Vurungan Rof Nane Jisas Krais Te Kirkir Iny E Jon 6:66 - Saposa

⁶⁶ Tan kat to aya, ana fokinai to te vovovou iny Ya naus osing Towa ri tabin fatabin rato tan kat mangiir tsuar sana ri gima vovou pis iny naa Ya.

Vurungan Rof Nane Jisas Krais Te Kirkir Iny E Jon 6:66 ပူးပေါင်းရင်းမြစ်များ

Matiu 19:22

Te nongoiny a see mes vegiau to, ana ya reesik fiisok nato, ana ya naa en nato, tana saa, ayei kaa me na masun a kinai.

Luke 9:62

Ai Jisas biny towa, “Sikia, ta mes te tanik iny kat non a binun Tsonyo, ai te matoong fatabin fi naa vou tana foka te faravaa iny ya, ayei gim non ma onot faarof ma kat a binun tana Waan e Gov.”

Vurungan Rof Nane Jisas Krais Te Kirkir Iny E Jon 2:2

ai Jisas an matisian Tsunia nom kainy ton vebus tana fanging ser naa.

Vurungan Rof Nane Jisas Krais Te Kirkir Iny E Jon 6:60

An fo matisian Tsunian kinai nongoiny ton vegiau ri tsue to na ka, “U fifaatsuts tovein opaar fiisok, ana sikia ta isen ma onot tan faamainy ya.”

Vurungan Rof Nane Jisas Krais Te Kirkir Iny E Jon 6:64

Sana mesapan tsumi gima faaman Vanyo.” (Jisas nat faamuan en tan tatanik ten sei te gim non ma faaman ee, ai sei te nai faan iny non Ya ma atsuiny ari Ya.)

Vurungan Rof Nane Jisas Krais Te Kirkir Iny E Jon 7:3

an fuainy famuinyasiny ten Jisas tsue taring iny Towa, “Te komainy fapaas rom Anyi na Tsivom, naus osing a fan to kua tana gum fan iny Judia ma tagaan fuainy matisian Tsumanyi tana fo binun iny faatok te katkat rom Anyi. Fiisia, sikia ta isen ta mes te famuiny non kat te natiny katkat non ya ma tagaa na fokinai. Tan kat te katkat rom Anyi tanyir a monaagits to ma inainy fanatnat Manyi ri!”

Vurungan Rof Nane Jisas Krais Te Kirkir Iny E Jon 8:31

Ai Jisas tsue to tana taa Jiu to te faamainy Ya, “To te manaats finy romin fafaatsuts Tsonyo, mi faarei famainy rom matisian Tsonyo,

Fafuan Timoti 1:15

Nyi natem, vainy fafaaman a kinai to te poo fi me tana gum fan iny Esia ser kaa ror tovei tana ngats fan tsian iny Roum te naus osing bus vanyo, ai fapoopoan a rari ere Faijelas me Hemojenis.

Fafuan Timoti 4:10

tana saa Dimas naus osing bus vanyo sa mangiir fiisok kat tan puputaa to. Ayei naa fi enanaa to tana ngats fan iny Tesalonaika. Nyo jiats naa to Keresen sa naa fi enanaa to tana gum fan iny Galesia, ai Taitus naa fi enanaa to tana gum fan iny Dalmesia.

Hiburu 10:38

San vainy tavaron Tsonyo, te faason ror Tsonyo, ri toto ror me na faason. Sana vainy to te vaa'ets ror, ri te faan iny a tounor, Nyo gim rou ma nai paparaa iramiri.” (Habakuk 2.3,4)

Vaamuan Jon 2:19

A fo vainy to ari te naus osing raran vainy fafaaman ri sikia to ma faaman faarein vainy tsura fatoobing, ana ri naus osing ratuara. Tabuiny ma faarei arin vainy tsura fatoobing, ari tabuiny kaa fiisen ramira. San tan kat iny takibaa vavis tsuri faatok iny non a ka arin vainy vavaajets.