U Vurungan Rof Nane Jisas Krais Te Kirkir Iny E Mak 10:43 - Saposa

⁴³ San kat to ayei ma ruak vaare fapoopoan namami a sikia ma sanaan nan ya. Ta isen tsumi te komainy karap non, ayei ma faarei me na tsoiny toukuar tsumi faavot,

U Vurungan Rof Nane Jisas Krais Te Kirkir Iny E Mak 10:43 ပူးပေါင်းရင်းမြစ်များ

U Vurungan Rof Nane Jisas Krais Te Kirkir Iny E Mak 10:42

Sen Jisas fikoo faavots ratuari sa tsue, “Mi natem a vainy faarei raror tsunaun tana vainy te kaa miror a parits fis ror vainy babainy an fuainy tsoiny mumua te vakek rarori tan vovou iny vegiau tsuri.

U Vurungan Rof Nane Jisas Krais Te Kirkir Iny E Mak 10:44

an ta isen tsumi komainy non ma mumua mami, ayei ma tsoiny binun babainy tsumi faavot,

U Vurungan Rof Nane Jisas Krais Te Kirkir Iny E Mak 9:35

Nainy te gum e Jisas ya fikoo raton safunuu ana ina fuan a matisian Tsunia sa tsue tsuri, “Sei na mes te komainy tsoiny mumua non ee; rof non tsunia ma fauf a tsivon tana fokinai ana ayei te faarei a tsoiny binun tana fokinai.”

Luke 14:11

A mes te fapaas non a tsivon, Gov nai fauf non ya peto, sana mes te fauf non a tsivon, Gov nai fapaas non ya.”

Luke 18:14

Ai Jisas tsue to, “A tsoiny nonom takis, gima tsoiny Farasi, to te tabin naa numaa te kaa fatavaron non matan e Gov. A mes te fapaas non a tsivon, Gov nai fauf non ya peto, ana mes te fauf non a tsivon, Gov nai fapaas non ya.”

Luke 22:26

Sana mi ma kat fi vaare nei. Ami ma kat fi nei, a karap fapoopoan namami nai faarei non a mes a see mes, ana tsoiny mumua nai faarei non a tsoiny binun tsumi.

Luke 9:48

Ya tsue to tsuri, “Sei te faakouts non a guei to tana asanga Vanyo ee ayei faakouts Varonyo. Ai sei te faakouts Varonyo ee, te faakouts non e Tamanyo to te jiat Vaminyo. Ai sei te fauf non a tsivon ee fapoopoan namami, ayei te karap fafis non tsumi.”

Vurungan Rof Nane Jisas Krais Te Kirkir Iny E Jon 18:36

Jisas tsue to, “A Waa Vanyo na sikia ma tana monaagits to. Ito ma kaa tsun ya tana monaagits to vainy to te vovovou Varonyo tabuiny kat a puaan ma bei ot Vanyo ri ma faan vaare Vanyo rin tsoiny mumua tana taa Jiu. Sikia, a Waa Vanyo na sikia ma tana monaagits to!”

Roum 12:2

Ana mi ma vovou vaaren kat tan vainy pisiin to te gim ror ma kaa fain e Gov. Am kaa faarei vaare ratuari, mi ma famanat iny e Gov ma pangis mami Ya, tan fakats tsumin foun an fakats gengen tana sanaan ten Gov to te komainy maromi Ya ma kaa mi. Tan kat to aya, mi onot rom ma sab a ka te fakats bus e Gov te kat romi. Fakats yam, a ka te komainy maromi Ya ma kat, a saavits ovei. Ana Ayei natiny paparaa fiisok non to te kat romi na ka te tsue of maromi Ya. Ana ka te tsue of maromi Ya ma kat, u tavaron fiisok.

Galesia 5:13

Ai to tsumin fuainy vamuinyasiny fafaaman tsonyo, Gov fikoo bus mami sam tapuruur osing Faun, sana mi ma pon fi vaare nei, ami tafuts em to sam pon rom ma vovou fo komainy kat aveto tan puainy mes te koman fi non ya. A sikia, ami ma mangiir isisen tsuri faatok iny non a ka, ami onot rom ma fafaakouts isisen tsuri.