Matiu 13:6 - Saposa

⁶ Te paas me na nuaf jias ya nang to ana foka maas faavot enato, tana saa, u guan te sikia ma sua fagagon naa.

Matiu 13:6 ပူးပေါင်းရင်းမြစ်များ

Matiu 13:21

Sai te gima kaa fagagon naa aave rari, to ayei na ka te gima kaa fapotsian of ya aave rari. Tan nainy patang ge na kamits te ruak non tana saa ri faamainy vegiau ten Gov, ri faravaa veesau tsun iny ton vegiau ten Gov te kaa aave rari.

Matiu 13:5

Mes a fo fua gotsiny to tan puputaan fatsfats te kaa men ar kakaiiny puputaa tsun. An fua gian veesau tsun nato, tana saa, u puputaan sikia ma boo.

Matiu 13:7

An mes fua gotsiny to tan puputaa te kaa men fua nan kakarits gagon tan puputaa fapoopoan narari an kakarits gian to ser pis ya sa sikia ma kaa me tu fua.

U Vurungan Rof Nane Jisas Krais Te Kirkir Iny E Mak 4:6

Te pas me na nuaf jias ya nang to ana foka maas faavot nato, tana saa, u guan te sikia ma sua fagagon naa.

Luke 8:13

U fua te gotsiny tan puputaan fatsfats faarei raror vainy te nongoiny vegiau ser paparaa tan nom ya sai te gima kaa fagagon naa aave rari ri te faaman sai te gima potsian, ana ri gotsiny rato te naa men fo nainy iny fiamus.

Efeses 3:17

Ana nyo faakats to, ma kaa fasuu Krais aave mami ma faarei ya na pan Tsunia te faason fatatabin fi mi Tsunia. Nyo faakats to ma naa men kat iny mangiir to te mei me Krais ma faarei yan kifon guainy nau te fasua fagagon fi naa non ya, ya te tsutsun faparits naa.

Kolosi 1:23

I tovei na man tana isen a sanaan tsun, ami ma parits patsukanem manaa, tan faason tan vegiau man ten Gov, ito ami ma faroots a faason ma naa patsukan nanaa ya tana sanaan te faason fi romi ten Krais, ana mi te gima anofe tan fakats a foka na fo rof te naano iny anaanos ami tan nai nom ya, ito te nongoiny bus ami tana vainy to te favaanan of mamin Vurungan Rof nane Krais. I tovei u senviir Vurungan Rof a vainy a kinai tana fo mamatsiny fan vavis te nongoiny ya, ai tovei kan u senviir Vurungan Rof nane Krais to, anyo Pol te favaanan iny ya tana vainy to tan nainy te tanik anyo na binun ten Krais.

Kolosi 2:7

Ai tsun to aya, ami ma parits patsukanem manaa tan faason naa Tsunia, tan tsue of mami na sanaan iny kaa faparits, mi te kat patsukanem manaa, ana mi kan ma suu iny naa na faason, a root naa to tan vegiau man nane Krais, faarei to te faatsuts fi mami e Epafres, ana mi te via men kat iny faarof naa Gov tsura tan mamatsiny nainy.

Vegiaun Tapokaa 7:16

Ana ri te gima onot ma nai ves ge iinyu; ge na nuaf ge ta ka ta fisikii nai akoor rarori;