Vurungan Rof Nane Jisas Krais Te Kirkir Iny E Jon 6:2 - Saposa

² Ana vainy a kinai vovou iny Towa, tana saa ari tagein fo binun iny faatok Tsunian reits tan tsipaar vainy faadis.

Vurungan Rof Nane Jisas Krais Te Kirkir Iny E Jon 6:2 ပူးပေါင်းရင်းမြစ်များ

Matiu 12:15

Te nongoiny e Jisas a ka to Ya naus osing to na fan to aya; ana vainy a kinai vovou iny naa Towa. Ya tsipaar to na fo mamatsiny faadis,

Matiu 13:2

A fokinai vaaguam ser bau faafis Ya, tsurin kinai fiisok, Jisas jias enato tan puak ana Ya gum to ana fokinai tsutsun er teis.

Matiu 14:14

Te sung naa ri ai Jisas of osing ton puak ai tan nainy te tagei Ya na vainy a kinai fiisok aaven Ya kaa miton tagtag tsuri, ana Ya tsipaar to na fo faadis tsuri.

Matiu 8:1

Jisas of osing me na painy tet, ana vainy u tagin kinai vovovou iny Towa.

U Vurungan Rof Nane Jisas Krais Te Kirkir Iny E Mak 1:45

Te naa bus naa na mes ya tanik iny saats vavis ton vaanan tan mamatsiny fan, tana ka te kat e Jisas tsunia, tan kat to aya Jisas gim to ma naa koman a ngats fan ana ya kaa osing to na vainy tana pan a uur. Sana vainy poo fi me tan fo fan vavis, naa mito Tsunia.

U Vurungan Rof Nane Jisas Krais Te Kirkir Iny E Mak 6:33

Sana vainy a kinai tagaa rari te naa fi naa ri, ri nat ratuari, ser fakookuar fi naa matan, ton kinai te tsun me tana fo ngats fan ser nai ruak faamuan rari.

Vurungan Rof Nane Jisas Krais Te Kirkir Iny E Jon 11:47

Ana ri na taa Farasi an fuainy tsunaun tan tsoiny faakor fiisen ramirin fuainy tsoiny mumua tana taa Jiu vaaguam faavot to tan vaagum tan Kansol, ri tsue to na ka, “Saa te kat rora na? Tana saa a mes to, katkat a fo mamatsiny binun iny faatok reits to!

Vurungan Rof Nane Jisas Krais Te Kirkir Iny E Jon 12:18

Tan kat to aya ana rin vainy tainytainy Towa tana saa ari te nongoiny Ya te kat binun iny faatok reits.

Vurungan Rof Nane Jisas Krais Te Kirkir Iny E Jon 12:37

Kainon to te kat Ya na fo binun iny faatok reits mata rari, ri gim kainy to ma faamainy Ya,

Vurungan Rof Nane Jisas Krais Te Kirkir Iny E Jon 2:11

Jisas vaamuan iny kat a ka iny faatok to na karap, tana ngats fan iny Kena tana gum fan iny Galili, ana Ya pokei ton siinaiv reits Tsuan, an matisian Tsunia faamainy Towa.

Vurungan Rof Nane Jisas Krais Te Kirkir Iny E Jon 2:23

Tan nainy te kaa Jisas tana ngats fan tsian iny Jerusalem tan Guainy tan Nainy Fakats Fatabin ana fokinai faamainy Towa, Tsunia na Mes te pisainy e Gov ma Tsoiny Fiisaup Ya tana vainy to te tagei finy ari Ya te kat a foka iny faatok reits te kat Ya.

Vurungan Rof Nane Jisas Krais Te Kirkir Iny E Jon 20:30

Jisas kat a fo mes a fo binun iny faatok reits mata mamam fo matisian Tsunia sai te gima kirkir koman Buk tovei.

Vurungan Rof Nane Jisas Krais Te Kirkir Iny E Jon 3:2

Ayei te naa ten Jisas tana isen a voiny sa tsue Tsunia, “Tsoiny Fifaatsuts, amam nat rom, Anyi na isen a tsoiny fifaatsuts te jiats me Gov. Sikia ta isen ta mes te onot non ma kat a binun a reits iny faatok te katkat Anyi, onot non te kaa fiisen minon Ya Gov, ana Ya te faakouts Ya tan kat a foka to.”

Vurungan Rof Nane Jisas Krais Te Kirkir Iny E Jon 6:14

Ana vainy a kinai na aya, tagei to na binun iny faatok reits to te kat e Jisas ri tsue to na ka, “Man ovei, Ayei na kuigin to aya, te pokei iny ari muan te naa minon tana monaagits to!”

Vurungan Rof Nane Jisas Krais Te Kirkir Iny E Jon 6:22

Tan mes nainy an tagin to te daup tan mes panaan nana naaman komainy to ma tagei e Jisas. Ri tagaa to te kaa farokot fin sen puak na aya. To sana ri nat fi rato nei Jisas gima jias tan puak fiisen ramen fuainy matisian Tsunia sana ri patsukaner.

Vurungan Rof Nane Jisas Krais Te Kirkir Iny E Jon 6:26

Jisas biny ratuari sa tsue na ka, “Nyo tsue faman of maromi, ami sainy Vanyo, sikia ma tana ka iny faatok reits te tagei ami, san tan koinykoiny te ainy ami sa mi viits guas im.

Vurungan Rof Nane Jisas Krais Te Kirkir Iny E Jon 6:30

Ri biny Towa, “Saf a ka iny faatok na te nai kat pokei rom Anyi faatok maromam ten Gov te pisan Manyi ma faaman amam? A saa te kat rom Anyi na?