Vurungan Rof Nane Jisas Krais Te Kirkir Iny E Jon 8:37 - Saposa

³⁷ Nyo nat you amin tsubnaainy ten Abraham fatoobing. Sana mi pon iny rom ma atsuiny famat Vanyo, tana saa ami te tsugei rom fafaatsuts Tsonyo.

Vurungan Rof Nane Jisas Krais Te Kirkir Iny E Jon 8:37 ပူးပေါင်းရင်းမြစ်များ

Matiu 13:15

tana saa, u fakats te nun ovei en to ser pip a teinar, ri kaput tap iny to na matar kat ror ser tagaa fanatnat, ri te nongon fanatnat an fakats tsuri te arasan me ri te nat, ana ri te takopis osing aveto tsuri er takopis mito Tsonyo, ana Nyo te anofe ravainy aveto tsuri,’ te tsue fi Gov. (Aisaia 6.9,10)

Matiu 3:9

Am tanik iny tsue fi vaare to nei fapoopoan namami, ‘Gov gim non ma fasaraa mamam, tana saa Abraham ayei na tsuvumamam.’ Nyo tsue of maromi Gov onot non ma nom marats to, Ya te kopis rari er faarei miton tsubnaainy ten Abraham!

Vurungan Rof Nane Jisas Krais Te Kirkir Iny E Jon 10:31

An tsoiny mumua tana taa Jiu nom pis ton fats ma totouruei ari Ya.

Vurungan Rof Nane Jisas Krais Te Kirkir Iny E Jon 11:53

Tanik tan ar nainy to aya rin fuainy tsoiny mumua tana taa Jiu kat ton vegiau iny sainy sanaan iny atsuiny famat e Jisas.

Vurungan Rof Nane Jisas Krais Te Kirkir Iny E Jon 5:44

Ami gim on rom ma faaman, tana saa ami komainy rom a vainy ma fakarap mami, sana mi gim rom ma siiva of a tou karap te poo fi minon tana isen tsun a Gov.

Vurungan Rof Nane Jisas Krais Te Kirkir Iny E Jon 7:1

Voun a ka to, Jisas taan vavis naa to koman tana gum fan iny Galili, Ayei te baainy ma naa fi tana gum fan iny Judia, tana saa fuainy tsoiny mumua tana taa Jiu te komainy ma atsuiny Ya.

Vurungan Rof Nane Jisas Krais Te Kirkir Iny E Jon 7:19

Moses faan mamin Faun teeva, sana sikia ta isen tsumi ma manaats ya. Kat fei sam pon rom ma atsuiny Vanyo ei?”

Vurungan Rof Nane Jisas Krais Te Kirkir Iny E Jon 7:25

Mesapan tsuri na vainy tana ngats fan tsian iny Jerusalem tsue to na ka, “Ayei koraa Ya na mes te komainy rori ma atsuiny?

Vurungan Rof Nane Jisas Krais Te Kirkir Iny E Jon 8:33

Ri biny to Jisas, “Amam tsubnaainy ten Abraham fatoobing ana mam sikia ma tsoiny gog tan ta mes. A saa te tsue rom Anyi na Ami te nai tapuruur marom?”

Vurungan Rof Nane Jisas Krais Te Kirkir Iny E Jon 8:43

Kat fei sam gim rom ma nat faarof iny a ka te tsue iny Ronyo ei? Tana saa, amin fanaginy nongon tan vaanan Tsonyo.

Vurungan Rof Nane Jisas Krais Te Kirkir Iny E Jon 8:56

E tsuvumami Abraham paparaa fiisok tan fakats ma tagei yan nainy Tsonyo ana Ya tagei ton nainy Tsonyo, ya paparaa mi towa.”

Vurungan Rof Nane Jisas Krais Te Kirkir Iny E Jon 8:59

Ri nom ton fats ser pon ma totouruei Ya Jisas, sen Jisas famuiny a Tsivon sa naus osing a saape.

Vurungan Rof Nane Jisas Krais Te Kirkir Iny E Jon 8:6

Ri tsue iny a ka to ma fataraatsua ri Ya er fakei naa Towa tan vaatsuk. Sen Jisas fakokop sa kirkir tan puputaa fiisen me na karoor nan.

Binun Tan Amaraav 13:26

“Vamuinyasiny tsiau, gueiny ten Abraham ana min vainy sikia ma taa Jiu to te natiny fafaatouf rom e Gov, u vaanan nane Jisas a Tsoiny Fiisaup tana vainy te naa ename!

Roum 9:7

Tan nainy te tsue kan ronyo na ka, tsubnaain ten Abraham, nyo gim ma tsue tsuk ir fuainy tsubnaain ten Abraham. A sikia, nyo tsue tsuk tsun iny rou a vainy, Gov koo rarorin fuainy guei faman ten Abraham. Gov tsue of e Abraham a ka to, “Fuainy tsubnaain ten Aisak tsun to ari, kaa ror tan as'as nar fuainy tsubnaain tsumanyi.”

1 Korin 2:14

Sana mes a sikia tu Aaven Taabos koman ya, te gim non ma arasan iny a foka to te faatsuts iny non Aaven Taabos ten Gov, tana saa ayei fakats non Ya faarei non vegiau piou tsun. Ana mes a ka, ayei gim non ma inainy fanatnat vaarik rari, tana saa a mes tsun to te kaa minon Aaven Taabos onot non ma faaroiny a foka tan Aaven Taabos ten Gov.

Vaamuan Jon 2:14

Nyo kirkir naa rou tsumin fu ainy vainy to te faarei rom fuainy guei tsonyo, tana saa ami te natiny a Taman. Nyo kirkir rou tsumin fuainy taman, tana saa, ami natiny a isen a mes to aya te kaakaa en muan tan tatanik ai to vei roman kaa kanen nanon, ana nyo kirkir rou tsumin vainy see vainy, tana saa, amin parits; an vegiau ten Gov te kaa non aavem mami ana mi fabiu to na Vinasaar to ayei.