Kolosi 1:8 - Saposa

⁸ Ayei na mes to te tsue of raran Aaven Taabos te kat mami ma mangiir amin vainy fafaaman.

Kolosi 1:8 ပူးပေါင်းရင်းမြစ်များ

U Vurungan Rof Nane Jisas Krais Te Kirkir Iny E Mak 4:22

Saf a fokan takop na nai kat faruak non ana saf a foka na famun naa nai sab non ri te fakei ya tana arasan.

Roum 15:30

Sai tovei, fuainy vamuinyasiny fafaaman tsonyo, nyo sing faparits maromi ma faakats of vanyo, tana asangan a Tsunaun tsura Jisas Krais, ai tan Aaven Taabos to te fatap faavots rarora tan mangiir vainy fafaaman faavot. Nyo komainy maromi ma tap faavot me ra te faduem ir a vainy to te koma suar iny ror Vurungan Rof nane Krais.

Roum 5:5

Ai to kan, ara gim ror ma nai faorovus ir, tsura te naano anaanos ror e Gov ma faan rara na fo mamatsiny ka te tsue faman iny Ya tsura, tana saa, Gov faatok bus rara, Tsunia te mangiir fiisok rarora. Ayei faan bus raran Aaven Taabos Tsunia ma kaa en Ya koma rara, an Aaven Taabos to ayei kat ratuara ma natiny e Gov te mangiir fiisok rarora.

Galesia 5:22

San tan nainy te tutuei raroran Aaven Taabos tana tou kaakaa tsura, Ayei nai faruak non a fo kat to ayei tsura: kat iny mangiir, an mamagat, ana aaverof, an kat iny anaanos faamo me na koma rof, an kat iny faatok iny koma tamee, an kat, kat rof tana mesmes, an kat ma faason ari na mesapan tsumanyi,

Kolosi 1:4

Mam faarof rom Ya, tana saa amam te nongon fi nei, ami te faason fiisok rom ten Jisas Krais, ana mam faarof rom Ya, tana saa, to te mangiir famainy romi na vainy fafaaman faavot ten Krais.

Fafuan Timoti 1:7

tana saa u Aaven Taabos te faan iny e Gov tsura te gim non ma kat rara ma oraav; a sikia, u Aaven Tsunia te favei rarora fiisen me na parits a reits, an mangiir an kat iny tagaa ot faarof iny kat tsura patsukaner.

1 Pita 1:22

Tovei roman, mi fataabos bus a aavem ito tan manaats vegiau man, to sa mi kaa men kat iny mangiir famainy fuainy vamuinyasiny fafaaman tsumi, mi ma kaa men mangiir tsian tana fo aave mami tan fuainy vamuinyasiny tsumi,