U Vurungan Rof Nane Jisas Krais Te Kirkir Iny E Mak 1:35 - Saposa

³⁵ Patsuu na nainy tabuiny arasan minon a pan, Jisas tsun Ya naus osing to na ngats fan sa naa naa tana pan a tomani Ayei Tsivon, Ya faakats to na aya.

U Vurungan Rof Nane Jisas Krais Te Kirkir Iny E Mak 1:35 ပူးပေါင်းရင်းမြစ်များ

Luke 6:12

“Tan sen nainy, Jisas naa to patsun a painy tet a tou faakats sa kaa na isen a voiny a urung na aya sa faakats ten Gov.

Efeses 6:18

Ami ma kaa me na foka to ana mi te faakats fatatabin tan mamatsiny nainy tana parits ten aaven Taabos tana fo viir ka vavis, ana mi te rangats e Gov ma faakouts mami Ya. Tan kat to aya, ami ma tagaa ot faarof tan mamatsiny nainy, am faakats of ton vainy fasito ten Krais.

Luke 5:16

Sen Jisas natiny naus osing non a vainy ai te naa tana pan a tomani, a tou faakats.

Hiburu 5:7

Tan nainy te toto farokot e Jisas patsun puputaa to, ana Ayei fafaakats to ana Ya sing fiisen miton dau tsian an susuiny matan Tsunia ten Gov, to te onot non ma saup fatabiny Ya tana mat, Gov nongoiny Ya, tana saa, Ayei te fauf a Tsivon ana Ya faan faavot iny naa Towa ten Gov Ya kat ton mangiir Tsunia.

Vurungan Rof Nane Jisas Krais Te Kirkir Iny E Jon 6:15

Jisas nat faamuan bus rari na tou nom Ya, er sogsog Towa ma faarei Ya na Aatouf, ana Ya tabin fatabin pis nato tana painy tet Ayei patsukanen.

Matiu 14:23

Te fataasua fakap Ya na vainy, Ya paas fi to tana painy tet a tou faakats, Ayei tsivon. Te uurup bus a pan ana Ya kaa to tsivon na aya,

Filipai 2:5

U fakats tsumi ma senviir men fakats ten Krais ai to te fakats fi Ya nei:

Vurungan Rof Nane Jisas Krais Te Kirkir Iny E Jon 4:34

Jisas tsue to tsuri, “Kainy ainy Tsonyo, ito tan manaats mangiir Tsunia to te jiats Vaminyo, ana binun te faan iny Ya Tsonyo ma kap faarof. Ayei na binun te faarei non a kainy ainy te viits iny Ronyo.

Matiu 14:13

Te nongoiny fakap bus e Jisas vaanan to, Ya naus osing to na fan to aya ana Ya jias to tan puak sa naa fi en nanaa tana pan a uur ayei patsukanen. Tagin nongoiny e Jisas te naa fi naa Ya, ri naus osing to na fo ngats fan tsuar ser vovou iny naa Ya sanaan.

U Vurungan Rof Nane Jisas Krais Te Kirkir Iny E Mak 1:36

Ai Saimon fiisen men vaatau tsuan naa to ser vovou naa Ya.