Kolosi 1:7 - Saposa

⁷ Mi atou me na fo rof an koma ree'un ten Gov ten Epafres to te mangiir romam, ayei na vaamuan nana mes te tsue of mami ya. Ayei na tsoiny binun ten Krais a man ana ayei suu iny to na binun fiisen me Krais, ma faakouts mami ya.

Kolosi 1:7 ပူးပေါင်းရင်းမြစ်များ

Matiu 18:29

Ana tsoiny binun bibinun fiisen mi towa to te kaa minon a tavan tsunia fatukun to matan ya sa sing famamataaf, ‘Anaanos faamo you, nyo biny fatabiny rou a tavan tsonyo tsumanyi!’

Matiu 24:45

“E sei to ayei na tsoiny binun a suu ana nat a rof ee? Ayei na tsoiny binun to na tsunaun tsunia te pisainy ya ma tatagaa ot ir yan mes painy tsoiny binun, ma tatafas rari yan a kainy ainy tana fo nainy fatoobing.

Matiu 25:21

‘Rof ovei tsun, nyi na tsoiny binun a rof ana kaa fasuu,’ te tsue fi na tsunaun tsunia. ‘Nyi kaa fasuu faarof fiisen me na painy moni ito na te ar karaup to sa nyo nai fakarap marom anyi ma tagaa ot iny anyi na painy moni a tee karap to. Taame ma paparaa fiisen vaminyo nyi!’

1 Korin 4:17

Ana kifon ya to tsonyo jiats naa Timoti ma vavis nan ya tsumi. Ayei faarei non a guei tsoiny to te kaa mironyon mangiir tsian tsunia, ana ayei kan suu faman iny binun tana Tsunaun fifiisen men kat tavaron. Ayei nai gungun fatabiny pis maromi tana ka te tsue of bus im yam, ten Krais Jisas, ana ka te tsue of rara Ya ma kat ara, faarei to te fafaatsuts fi nyo rin viir gum iny vainy fafaaman tana fo mamatsiny fan ma vovou iny ari ya.

1 Korin 4:2

Nainy te tagei romin tsoiny tatagaa ot to ayei ito te fafaason fi ror a vainy tsunia, tsunia te kat a binun tana tsunaun, vaamuan nana ka tsunia ma kat tovei, ayei ma suu faman iny a binun tsunia ya te manaats a tsunaun tsunia.

1 Korin 7:25

Tovei nyo komainy biny rou fo rangat tsumi to te rangat iny amin vainy sikia ma fanging. A Tsunaun gima tsue of vanyo ta ka ma kat ari na ka to. Nyo tsue of maromi na ka te fakats ronyon rof, Tsunaun kaa minon a tagtag tsian tsonyo, ito te pangis fi vanyo Ya, to sana mi onot rom ma faason tsonyo, ana mi te onot ma nongoiny a ka te tsue ronyo.

2 Korin 11:23

Ri tsue ror ri bibinun ror ten Krais? Nyo nat rou mi nongon vanyo te faarei rou a mes a piou fiisok, sana nyo bibinun fakinai fiisok Tsunia! Nyo binun fatsian pis to, vainy veer fakei fatatabiny vanyo tan numaa iny kotskots fis pis rarori, ri rarapits fatatabin vatuanyo, sikia ma as fis nainy, ana nyo pon to ma mat you tan nainy kinai.

Efeses 5:21

Ai mi nai fauf rom a tsivom fain isiseiny mes ma fatsiitsii mi Krais.

Filipai 2:25

Tana fo mar nainy tovei, nyo fakats rou ma jiats fatabiny naats e Epafodaites, a vamuinyasiny fafaaman tsonyo i tsumi. Ayei te binun fanaangis en fiisen vaminyo sa faarei non a tsoiny puaan. Ayei kan a tsoiny ngue tsumi to te jiats mimi a faakouts vatuanyo to te aaruts finy anyo ta ka.

Kolosi 4:12

E Epafres ayei na mes tana gum nar vainy fafaaman tsumi to te binun of e Krais Jisas, sa faan iny me nainy rof tsumi. Ayei te faakats faparits fatatabin of maromi ten Gov, te rangat of maromi ten Gov ma kat mami Ya ana mi te tsutsun fasuu tan faatsuts ten Krais, ana mi te ruak iny matsua me tana aave mami to tana sanaan iny koman faavot mami ma kat fatatabiny amin koman ten Gov.

Kolosi 4:7

Anyo jiats naats rou e Tikikas ma tsue of mami ya na fo mamatsiny ka to te ruak nei tsonyo. Ayei na vamuinyasiny a fafaaman tsonyo, to nyo te natiny komainy fiisok rou ya, ana ayei kan te natiny faakouts famainy varonyo, tana binun tana Tsunaun. Tan nainy te naa minon ya, ayei tsue of maromi fei te kaa fi romam a fokinai ei, nei tana ngats fan tsian iny Roum, ayei nom ravainy non a fo fakats patang tsumi i tsumam.

Kolosi 4:9

Anyo nai jiats naats rou e Onesimas naa fiisen minon ya. E Onesimas, ayei kan a vamuinyasiny a fafaaman, ana ayei natiny faakouts faarof varonyo, ana nyo kan mangiir fiisok rou ya, ayei na isen a mes tana gum iny vainy fafaaman tsumi, ere Tikikas me Onesimas nai tsue of maromi na fo mamatsiny ka te ruak en nei tana ngats fan tsian nei Roum.

Vaamuan Timoti 4:6

Nainy te favaanan finy naa rom anyin a fo fafaatsuts to tana fo vamuinyasiny fafaaman, anyi faarei rom a tsoiny binun a rof ten Krais Jisas, nyi ma faparits fatatabiny a aavem tan faatsuts te nom anyi tan Vegiau Nana Faason ana fo fafaatsuts man ten Krais to te vovou bus iny anyi.

Fafuan Timoti 2:2

An fo vegiau man to ayei, anyi ana vainy kinai te nongon vanyo te favaanan iny ya, faatsuts iny naa tana fo tsoiny to te faason tsun rom anyi tsuri, ana ri te faatsuts kan ir a mesapan.

Filimon 1:23

Epafras, ayei na mes a tsoiny fafaaman te kaa non tan kotskots fiisen vaminyo tana saa ayei te binun ten Jisas Krais ana ayei faan iny naa non nainy rof tsunia naa tsumanyi,

Hiburu 2:17

Ma faakouts Ya na vainy, ana Ya ruak faarei famainy ton fuainy famuinyasiny Tsunia, faarei tsuiny puainy mes to te sasaraa fi rori ai te tagtag rari ma faarei Ya na Tsoiny Mumua tan Tsoiny Faakor te suu iny a binun to ten Gov, ma faason tsun ari Tsunia, ana Ya te vegiau of rari ten Gov, ma pats ravainy Ya na fo aveto tsuri tana koma peits ten Gov.

Hiburu 3:2

Gov pisainy bus Ya tana binun to, ana Ayei suu faman iny ton vegiau Tsunia faarei tsuiny kainy e Moses, to te suu faman iny vegiau ten Gov, tan nainy te fainy ya Gov numaa iny guei Tsunia ma tagaa ot rari ya.