Luke 23:34 - Saposa

³⁴ Ai Jisas tsue to, “Tamau, anofe ravainy kat iring te kat ari, tana saa, ri gim ror ma natiny a sa te kat ror ri na!” An tsoiny puaan kat to ser tats fabiririir iny a saatu, ri tatafas ton vau Tsunia fapoopoan narari.

Luke 23:34 ပူးပေါင်းရင်းမြစ်များ

Matiu 11:25

Tan nainy na to aya Jisas tsue to, “O Tamau, Tsunaun iny Gormirmir ai nei petoo! Nyo faarof marom Anyi, tana saa, Nyi famuiny vegiaun man tan vainy nat an rin vainy te nom nat, sai Nyi faatok iny towa tan vainy babainy te faaman tsun faarei ror guein kakaii.

Matiu 11:26

Eye, Tamau, Nyi vovou bus iny mangiir Tsumanyi te paparaa mirom Anyi.”

Matiu 5:44

Sai tovei Anyo tsue of maromi, mangiir yam vainy te koma iring maromi, am faakats to ten Gov ma kat faarof rari Ya te kat fijior maromi ri,

U Vurungan Rof Nane Jisas Krais Te Kirkir Iny E Mak 15:24

Ai ri tapaar Towa tana pagafuan ser fagageits ya, ri tatafas ratuarin fo painy vau tsunia fapoopoan narari to tan tats fabiririir iny a saatu, ser fakiki sei te nom non isisen painy vau Tsunia.

Luke 22:42

“Tamau, tan mangiir tsun Tsumanyi nom ravainy osing You a gotan iny saraa kamits to Tsonyo, san sikia ma tan mangiir Tsonyo, u mangiir tsun Tsumanyi.”

Vurungan Rof Nane Jisas Krais Te Kirkir Iny E Jon 17:9

“Nyo faakats of rarori. Nyo gima faakats of rou a monaagits to, sana Nyo faakats of rou na vainy te faan iny Anyi Tsonyo, tana saa rin fasito Tsumanyi.

Vurungan Rof Nane Jisas Krais Te Kirkir Iny E Jon 19:11

Jisas biny towa, “Nyi kaa tsun mirom a parits te fis Varonyo tana saa, Gov faan iny ya tsumanyi. Ai to tana vainy te faan i Vanyo naa tsumanyi te kaa ror tan aveto tsian fiisok te karap fafis iny non aveto tsumanyi.”

Binun Tan Amaraav 16:28

Sen Pol kuu fatsian, “Kat fifiiring vaare na tsivom! Mam faavot kaa rom to!”

Binun Tan Amaraav 3:17

“Sai tovei, fo vamuinyasiny tsonyo, nyo natiny rou a ka te kat ami fiisen kan men tsoiny mumua tsumi ten Jisas, mi kat ya tan fakats tsumin onanun,

Binun Tan Amaraav 7:60

Ya fatukun to sa kuu fatsian iny faakats, “Tsunaun! Anofe ravainy kat te kat ari tsonyo!” tsue fi Stivin, ya mat busen nato.

Roum 12:14

Tan nainy te koma iring maromi na vainy, rangats yam e Gov ma faakouts rari Ya tan kat tsuri. Nyo tsue pis rou a ka, rangats yam e Gov ma pokei faruak Ya na ka na rof tsuri. Tanaf vaare yam am fatanai ratuari to te rangats fi romi Gov ma kat fifiiring rari Ya.

1 Korin 2:8

Ana sikia ta isen ta tsoiny mumua tana monaagits to te komainy ma tsue iny a man, ten Gov kaa minon a nat tsian fiisok, ito te kat fi Ya na fo mamatsiny ka, tana saa ito ma arasan fi ri, ri tabuiny gima atsuiny famat a Tsunaun ri te fagageits Ya tana pagafuan, tana saa Ayei na isen to te pue na sanaan ten Gov ma fafaan rara Gov a fo mamatsiny kan saavits te fakats Ya ma faan iny tsura.

1 Korin 4:12

Mam binun faparits rom mam te siiva, ma nom amam ta painy moni kainy foiny ta ka iny faakouts mamam. Tan nainy te sak maromam a mesapan u vegiau, mam gim rom ma fatanai rari, a sikia, mam faparits tsun rarori, mam te rangats e Gov ma faakouts rari. Nainy te kat fatafisuan maromam a vainy vavaajets, mam gim rom ma fatanai rari, mam tsutsun fareits faamo patsukan marom.

Vaamuan Timoti 1:13

kainon to te tsue vaaserere fi nyo Ya muan, nyo kat fifiiring Towa, ana nyo kat fatafisuainy kainy Towa. San e Gov te tagtag fiisok vanyo, tana saa anyo gima faamainy e Jisas ana nyo gim kan to ma inainy fanatnat iny a ka te kat anyo.

1 Pita 3:9

Mi ma biny vaaren kat iring fiisen men kat iring, ge mi ma biny vaaren tsue fiiring men tsue fifiiring, a sikia, mi ma biny fatabiny kat to aya tan fafaakats of rari ten Gov ma kat faarof rari Ya, tana saa, Gov tsue faman ma kat faarof mami tan nainy te fikoo mami Ya muan,