Luke 2:14 - Saposa

¹⁴ “Vamarits ror a asangan e Gov a tsigtsig jias ovei, ai nei petoo tana vainy Gov rof rarori, ri kaa miror a aaverof.”

Luke 2:14 ပူးပေါင်းရင်းမြစ်များ

Matiu 21:9

Rin vainy te taan famumua naa ten Jisas ana ri na mesapan vovovou iny Ya tanik iny kuu bus rato, “Saup fatabin mamam yam, tsubnaain ten Devit! Gov faparits marom Anyi te naa mirom tana asangan a Tsunaun! Saup fatabin mamam yam roman, Anyi na Gov a tsigtsig!”

Luke 1:79

a arasan nan ya nai nang naa non tsuri te kaa ror tana uurup ito na vainy te kainy mat ror tan aaven, Ya te ras fatoobing fi ra naa ra tana sanaan a aaverof.”

Luke 19:38

“Gov faparits non a Aatouf te naa minon tana asangan a Tsunaun! Aaverof jias Gormirmir ana vamarits naa non ten Gov a tsigtsig.”

Luke 2:13

Sen tsun an vavarioiny morena iny Gormirmir ruak fiisen mito na morena, variri me Gov ser tsue,

Luke 2:15

Nainy te naus osing rarin morena ser tabin fi naa Gormirmir, an tsoiny veis favevegiau to fapoopoan narari, “Jio, tanats yam naa ra Betlehem ma tagaa ra tana ka tovei te ruak ito te tsue of rara na Tsunaun.”

Luke 3:22

an Aaven Taabos of mito Tsunia faarei na kurume. An sen vegiau poo mito Gormirmir, “Anyi na Guei Tsoiny Tsonyo, te kaa non koman Tsonyo, Nyo koma rof marom Anyi.”

Vurungan Rof Nane Jisas Krais Te Kirkir Iny E Jon 14:27

“Nyo naus osing fiisen mamiromi na aaverof ana aaverof Tsonyo fatoobing Nyo faan maromi ya. Nyo gima faan mami ya faarei te faan fi maromi ya na vainy tana monaagits to. To tsumi ma koma patang vaare am oraav vaare to.

Vurungan Rof Nane Jisas Krais Te Kirkir Iny E Jon 17:4

Nyo fakap bus a fo binun te faan iny Anyi ma kat Anyo, tan kat to aya Nyo faatok bus Manyin asangan iny vamarits tan puputaa.

Vurungan Rof Nane Jisas Krais Te Kirkir Iny E Jon 3:16

tana saa Gov mangiir fiisok a vainy tana monaagits to, ana Ya faan iny to na isen tsun a Guei Tsoiny Tsuan, tan kat to aya ere sei tsun te faaman ror Tsunia ee, gim ror ma nai nom a mat a suu, sana ri kaa bus me na toto na suu.

Binun Tan Amaraav 10:36

Mi natiny rom vaanan to te faan iny mi ya tana taa Isrel, to te favaanan iny romin Vurungan Rof nana aaverof ten Jisas Krais tsun, Ayei na Tsunaun tana vainy faavot.

Roum 5:1

Sai tovei ra kaa miror a aaverof fiisen me Gov tan kat tana Tsunaun tsura Jisas Krais tana saa Gov kat fatavaron rara matan Ya tana faason tsura.

Efeses 1:6

Ara ma variri e Gov tana sanaan a rof fiisok ito te faan finy mi Ya na koma ree'un Tsuan tsura, ayei na fifaan babainy to te faan iny Ya tsura, ito tana sanaan tana Guei Tsoiny Tsunia to te mangiir fiisok non Ya.

Efeses 2:4

Sai Gov kaa minon koma tagtag tsian, ai to tsun kan tan mangiir tsian Tsunia tsura,

Efeses 2:7

Ayei kat a ka to, ma natiny a vainy faavot tan nainy te naa minon tana masun tana koma ree'un Tsunia na kaatsian fiisok ana sikia ta mes te onot non ma tsue fa'arasan iny ya, ito tana sanaan te mangiir fi rara Ya, ito ten Krais Jisas.

Filipai 2:11

ana fokinai te nai tsue pokei iny ror e Jisas Krais Ayei na Tsunaun. Tan kat to aya, ri nai faatok iny ror tou vamarits e Gov a isen a Tamarara.

Filipai 2:13

tana saa, e Gov patsukanen Ayei na isen te natiny binun non koma mami, iny pisainy kat a ka to te koman fi non Ya ami ma kat ya, sa faan mami na parits iny kat ya.

Kolosi 1:20

E Gov kan te fakats a fo mamatsiny ka ma faroruak faavot fiisen mi Ya, to na foka tan puputaa ana foka iny Gormirmir to sa faan iny me naa Guei Tsoiny Tsunia tan fa'orovus iny a toto Tsuan patsun a pagafuan, an tan rafatsiny Tsunia ara kaa me na aaverof fiisen mi Ya.

Fafuan Tesalonaika 2:16

Mam faakats rom tana Tsunaun tsura e Jisas Krais patsukanen Tsivon ai Gov a Tamarara to te mangiir fiisok rarora, ai to kan tana koma ree'un Tsunia te faan bus rara na ongoor a suu an kat iny naano anaanos a rof ma favei a aave mami fiisen me na ongoor, ana Ayei te faparits mami ma kat amin na fo binun rof am tsue iny ton vegiaun rof.

Vegiaun Tapokaa 5:13

Ana nyo nongoiny ton fo mamatsiny viir ka te fapogaar e Gov, unya Gormirmir, ai nei petoo, ai fain puputaa ana fo mamatsiny viir ka koman a namaan ai tana monaagits to, ri kooma: “A Mes to te gumgum non tan tagan Tsuan, ana Tsunei Siip kan, ma nom variri, ana vamarits, ana fatsiitsii ana parits a reits tan mamatsiny nainy a sikia ta fafakap nan.”