Matiu 4:7 - Saposa

⁷ Jisas biny towa, “San Vegiau Ten Gov tsue kainy a ka, ‘Nyi ma tanaf vaare na Tsunaun a Gov tsuam.’” (Faun 6.16)

Matiu 4:7 ပူးပေါင်းရင်းမြစ်များ

Matiu 21:16

Ana rin tsunaun tan tsoiny faakor an tsoiny fifaatsuts tan Faun te kirkir iny e Moses tsue to ten Jisas, “Nyi nongoiny rom a ka te vevegiau iny rori?” Jisas biny ratuari sa tsue na ka, “Eye, Nyo nongon you. Mi sikia ma gogosias vaarik vegiau tan Vegiau Ten Gov to? ‘Gov fafaatsuts ir guein kakaii an meran ma variri faarof ari.’” (Vadou 8.2)

Matiu 21:42

Jisas tsue to tsuri, “Mi gima gogosias a ka to te tsue iny Vegiau Ten Gov? ‘A fats a marats to te tsugei fuainy tsoiny fatsun numaa ruak faarei na fats a karap ovei tana numaa. Tsunaun fapogaar ya ana ya mamatan faarof ovei tsun nato mata rara!’ (Vadou 118.22,23)

Matiu 4:10

Jisas biny towa, “Feis osing you, Satan, tana saa te kirkir en tan Vegiau Ten Gov te tsue na ka, ‘Faatouf a Tsunaun a Gov tsuam ana nyi te vovou tsun iny mangiir Tsunia!’” (Faun 6.13)

Matiu 4:4

Jisas biny towa, “Te kirkir en tan Vegiau Ten Gov, ‘Mes te gim non ma toto ising tan koinykoiny tsun, san tan fo mamatsiny vegiau te poo minon nguen e Gov.’” (Faun 8.3)

Luke 4:12

Jisas biny towa, “San Vegiau Ten Gov tsue kainy a ka, ‘Nyi ma tanaf vaare na Tsunaun a Gov tsuam.’” (Faun 6.16)

Binun Tan Amaraav 15:10

Sa kat fei sam kat iny tanaf rom e Gov ei tan fakei a binun a patang tsurin vainy fafaaman? Sikia. Tsuvurara ana ra kan sikia ror ma onot tan govets ya.

Binun Tan Amaraav 5:9

Pita tsue to tsunia, “Kat fei sa mi me natsiom pon ma gam iny Aaven Taabos tana Tsunaun ei? Mi sikia ma oraav fasaraa ten Gov? Sai tovei, a vainy kats iny me natsiom te tsutsun ror tan matainy sobaa ana ri kan govets kainy marom anyi.”

1 Korin 10:9

Ara ma sewaar iny vaare na Tsunaun to te pon iny rora ma tanaf Ya, tan kat kat iring, ana ra maut er, faarei to te kat kat fi na mesapan tsuri. To te kat kat fi ri nei aya, ri kat to Gov sa jiats men koraa sa kots rari ana ri faadis to ser mat er.

Hiburu 3:9

‘Fuainy tsuvumami te fakaa vanyo tan tanaf tana pan nato aya, ana ri tanaf vatuanyo, kainon to te tagei ari na foka te kat Anyo, onots fats safunuu na ingainy,’ te tsue fi Gov.