Matiu 16:18 - Saposa

¹⁸ Ana Nyo tsue of marom, Nyo koo marom anyi na fats a marats, Pita, ana fats a marats to te faarei non a man, ai patsun a man to ayei, Nyo nai fatsuiny rou a numaa iny fafaatouf Tsonyo ito na gum iny vainy fafaaman te faason Ronyo, an parits tana mat iny Hel gim on ror ma fabiu ya.

Matiu 16:18 ပူးပေါင်းရင်းမြစ်များ

Matiu 10:2

Tovein asanga ra ina Safunuu ana ina fuan a amaraav: vaamuan to e Saimon, te koo ri Pita, ai famuinyasiny tsunia Anduru; Jemis ai famuinyasiny tsunia Jon, u guei tsoiny ten Sebedi;

Matiu 11:23

Ana mi na taa Kapeniam, mi pon iny rom ma fapaas a tsivom jias Gormirmir? A sikia. Gov nai fakaa maromi peto unya Hel. Tabuiny tagei vainy vavaajets tana taa Sodom a fo binun iny faatok to te kat Anyo tsumi, ri buiny takopis osing aveto tsuri, Nyo buiny gima rurei a Sodom.

Matiu 18:17

Sai te gim finy non ya ma nongon rari pokei yam a fo vegiau to tan gum iny vainy fafaaman. Ai to te gim fi non ya ma nongoiny a gum nar vainy fafaaman, aspeer yam, ma faarei ya na mes a vavaajets ge na tsoiny nonom takis.”

Matiu 4:18

Jisas taan ereer naanaa tana naaman iny Galili, Ya tagei ton ina fuan mumuinyasiny ere Saimon to te koo ri Pita ai famuinyasiny tsuan e Anduru, te vavagaar naaman, tana saa arin tsoiny nawaan.

Matiu 7:24

“Jio, tsumi na fokinai to te nongoiny rom vegiau Tsonyo mi te manaats ya, faarei ror a isen a mes a nat te fatsuiny a numaa tsuan patsun fats.

Vurungan Rof Nane Jisas Krais Te Kirkir Iny E Jon 1:42

Ana Ya mei naa to Saimon unya ten Jisas. Jisas tagei towa ana Ya tsue to, “Anyi Saimon, a guei tsoiny ten Jon. Asanga manyi nai koo rori Sifas.” (Faarei tsuiny non e Pita, man nan vegiau to, a fats.)

Binun Tan Amaraav 2:47

Mamatsiny nainy ri natiny fapaas ror a Asangan e Gov fiisen men koma rof an mamagat tana vainy faavot. Tan mamatsiny nainy Tsunaun natiny fakorots non as'as tana vainy te saup fatabiny Ya.

Binun Tan Amaraav 20:28

Tamomots yam a tsivom am makok raton vainy fafaaman faavot ten Gov, u Aaven Taabos te pisainy mami ma makok faarof rari. Ami ma makok faarof gum nar vainy fafaaman ten Gov, Ayei te pats rari tan rafatsiny tana Guei Tsoiny Tsunia to te mat Ya.

Binun Tan Amaraav 8:1

Sen Sol fatangan iny e Stivin ma atsuiny famat ari Ya. Tanik kan tan nainy to aya, ri tanik iny toptop rato na gum iny vainy fafaaman te kaakaa Jerusalem, ri kat fifiiring fiisok ir vainy fafaaman ser fabuubus vavis er koman a gum fan iny Judia an mes panan unya Samaria. San guamaraav tsun kaakaa Jerusalem.

1 Korin 15:55

Ai tovei vainy onot ror ma tsue na ka, “Mat, fei te kaa non a parits iny atsun mes tsumanyi ei? Mat, fei te kaa non a parits iny fakamits tsumanyi ei?” (Hosea 13.14)

Galesia 2:9

Min vainy Galesia, mi nat ir, ere Jemis me Pita ai Jon faareir tsoiny mumuan karap tan vainy fafaaman, ana ri inainy fanatnat vatuanyo, Gov faan vanyo na koma ree'un ma kat anyo na binun to, ri nagats matuamam me Banabas. Ri faarof matuamam faarei ror vamuinyasiny tsuri fatoobing. Mam tsue faunot to sa mam me Banabas binun fapoopoan nar vainy sikia ma taa Jiu ana ri te bibinun fapoopoan nara taa Jiu.

Efeses 3:10

A kifon a ka te famuiny finy e Gov fakats Tsuan tovei: tan nainy roman, fuainy aaven ana rin fo viir parits to te tatagaa ot ror korosuu nai natiny ror a nat a karap ten Gov tana fo mamatsiny ka. Ari nai nat ror tan nainy te daup faavot fi ror a taa Jiu ana vainy sikia ma taa Jiu tana isen tsun na gum nar vainy fafaaman.

Efeses 5:32

U vegiaun takop to ayei, man ovei, ana ayei kaa minon fakats tsian tsunia, sai te faarei tsuiny non tsue fapapaar nane Krais an gum iny vainy fafaaman to arin, isen tsun.

Kolosi 1:18

Ana mes a ka, a Guei Tsoiny ten Gov, u gumgum Tsunia te fis fapaas iny non a fo mamatsiny ka, tana saa, Ayei patsukanen te tatagaa ot iny non a gum nar vainy faavot fafaaman Tsunia tan senviir sanaan tsun u patsuun te tatagaa ot iny non puainy mes. Ayei te tatagaa ot faavot iny non a vainy fafaaman ten Krais, tana saa, Ayei na vaamuan nan a Guei Tsoiny to te tsun fatabin voun a mat Tsunia, Ayei te kat ir a vainy fafaaman faavot ten Krais ma kaa iny toto ri tan aaven, to sana Ayei patsukanen, tana sanaan tsun to aya, sa nom gumgum iny tatagaa ot faavot iny fo mamatsiny ka tana fo mamatsiny sanaan.

Vaamuan Timoti 3:15

Sai to te vegits ronyo, u noun tovei nai tsue fanat of maromin saf a sanaan ma kaa ra na, koman numaa iny guei ten Gov ito na gum nar vainy fafaaman ten Krais tana Gov te kaa minon a toto, an vainy fafaaman ten Krais to te faparits ror a man ana ri te bei tap iny a man.

Vaamuan Timoti 3:5

tana saa, a mes, to te gim non ma natiny tatagaa ot faarof iny a numaa iny guei tsunia, kat fi non ya, ya te tatagaa ot faarof ir gum nar vainy fafaaman ten Krais ei?

Hiburu 12:28

Tan kat to aya, ara to te nom ror a Waan to, na sikia ta gutgut nan ya, to sana ra ma tsue faarof fatatabin naa ana ra te faatouf e Gov, tana sanaan te kat fapaparei non Ya fiisen men kat iny fauf a tsivom an fatsiitsii,

Vegiaun Tapokaa 11:15

Kat to ana fafits nana morena puuf to na tsufing tsuan, ana fo vegiau tsian ruak to Gormirmir, sa tsue na ka, “A parits iny tagaa ot iny a monaagits tovei roman, a ka to te fasito iny non a Tsunaun e Gov tsura, ana Krais Tsunia, a Mes te pisainy e Gov ma Tsoiny Fiisaup Ya tana vainy, ana Ayei te tagaa ot iny ya tan mamatsiny nainy sikia ta fafakap nan!”

Vegiaun Tapokaa 21:14

Aunon nana ngats fan tsian to ayei te fatsun patsun a safunuu ana fuan a fats to ai tan isiseiny fats to te kaa minon kirkir nar asangar isiseiny nar safunuu ana ina fuan a amaraav tana Tsunei Siip to.