Vurungan Rof Nane Jisas Krais Te Kirkir Iny E Jon 7:30 - Saposa

³⁰ Ana ri pon to ma nots Ya, sana sikia ta isen ma saras vaarik Ya, tana saa nainy Tsunia te mataanis minon.

Vurungan Rof Nane Jisas Krais Te Kirkir Iny E Jon 7:30 ပူးပေါင်းရင်းမြစ်များ

Matiu 12:14

Farasi vavakas, ri vaagum ser kat a fo sanaan iny atsuiny e Jisas.

Matiu 21:46

Ri tanik iny sainy to ta sanaan iny nots e Jisas, sana ri te oraav ir a vainy tana saa a vainy te faamainy e Jisas, Ayei na kuigin.

U Vurungan Rof Nane Jisas Krais Te Kirkir Iny E Mak 11:18

Rin tsunaun tan tsoiny faakor an tsoiny fifaatsuts tan Faun nongoiny to na ka to, ser tanik iny tsikoo ta fo sanaan iny atsuiny e Jisas. Ri gima onot, tsuri te oraav kainy Ya tana saa gum iny vainy te saar iny fafaatsuts Tsunia.

Luke 20:19

U Tsoiny fifaatsuts tan Faun te kirkir iny e Moses an tsunaun tan tsoiny faakor tanaf iny nots e Jisas tan nainy patsukan to aya tana saa, Ayei pokein tsue fapapaar te sak rari sana ri oraav ir a vainy.

Luke 22:53

Nyo kaa fiisen mamimi gagon tana saape tan mamatsiny nainy, ana mi gim to ma nots Vanyo. Sai tovei u nainy tsumi, a parits tana uurup te kookop mami.”

Vurungan Rof Nane Jisas Krais Te Kirkir Iny E Jon 10:31

An tsoiny mumua tana taa Jiu nom pis ton fats ma totouruei ari Ya.

Vurungan Rof Nane Jisas Krais Te Kirkir Iny E Jon 10:39

Ri pon pis to ma nots Ya sana Ayei aruwas osing a nima rari.

Vurungan Rof Nane Jisas Krais Te Kirkir Iny E Jon 11:57

Rin fuainy tsunaun tan tsoiny faakor ana ri na taa Farasi faan iny ton tsuen parits ten sei na mes te tagei sab non a pan te kaa non e Jisas ee, ayei ma pokei faruak iny ya, ma nots ari Ya.

Vurungan Rof Nane Jisas Krais Te Kirkir Iny E Jon 7:19

Moses faan mamin Faun teeva, sana sikia ta isen tsumi ma manaats ya. Kat fei sam pon rom ma atsuiny Vanyo ei?”

Vurungan Rof Nane Jisas Krais Te Kirkir Iny E Jon 7:32

Taa Farasi nongon ir a vainy te fasisiraa iny a foka to, to te tsue tsuk iny ari Ya, ana ri, min fuainy tsunaun tan tsoiny faakor tana taa Jiu jiats raton fo tsoiny bei ot tana saape ma nots ari Jisas.

Vurungan Rof Nane Jisas Krais Te Kirkir Iny E Jon 7:6

Jisas tsue to tsuri, “U nainy fatoobing Tsonyo te mataanis minon, ana fo nainy tsumi, mi kaa mirom nainy kinai iny vavis babainy te naa fi romi tan guainy.

Vurungan Rof Nane Jisas Krais Te Kirkir Iny E Jon 7:8

Ami ma naa fi tan guainy Nyo gim rou ma naa tsom, tana saa nainy fatoobing Tsonyo te mataanis minon.”

Vurungan Rof Nane Jisas Krais Te Kirkir Iny E Jon 8:20

Jisas tsue iny a foka te fafaatsuts Ya tana saape gagon tana pan te kaa ror fo guuv iny fafakaa moni. Sana sikia ta mes ma nots Ya, tana saa u nainy Tsunia te mataanis minon.

Vurungan Rof Nane Jisas Krais Te Kirkir Iny E Jon 8:37

Nyo nat you amin tsubnaainy ten Abraham fatoobing. Sana mi pon iny rom ma atsuiny famat Vanyo, tana saa ami te tsugei rom fafaatsuts Tsonyo.

Vurungan Rof Nane Jisas Krais Te Kirkir Iny E Jon 8:59

Ri nom ton fats ser pon ma totouruei Ya Jisas, sen Jisas famuiny a Tsivon sa naus osing a saape.

Vurungan Rof Nane Jisas Krais Te Kirkir Iny E Jon 9:4

Te arasan farokot non a nuaf, ara ma kat a binun ten Gov to te jiats Vaminyo, ana uurup kat iny voiny osto, sikia ta mes te binun on non.