Matiu 24:11 - Saposa

¹¹ Rin kuigin kinai gamgam nai tapokaa ror ri te fagaug ir a vainy a kinai ma vovou rari ri.

Matiu 24:11 ပူးပေါင်းရင်းမြစ်များ

Matiu 24:24

tana saa, fo Krais gamgam an fuainy kuigin gamgam nai ruak nats ror; ri te faatok iny a foka iny faatok, ma fagaug rari rin vainy fasito fatoobing ten Gov, te onot fi non ya.

Matiu 7:15

“Taatag yam fuainy kuigin gamgam. Ri faarei raror siip jiarasan, sana ri te faarei raror kas vouts gagon.

Matiu 24:5

tana saa, vainy a kinai naa fiisen miror a asanga Vanyo, ri te tsue na ka, ‘Anyo na Krais!’ ana ri te fagaug ir a vainy a kinai.

Vaamuan Timoti 4:1

Aaven Taabos te tsue fa'arasan en tana mes a vainy te faonot osing rora faason tsuar ten Krais tan fafakap nan nainy, ri nai manaats raror aaven gamgam ana ri te vovou iny fafaatsuts tan masarau.

U Vurungan Rof Nane Jisas Krais Te Kirkir Iny E Mak 13:22

tana saa, fo Krais gamgam an fuainy kuigin gamgam nai ruak nats ror, er faatok iny to na foka iny faatok ma fagaug rari rin vainy te pisainy rari Gov ana ri fasito fatoobing ratuari Ya sana sikia ma onot.

Vegiaun Tapokaa 19:20

Ana Ayei kotskots to na vaamuan nana marei sensen a vouts vavajia to fiisen kan me na fafuan nana marei sensen a vouts vavajia te koo rori na Kuigin Gamgam to te kat kat a foka iny faatok reits matan a vaamuan nana marei sensen a vouts vavajia to. Tan kat a foka iny faatok reits to, ayei fagaug rato na vainy to te nom goum tana vaamuan nana marei sensen a vouts vavajia to ana ri fafaatouf to na kaisa tsunia. Ana Ayei jias to tounon a hos a gosee faviir iny naa to na ina fuan, u toto farokot koman na Naaman Nan Guaf to te akoor fiisen minon solfa jiaf fisikii.

2 Pita 2:1

Fuainy kuigin gamgam tan nainy muan te ruak fapoopoan nar vainy ten Gov, ma ras ari na vainy ai tovei roman fuainy tsoiny fifaatsuts gamgam kan te nai ruak nats ror fapoopoan namami, to te gim ror ma faatsuts faman iny fafaatsuts man ten Krais. Ri nai favaanan iny ror faatsuts gamgam tovei, ai to te faamainy romi ya ayei mei ma naa romi unya Hel, ana ri te faungis iny a Tsunaun to te pats fatabiny rari. Tan kat to ayei, ri mei ra naa rori unya Hel tovei tsun.

Noun Te Kirkir E JUT 1:4

Nyo kirkir rou noun tovei, tana saa mes vainy te sof faamo erame koman a gum nar vainy fafaaman ana mi sikia ma natiny a ka to. Arin vainy sikia ta Gov ana ri pangis geinygeiny ror vegiau tana koma ree'un ten Gov tsura ma tsue ri ya na ka te rof non tan kat, kat iring i tovei tan tsikoor vavis tana saa Gov te via taptap minon a koma ree'un. Ana ri te tsugei e Jisas Krais, Ayei na isen tsun a Tsoiny Tatagaa Ot tsura ana Tsunaun tsura. Muan ovei koman Vegiau Ten Gov, Gov tsue tsuk iny kat iny vaatsuk ana fasaraa na suu to ayei tana vainy to ari.

Vaamuan Jon 4:1

Fuainy vaatau, ami ma faa mainy vaare rari to te tsue ror a ka ari te nom vaanan to te poo fi me tan Aaven, ami ma tanaf tsom rari, ana mi te nat faarof iny ya te poo fi minon ten Gov ge na sikia. Vainy kinai te favaanan vavis iny ror vaanan gamgam te naa vavis er, ri saats vavis ton mamatsiny pan.

Vaamuan Jon 2:18

Fuainy guei tsonyo, u nainy fafakap te sisiruu en! Muan sa mi nongoiny vegiau nana Tsoiny Veer ten Krais te ruak minon; to vei roman a fo mamatsiny tsoiny veer ten Krais kinai te ruak buser, ana ra ma nat fi nei, ara ruak osto tan fafakap nan nainy.

Vaamuan Jon 2:26

Nyo kirkir of maromin noun tovei ma tsue of im yam, tan kat tana vainy te pon ror ma fagaug mami.

Binun Tan Amaraav 20:30

Nainy te naa minon an mes tsoiny tana gum tsumi patsukanem nai gam maromi er ras vavakas raton vainy fafaaman ma vovou rari ri.

Matiu 24:12

An kat iny tagtag mes tan vainy a kinai nai kajiaa enanon, tana saa, a fo kat a fo ngi'arapaar nai saats pinpin non a pan.