Luke 22:39 - Saposa

³⁹ Jisas naus osing a ngats fan tsian to te kat kat fi Ya tan nai faakats tana Tobeer iny Oliv, an matisian Tsunia vovou kan iny naa Towa.

Luke 22:39 ပူးပေါင်းရင်းမြစ်များ

Matiu 21:1

Te naa fasiruu naa ri tana ngats fan tsian iny Jerusalem, ri ruak to tana ngats fan iny Betpeits panan a Tobeer iny Oliv, Jisas fakuar ra naa na ina fuan a matisian sa tsue of rari,

Matiu 26:30

Ana ri kooma iny faatouf to, ser naa fi tana Tobeer iny Oliv.

U Vurungan Rof Nane Jisas Krais Te Kirkir Iny E Mak 11:11

Jisas sof Jerusalem, Ya naa fi enato tana saape; te tagei Ya na fo mamatsiny ka na aya, sai te ananerof busen, Ya naa fi naa to tana ngats fan iny Betani fiisen ramiri na ina safunuu ana ina fuan a matisian.

U Vurungan Rof Nane Jisas Krais Te Kirkir Iny E Mak 11:19

Tana touraf Jisas an matisian Tsunia naus osing to na ngats fan tsian.

U Vurungan Rof Nane Jisas Krais Te Kirkir Iny E Mak 13:3

Te gum e Jisas tan Tobeer iny Oliv tana pan a tomani, Ya tagaa fi naa to tana saape, Pita me Jemis ai Jon ai Anduru naa me ser rangats Ya.

U Vurungan Rof Nane Jisas Krais Te Kirkir Iny E Mak 14:26

Ri kooma iny faatouf to ser naa fi tana Tobeer iny Oliv.

Luke 21:37

Tana fo isiseiny nainy Jisas natiny fafaatsuts non koman a saape, ai tana fo ananerof, ayei natiny tafuts osing non a ngats fan Ya te nai kaa tana Tobeer iny Oliv, onots ovei non a voiny.