sapou uupe kakarits, ri fa'uupe towa patsun Ya, ri favau Towan vaun mamaato tana fo aatouf,

Vurungan Rof Nane Jisas Krais Te Kirkir Iny E Jon 19:9

Ya tabin fatabin pis naa to gagon numaa tsuan fiisen me Jisas ana ya rangats to Jisas, “Fei te poo fi mi Nyi ei?” Sen Jisas gim to ma biny ya.

Binun Tan Amaraav 10:1

Tana ngats fan iny Sesaria kaa non a mes a asangan ya Konilias, a tsoiny mumua tana isen a gum iny vainy puaan iny Roum, ito te koo rori na gum iny vainy puaan iny Itali.