Matiu 24:7 - Saposa

⁷ Fo gum fan te fapupuaan ramiror mes a fo gum fan kaner, ana isen na aatouf an tsoiny puaan tsuan vapupuaan miror a aatouf an tsoiny puaan tsuan, nainy ves nai ruak nats non ana fo nuu kan tana fo viir pan.

Matiu 24:7 ပူးပေါင်းရင်းမြစ်များ

Luke 21:11

fo nuu tsian nai ruak nats ror, an nainy ves nai ruak nats non tana fo viir pan, an nainy faadis nai ruak non, ana foka iny fa'oraav, ana fo ka iny faatok ruak minon jias.

Binun Tan Amaraav 11:28

Isen a Kuigin koo rori Agabas, ayei te tsutsun an tana parits tan Aaven Taabos ayei faruak ton vegiau tana ves tsian te ruak nats non tana fokinai fan tana monaagits. (Tan nainy te aatouf e Klodias iny Roum, an ves to aya ruak to.)

Binun Tan Amaraav 2:19

Anyo nai faatok nats rou ta foka ta karap iny faatok jias korosuu an ta ka iny faatok nei peto tan puputaa, rafatsiny an guaf an um tsian ruak ror.

Hiburu 12:27

U vegiau, tovei, “sen pis nainy,” te faatok iny non a fo mamatsiny ka te tapogaar me, Gov nai gutgut rarori, ri te tapat er kajiaa rato, tan kat to aya, fo mamatsiny ka to te gim ror ma onot ma gutgut, te kaa ovei patsukan fi raror to.

Vegiaun Tapokaa 6:12

Ana nyo tagei to na Tsunei Siip te kip ravainy fagonom nana aatsits tan kots noun, ana nyo tagei to na nuu tsian te ruak tan puputaa, ana nuaf takopis iny bong enato, faarei raarav tamuan fiisok, ana iifaa goutsiroun enato sa faarein rafatsiny.

Vegiaun Tapokaa 6:5

Ana Tsunei Siip kip ravainy pis ton fafofopis nana aatsits tan kots noun; ana nyo nongoiny to na fafofopis nar ka na toto te tsue na ka, “Taame!” Nyo tagaa to, ana mes a hos a bong tafuts mito. A mes te jias tounon ya nom tap iny a sikel niman.

Vegiaun Tapokaa 6:6

Nyo nongoiny to na ka te faarei na nguen a mes fapoopoan nana ina fats a ka na toto, tsue of to na mes nom tap iny non a sikel, “Kuar, sikel a nas rais an bali rais. Tovei roman isen a mes komainy non a foiny nana isen a nas rais a kakaii fiisok ge na fopis a nas bali rais a kakaii fiisok, foiny onots non a foiny tana binun tan sen nainy urung, sana nyi ma kat fifiiring vaare na fo nau u oliv, ma sikia vaare ya ta suun, ana nyi ma kat fifiiring vaare na fo fua tan ngits nan Gereip, ma sikia vaare ya tu wain.”

Vegiaun Tapokaa 6:8

Nyo matoong to, nyo tagei to na hos a aangom. Ana mes jias to tounon ya, asangan ya, na Mat, ana mesmes a mes vovou iny ya, asangan ya, Na Pan Tana Mat, ito na pan tan aaven tan vainy vavaajets te mater, koo rori “Heidis”. Gov faan iny a parits ma kibei ir yan vainy faavot tana fats a gum ana ri te atsun famat ir a vainy tana isen tsuri na fafafats nar gum to. Ri na ina fuan atsun famat raror a vainy tan kirat nan fataatsun, ana ri te faruak nainy ves iny atsun famat ir a mesapan tsuri; ri te kat fafaadis famat ir a mesapan tsuri, ana ri te jiats ra naan marei sensen vouts tan puputaa, ma atsun famat ari na mesapan tsuri.