Luke 16:2 - Saposa

² Ya fikoo fasof na towa gagon sa rangats ya, ‘Vegiau saa to aya nan na, te nongon anyo te kat anyi? Nyi kirkir rom tu vegiau iny fa'arasan tana binun te kat anyi tana foka tsonyo te tatagaa ot iny anyi, tana saa nyi gim bus rom ma tsoiny tatagaa ot iny a fo mamatsiny ka tsonyo.’

Luke 16:2 ပူးပေါင်းရင်းမြစ်များ

Matiu 12:36

“Nyo tsue of maromi na ka to tan nainy vaatsuk ten Gov, vainy faavot tsutsun ror ri te tsue of e Gov, tana saa te vegiau iny ari na tan vegiau pinpin te kat ari,

Matiu 20:8

“Te ananerof busen taman tanun tsue of to na tatagaa ot tsuan, ‘Fikoo ir vainy binun nyi te foiny rari, tanik tan vainy binun te naa fatouraf naa, nyi te nai fafakap naa tan vainy binun te tanik tan tatanik nana binun.’

Luke 12:20

Sen Gov tsue fi nei tsunia, ‘Anyi na mes a piou, tana voiny tsun to aya toto tsumanyi naus marom anyi, ai sei nai fasito iny non fo mamatsiny ka te fasito iny anyi ee?’”

Luke 12:42

Ana Tsunaun biny towa, “Nyo tsue tsuk iny rou viir vainy vavis tana tsoiny binun ge muiny binun a suu ana nat a rof. Ayei faarei non a tsoiny binun to te pisainy a tsunaun tsunia ma tatagaa ot faarof ir yan mes panainy vainy binun ma tatafas rari ya na kainy ainy tana fo nainy fatoobing.

Luke 16:1

Jisas tsue of raton matisian Tsunia, “A mes a masun te kaa me na tsoiny tatagaa ot tana binun tsunia. Ya nom ton tsue, te kat fi non nei, ‘A tsoiny tatagaa ot tana binun te kat raravaa tsun iny a moni tsumanyi.’

Luke 16:3

“Ana tsoiny tatagaa ot fakats to koman, ‘A saa te kat bus ronyo na, tana mes a masun to te fakap bus varonyo tana binun. Anyo gima onot tan guap puputaa faarei na tsoiny binun, ana nyo kan rejiaf rou tan sing maamaa tana vainy.

Roum 14:12

Te arasan non tsuran isiseiny mes nai pokei patsukainy non a tsivon ana ayei nai tsue of non e Gov tana fo kat te kat bus ya ana kifon a ka te kat of ya na.

1 Korin 1:11

Ai tovei, na kifon a ka te tsue ronyo tsumi, mes a vainy te poo me tana numaa iny guei ten Tsiloee ser tsue of vanyo na ka, ami te fatsitsien rom fapoopoan namami.

1 Korin 4:2

Nainy te tagei romin tsoiny tatagaa ot to ayei ito te fafaason fi ror a vainy tsunia, tsunia te kat a binun tana tsunaun, vaamuan nana ka tsunia ma kat tovei, ayei ma suu faman iny a binun tsunia ya te manaats a tsunaun tsunia.

1 Korin 4:5

To sana mi ma faaroiny vaare ta mes, to te kat faarof fi non ya na binun tsuan ge na sikia tabuiny fagum non e Gov nainy kat vaatsuk tana vainy ito, tan nainy te naa minon a Tsunaun ma kat Yan vaatsuk tana vainy. Ayei nai pokei faruak non fakats te takop non komar a vainy tana arasan. Ai tan nainy to ayei, Gov nai tsue iny paparaa non ten sei na mes ee, tamainy non a tafan tana binun to te kat ya.

2 Korin 5:10

tana saa ara na fokinai nai tsutsun ror matan e Krais ma faaroiny rara Ya. Fo isisen tsura nai nom non a tafan tsuan tan kat rof gen kat iring te kat bus ya tana toto tsunia koman puainy mes tsura to ayei.

Vaamuan Timoti 4:14

Anyi ma fagagaar vaare, binun faarof fiisen me na fo parits ana nat ten Gov tan favaanan an fafaatsuts te faan manyi Ya tan nainy te pokei mi Ya nguer fuainy tsoiny mumua an fuainy tsoiny tatagaa ot tan gum nar vainy fafaaman to te fasaur fi ri na nimar patsuu manyi.

Vaamuan Timoti 5:24

U aveto tana mes a vainy tapokaa enanon tana arasan, an aveto tsuri kaa enanon tan vaatsuk; san aveto tana mesapan te takop non ana ya te tapokaa enanats non vou.

1 Pita 4:10

Isiseiny mes tsumi ma tagaa ot faarof iny a fo fifaan tan Aaven Taabos te faan iny e Gov tsumi poo me tana koma ree'un Tsunia, faarei non fo viir fifaan karap kainy faakouts mes panainy vainy ten Gov.

1 Pita 4:5

Sana ri nai tsutsun ror matan e Gov ri te pokei faruak fo kat te kat ari. Tsunia te kakoun en tan kat vaatsuk tan vainy te toto kaner raror an vainy te mat buser.

Vegiaun Tapokaa 20:12

Ana nyo tagei ton vainy faavot te mat kaa miror asangar gen vainy babainy tsutsun ror matuen tagan karap gosee kaa ror tan vaatsuk tana ka te kat ari to te kirkir finy yan kat tsuri koman a fo buk ton takarat. An mes sen buk, u takarat, U Buk nan asangar vainy te kaa miror a Toto na Suu.