U Vurungan Rof Nane Jisas Krais Te Kirkir Iny E Mak 10:18 - Saposa

¹⁸ Jisas biny towa, “Kat fei tsumanyi koo Varonyo na mes a rof ei? Sikia ta isen ta mes ta rof, e Gov tsun Tsivon.

U Vurungan Rof Nane Jisas Krais Te Kirkir Iny E Mak 10:18 ပူးပေါင်းရင်းမြစ်များ

Matiu 19:17

“Kat fei sa nyi rangat Vanyo tana ka na rof ei?” tsue fi Jisas tsunia. “Isen tsun a rof to, e Gov tsun. Sana nyi ma vovou faarof iny a fo Faun, te komainy nom rom anyi na toto na suu.”

U Vurungan Rof Nane Jisas Krais Te Kirkir Iny E Mak 10:17

Jisas tanik iny taan non ana mes kuar mito fatukun matan Ya sa rangats Ya, “Tsoiny Fifaatsuts a rof, saa te kat ronyo nyo te nom a toto na suu na?”

U Vurungan Rof Nane Jisas Krais Te Kirkir Iny E Mak 10:19

Nyi nat bus iny Faun te kirkir iny e Moses: ‘Bainy atsuiny, bainy tsikoor, bainy kabuts, bainy gamgam iny a mesmes, bainy gamgam nyi te fagaug a mesmes, bainy mataguas, fatsiitsii tamam me tsinam.’”

Luke 18:19

Jisas biny towa, “Kat fei tsumanyi koo Varonyo na mes a rof, ei? Sikia ta isen ta mes ta rof, e Gov tsun Tsivon!

Roum 3:12

Ana ri na fokinai takopis osing to Gov, ri iring vavajia rato. Ana sikia ta mes ma kat, kat rof, a sikia ovei. (Vadou 14.1-3)

Jemis 1:17

A fo mamatsiny kan mamarof ana fo mamatsiny fifaan saavits to te poo fi me Gormirmir, ten Gov, ito te fapogaar kainy a fo mamatsiny kan kakanaf korosuu, ana Ayei te gim non ma pangis kat Tsunia, ana Ayei kan sikia non ma takopis, Ya te biak ravaa rara tana uurup, a sikia, Ayei kaa patsukan fi enanon tovei.

Vaamuan Jon 4:16

To sana ra patsukaner nat ror ana ra faason ror tan mangiir te kaa minon e Gov tsura. Gov, Ayei te fakifon iny non mangiir, ai sei na mes te kaa non tan mangiir to aya ee, kaa non ten Gov ai Gov kaa kan tsunia.

Vaamuan Jon 4:8

E sei na mes te gim non ma mangiir a mesmes ee, ayei sikia ma natiny e Gov, tana saa e Gov, Ayei fakifon iny non mangiir.