Luke 1:6 - Saposa

⁶ Ri ina fuan toobing tan kat tsuri matan e Gov. Ri natiny vovou faarof iny ror fo Faun tana Tsunaun ana fo mamatsiny ka te tsue iny Ya ma kat.

Luke 1:6 ပူးပေါင်းရင်းမြစ်များ

Jenesis 6:9

Tovein siisio ten Noa. Ayei te kaa men na ina pis a guei tsoiny, ere Siem, Ham, ai Jafet. Noa ayei a mes a rof, an tataan tsunian toobing matan e Gov. Ayei a vaatau faman ten Gov.

Luke 1:7

Ana ri kan a sikia ta guei, tana saa, e Elisabet a visiir to tsunia tobo'an babainy en, ai Sakaraia tsokanei babainy kan enato.

Luke 16:15

Ai Jisas tsue to tsuri, “Ami na vainy natiny kat fatavaron ovei rom a tsivom matar a fokinai, sen Gov natiny non a koma mami. A saa te fakats non a mes to te kaatsian fiisok non na, faarei non a ka babainy matan e Gov.

Luke 2:25

Tan nainy to aya, a mes te kaa tana ngats fan tsian iny Jerusalem te koo ri Simion, ayei na mes a tavaron ana man matan e Gov. Ayei te anaanos a mes iny saup a taa Isrel a kat famaun to na koma rari. U Aaven Taabos te tutuei Ya.

Binun Tan Amaraav 2:25

E Devit tsue bus iny Ya, ‘Anyo tagei na Tsunaun te tsutsun non mata vanyo tan mamatsiny nainy. Ayei kaa non tan panaainy matou tsonyo, to aya na ka te faakouts varonyo ai te faparits vanyo tan nainy iring.

Binun Tan Amaraav 23:1

Pol matoong fapaparits raton fuainy mes tsian tan vaaguam tan Kansol tana taa Jiu, ya tsue to, “Vamuinyasiny tsiau, tana koma vanyo, nyo sikia ma kat ta ka ta iring tana saf ta ka ya na te kat anyo tana toto tsonyo matan e Gov.”

Binun Tan Amaraav 24:16

Ayei na ka te vaputs faparits of ronyo tana fo mamatsiny nainy koma vanyo nyo sikia ma kat ta ka ta iring matan e Gov ai matar vainy.

Binun Tan Amaraav 8:21

Nyi sikia ma kaa me ta pan iny binun tana binun tovei tana saa fakats aave manyi sikia ma toobing fiisen me Gov.

Roum 8:4

Krais pats ravainy aveto tsura tana kifon a ka to ayei: ma nai tapuruur ara tan kat fo kat tavaron te tsue of raran Faun Tsunia tsura ma kat, tan nainy te gim rora ma vovou iny komainy kat aveto tan puainy mes tan nainy te vovou iny roran fo koman tan Aaven Taabos ten Gov.

1 Korin 11:2

Tovei nyo komainy tsue paparaa rou tsumi, tana saa ami fakats patsukainy rom a sanaan te kaakaa fi nyo faarei vanyo na mes fafaaman ten Krais tana fo mamatsiny sanaan ma nat patsu iny ami na sanaan ma kaa mi. Nyo komainy tsue paparaa kan maromi, tana saa ami makuts patsukainy rom fo fafaatsuts to te faatsuts bus anyo mi.

2 Korin 1:12

Ka ton man, tana saa a isen a ka to te paparaa of romam, ana mam nat faman iny rom Ya: Amam gima gam mami, mam kat fatatabiny rom ka na rof tan kat tsumam an vegiau tsumam matar a fokinai tana monaagits to, ai to kan tana tou vivangura tsonyo fifiisen mamimi. A ka to te kat romam fiisen minon kat man an koma rof to te koman fi non e Gov. A nat babainy tsumam te gima tagaa ot maromam, sai tana parits tana koma ree'un ten Gov to te fafaakouts maromam ma kat a ka te komainy non Ya.

Filipai 2:15

tana ka tsun to ayei, sikia ta mes te onot non ma sab ta iring i tsumi, ana sikia kan ta iring koma mami ai tan kat tsun to aya, mi faarei rom guei ten Gov, ami onot rom ma kaa tana toto na tavaron fapoopoan nar a vainy aveto, te kat ror kat iring tan mamatsiny nainy. I fapoopoan narari na vainy te kat fi ror nei, ami faarei rom kurun tan kootsits baraar te nang ror tana a voiny i jias,

Kolosi 1:22

Sai tovei, e Gov te daup mami sam faroruak bus fiisen mi ya tana Guei Tsoiny Tsunia te mat faarei na mes, ma fakaa mami Ya matan e Gov, ana mi te kaa iny taabos ovei tsun em ana sikia ta iring, ana sikia ta mes te sak mami tu vegiau.

Vaamuan Tesalonaika 3:13

Tan kat to aya, Ayei nai faparits non a aave mami, ana mi te tavaron me ana sikia ta iring, mi te taabos kan me matan e Gov a Tamarara tan nainy te tabin minon a Tsunaun tsura e Jisas fifiisen ramen vainy taabos, u fasito Tsunia.

2 Pita 3:14

To sana min fuainy vaatau faman tsonyo, tan nainy te anaanos fi romin Nainy to ayei, mi ma vaputs faarof, am kaa iny taabos mito ana mi te sikia ma kaa me ta iring matan e Gov ai mi te kaa fiisen mi Ya tana aaverof.

Vaamuan Jon 2:29

Ami natem, e Krais Ayei na mes a ta varon; ana mi onot kan rom ma nat fi nei, a fokinai to te kat ror kat tavaron, te agiir me ten Gov.

Vaamuan Jon 2:3

To te manaats rora na fo tsuen parits ten Gov, ara onot ror ma nat faarof fi nei, ara natiny ror Ya.

Vaamuan Jon 3:7

Famanat vaare ta mes ma fagaug mami ya, fuainy guei tsonyo! E sei na mes te kat non kat tavaron ee, ayei na tavaron, faarei tsuiny kainy non e Krais a mes a tavaron.