Luke 8:1 - Saposa

¹ Voun mes a fo nainy Jisas taainy to na fo ngats fan ana Ya favaanan iny ton Vurungan Rof nana Waan e Gov. Safunuu ana ina fuan a matisian naa fiisen mi Ya,

Luke 8:1 ပူးပေါင်းရင်းမြစ်များ

Matiu 11:1

Te faan fakap bus e Jisas fo tsue fanat to tana ina safunuu ana ina fuan a matisian Tsunia, Ya naus osing to na fan to aya, ana Ya naa to sa fafaatsuts, Ya favaanan to tana fo ngats fan naa aya siruu.

Matiu 13:19

Tsurin vainy te nongoiny vurungan nana Waan iny Gormirmir ser gima arasan faarof iny ya te faarei raror fua te gotsiny sanaan. Vinasaar naa me sa nom ravainy veesau tsuiny vegiau te kaa aave rari.

Matiu 4:23

Jisas naa vavis to tan fo mamatsiny pan tana gum fan iny Galili. Ya faatsuts rato na vainy koman a fo numaa iny fafaatouf tana taa Jiu, favaanan iny Vurungan Rof tana Waan e Gov, ana Ya tsipaar kan rato na vainy fiisen men fo viir faadis an tameruts.

Matiu 9:35

Ai Jisas naa vavis to tana fo ngats fan ai tan fo fan. Ya fafaatsuts to tana fo numaa iny fafaatouf tana taa Jiu favaanan iny Vurungan Rof tana Waan iny Gormirmir, ana Ya tsipaar kainy ton viir faadis an viir kamits tana vainy.

U Vurungan Rof Nane Jisas Krais Te Kirkir Iny E Mak 1:39

Ya naa vavis to tan fo mamatsiny pan tana gum fan iny Galili, sa favaanan koman a fo numaa iny fafaatouf tana taa Jiu, Ya buur ravainy ton fo masarau tana vainy.

Luke 1:80

A guei to aya, karap non puan ya ana aaven ya kan kaa minon a parits. Ya te kaakaa tana pan a uur, onots non nainy te ruak non ya matar a vainy faavot iny Isrel.

Luke 20:1

Tan sen nainy Jisas faatsuts to na vainy gagon tana saape, Ya favaanan kainy ton Vurungan Rof, an tsunaun tan tsoiny faakor an tsoiny fifaatsuts tan Faun te kirkir iny e Moses, an tsunaun tana taa Jiu naa mito Tsunia,

Luke 4:18

“U Aaven tana Tsunaun te kaa non Tsonyo, tana saa, Ayei te pisainy Vanyo ma favaanan iny Vurungan Rof tsuri te aaruts ror. Ya jiat Vamituanyo ma pokei a tou tapuruur tsuri te kaa iny kotskots ror; ai tsurin matar kio ma matoong fatabin ari ai tan nom fatafuts ir vainy te kaa ror fain nimar vainy te kat fifiiring rari.

Luke 9:6

U matisian te taainy fo fan vavis ser favaanan iny nan Vurungan Rof ri tsipaar kan raton vainy faadis a kinai tana fo pan te naa naa ri.

Binun Tan Amaraav 10:38

Mi natiny rom e Jisas a tsoiny Nasaret, to te tsiiu finy me Gov Aaven Taabos ana parits to aya Tsunia. Ya naa vavis nato tan fo mamatsiny fan, kat mamatsiny kat rof, Ya tsipaar kan ratuarin a vainy te kaa kan fain a parits ten Vinasaar, tana saa Gov kaa fiisen mi Ya.

Binun Tan Amaraav 13:32

Mam tovei faan maromin Vurungan Rof: tana ka te tsue faman iny e Gov tan fuainy tsuvurara muan tana ka te kat non Ya, Ayei faruak famainy ovei ya tsuran fuainy tsubnaain tsuri to te fatsuiny fatabiny finy Ya Jisas tana mat Tsuan, faarei to te kirkir fi en ya tan fafuan nan Kooma iny Vadou to, ‘Anyi na Guei Tsoiny Tsonyo; ana Nyo faarei rou a Tamamanyi roman.’ (Vadou 2.7)

Roum 10:15

Sai tsurin fuainy tsoiny favaanan te gim ror ma onot ma naa, a nak ratuari, ma favaanan of ratuarin Vurungan Rof nane Krais onot non ten Gov ma jiats ra naa ri. San u man, Gov jiats faman bus ra naan fuainy tsoiny favaanan ma tsue of rari ri na taa Jiu ma ruak fatavaron mi ri matan Ya. Ka to te ruak, vovou iny vegiau ten Aisaia na kuigin ten Gov muan sa tsue pokei iny ya te nai ruak fi enanats non ya, ana ayei tsue to na ka, “A tou naa me tana vainy to te mei miror Vurungan Rof nane Krais, saavits fiisok tsun.” (Aisaia 52.7)