U Vurungan Rof Nane Jisas Krais Te Kirkir Iny E Mak 14:23 - Saposa

²³ Ana Ya nom to na gotan, Ya faarof iny naa towa ten Gov, Ya fafaan ratuari, ri na fokinai jiu towa,

U Vurungan Rof Nane Jisas Krais Te Kirkir Iny E Mak 14:23 ပူးပေါင်းရင်းမြစ်များ

Matiu 26:27

Ana Ya nom to na gotan, Ya faakats iny faarof of naa towa ten Gov, Ya fafaan ratuari sa tsue, “Jiu yam, mi faavot.

U Vurungan Rof Nane Jisas Krais Te Kirkir Iny E Mak 14:22

Te ainy farokot raror, Jisas nom to na koinykoiny, sa faakats iny faarof of naa towa ten Gov, Ya ivoo towa, sa fafaan rari ana Ya tsue to, “Nom yam am ainy towa, pua Vanyo tovei.”

U Vurungan Rof Nane Jisas Krais Te Kirkir Iny E Mak 14:24

Jisas tsue to, “U rafatsiny Tsonyo to aya te faparits non tsue faunot foun nane Gov, rafatsiny Tsonyo tatsiiu of non a fokinai tan kat iny anofe ravainy kat iny aveto.

Luke 22:17

Kat to ai Jisas nom to na gotan wain, Ya faarof iny towa ten Gov, sa tsue, “Nom yam a ka tovei, ana min isisen te jiu ya fapoopoan namami.

Roum 14:6

Ta isen ta mes a fafaaman fakei non fakats tsuan tan nainy to te tsue non ya na ka tsunia patsukanen, “U nainy karap iny fafaatouf e Gov,” ayei tsue patsukanen tsivon tana saa ayei komainy fatsiitsii non a Tsunaun tsura, kat faarei tsuiny non to tana fo kainy ainy. Nainy te fakats non a mes a fafaaman to te rof fi non ya tsunia ma ainy pinpin en ya tana fo kainy ainy gengen, fifiisen men venoo, ayei ainy patsukanen nanaa non ma fatsiitsii ya na asangan a Tsunaun, tana saa ayei faakats of non ya ana ya te tsue faarof naa tana Tsunaun tana kainy ainy te ainy non ya. Jesan te kat iny senviir kan minon ya, nainy te vovou iny non a mes a fafaaman to aya ana ya te gima famanat iny a puan tan ainy tu venoo, ayei ainy non ya ma fatsiitsii ya na asangan a Tsunaun, ana ayei te tsue faarof naa ten Gov tan kainy ainy te ainy non ya.

1 Korin 10:16

Fakats yam a kifon a ka to tan nainy te jiu rora na gotan iny fakats fatabiny rafatsiny nane Krais, to te tatsiiu of rara sa pats fatabiny a fo aveto tsura. Ara tsue faarof naa ror ten Gov tana ka to ayei, ai tan nainy te jiu rora ya, ra faatok iny ror a ka, ara na pan kan tana vainy to ari, to te tatsiiu of rafatsiny nane Krais. An tan nainy te ainy roran koinykoiny to ayei, ai to te ivivoo rora ya, ra ainy ror ya ma fakats fatabiny ara na puan e Krais ito te faan fi rara ya tan nainy te mat Ya sa pats a fo aveto tsura, ra faatok iny ror a ka, aran mesapan kan nar a vainy to ari, ito te faan finy e Krais a puan.