Kolosi 2:5 - Saposa

⁵ Anyo kan koman fiisok maromi ma nat faarof, kainon to te gim fi ronyo ma kaa fiisen mamimi tana pua vanyo, sana nyo kaa fiisen mamiromi tan fakats tsonyo. Nyo kaa mirou a paparaa, tana saa, nyo nat e varou ami te kaa faavot rom faarei rom a isen a vainy tsun, ana mi kan te faason faparits em ten Krais.

Kolosi 2:5 ပူးပေါင်းရင်းမြစ်များ

Binun Tan Amaraav 2:42

Ri kaa faavot fiisen men guamaraav ser nom fifaatsuts tsuri, ai tana tou vivangura tsuri, ai tana tou ivivoon koinykoiny kan tan fakats fatabiny e Jisas, ana tou faakats.

Binun Tan Amaraav 20:21

Mamatsiny nainy nyo natiny favaanan rou tsuri na taa Jiu ana rin sikia ma taa Jiu kan, ma takopis osing arin aveto tsuri fiisen men reesik ri te takopis tsun naa ten Gov, ana ri te faaman tsun tana Tsunaun tsura Jisas.

1 Korin 11:34

To te ves fi non ta isen ta mes, ayei ma ainy faamuan tsom en numaa tsuan, vou ya te see naa naa me tan vaagum, ma fasaraa vaare mami Gov, to te kat fi mi tan nainy te vaaguam faavot ami. Nyo tsue of pis maromi na mes a fo mar ka tan nainy te vavis fatabin mironyo naa tsumi.

1 Korin 14:40

Sana fo mamatsiny ka koman vaagum ma kat tana sanaan iny fatsiitsii ana madaav.

1 Korin 15:58

Sai tovei fuainy vamuinyasiny fafaaman tsonyo, famanat vaare ir yam ta mes ma amus mami ya am faamainy to na ka te tsue tsuk minon a Tsunaun to te gim non ma man. San sikia, tsutsun faparits fatatabin yam tana faason tsumi tana Tsunaun am binun faparits fatatabin to tana Tsunaun, tana saa ami nat em, a sikia ta ka to te bibinun of romi te nai kajiaa babainy tsun enanats non, tana saa Gov tsun Tsivon fatsuiny fatabiny non a vainy vou na mat tsuar.

1 Korin 16:13

Ami ma tamomots a tsivom tan ta foka ge ta mes te onot ma amus mami am faonot to tan kat a ka te komainy non e Gov tsumi ma kat. Ana mi ma faason tsun naa ten Krais fiisen vaare men fakats vavanun. Am oraav vaare to ta isen ta ka. Famanat vaare iny yam fo viir kat iring ma tagaa ot mami ri. Tsutsun faparits yam.

Kolosi 2:1

Anyo komainy tsue of maromi ma natiny ami na binun tsian fiisok to te suan minyo tan faakouts mami, amin vainy fafaaman tana ngats fan iny Kolosi, an tan faakouts kan rarin vainy fafaaman tan a ngats fan iny Leodisia, an tan faakouts kan rarin mes panan tsurin vainy fafaaman, to nyo tabuiny nak rarori, ana ri kan tabuiny tagaa varonyo.

Vaamuan Tesalonaika 2:17

Vamuinyasiny fafaaman tsonyo, nainy te takibaa osing amam ami tana fo ar nainy, sikia ma tan fakats san tan puan tsun, eye, mam kaa men fakats tsian ma tagei a mata mami, to sa mam vaputs ma naa pis me tsumi.

Vaamuan Tesalonaika 3:8

tana saa ito te tsutsun faparits fi romi tana Tsunaun te fatsuiny faparits mamam sa mam gima fakats fakinai mami.

Hiburu 3:14

Ai to te faaman rora ten Krais faarei te kat fi ra tan tatanik ya te nai onot me tan fafakap nana toto, ra te gima fataanis osing Ya, ayei faatok rarora na ka, Gov fakei bus rara koman e Krais.

Hiburu 6:19

Ra faaman an sikia tu vaa'ets ten Gov te faan rarora na fo mamatsiny ka to, te naano anaanos iny ror an tsuen man Tsunia te kaa faarei tsuiny non a fagum tap a parits tana aave rara, ai te makok rara, ra te gima sagoor osing ya. Ayei fagum tap non gagon voun raarav takop iny Gormirmir tana Pan a Taabos te kaa non e Gov Tsivon.

1 Pita 5:9

Mi ma tsutsun fareits me na faason tsumi, am jiaats vavageiny towa, tana saa, mi natem a fo vamuinyasiny fafaaman tsumi tana monaagits tovei sab kainy ror senviir patang me na saraa kamits to ayei.