Vurungan Rof Nane Jisas Krais Te Kirkir Iny E Jon 7:17 - Saposa

¹⁷ E sei na mes te komainy kat non mangiir ten Gov ee nai natiny ror fafaatsuts te faatsuts iny Ronyo to te poo fi me ten Gov ge te nai vegiau kan iny Ronyo na parits Tsonyo.

Vurungan Rof Nane Jisas Krais Te Kirkir Iny E Jon 7:17 ပူးပေါင်းရင်းမြစ်များ

Matiu 6:22

“U matan faarei non arasan tan puan. Te arasan fi non a matam, puam mami faavot arasan faavot non;

Luke 8:15

U fua te rus tan puputaan rof faarei raror vainy te nongoiny vegiau ten Gov ser nom tap iny ya tan aaven rof iny manaats iny vovou iny ya, sa gima faonot tan fua.

Vurungan Rof Nane Jisas Krais Te Kirkir Iny E Jon 3:21

San e sei te kat non kat man ee naa minon tana arasan, tan kat to aya a arasan te nai tapokaa non ana fo binun te katkat non ya, nai faatok iny non a ka ayei te manaats non e Gov.”

Vurungan Rof Nane Jisas Krais Te Kirkir Iny E Jon 8:43

Kat fei sam gim rom ma nat faarof iny a ka te tsue iny Ronyo ei? Tana saa, amin fanaginy nongon tan vaanan Tsonyo.

Vurungan Rof Nane Jisas Krais Te Kirkir Iny E Jon 8:44

Amin guei ten Vinasaar a tamamami, ana mi komainy vovou iny rom koman tsunia. Tanik me tan tatanik, ayei na tsoiny fitokon. Ana ayei sikia ma kaa tan panaan tana man, tana saa a sikia ta man te kaa non tsunia. Te tsue iny non yan gam, ayei te faarei tsuiny non kat tsunia, tana saa ayei na gamgam ana ayei te fataman iny non a fo mamatsiny gam.

Vurungan Rof Nane Jisas Krais Te Kirkir Iny E Jon 8:47

E sei na mes to ayei, Gov te fasito iny non ya ee, ayei te nongoiny non vegiau Tsunia, ana kifon ya to tsumi gim rom ma nongoiny ya, amin gim ma fasito ten Gov.”

Binun Tan Amaraav 17:11

A taa Jiu iny Beria koma tamee tan nongoiny vegiau, sikia ma faarei raror a taa Jiu iny Tesalonaika. Ri natiny vanongon ror tan vegiau fiisen men koman tsian iny gogosias kirkir ri te tagei Vegiau Ten Gov tan mamatsiny nainy tana ka te tsue iny e Pol to te man fi non ya.