Vurungan Rof Nane Jisas Krais Te Kirkir Iny E Jon 5:5 - Saposa

⁵ A mes a faadis te kaa na aya sa onots tonuafunuu ana jian a ingainy.

Vurungan Rof Nane Jisas Krais Te Kirkir Iny E Jon 5:5 ပူးပေါင်းရင်းမြစ်များ

U Vurungan Rof Nane Jisas Krais Te Kirkir Iny E Mak 9:21

Jisas rangats to taman ya, “Farainy te tanik yan kat to?” Taman a vurots tsue to, “Te tanik te memeran patsukan ya.

Luke 13:16

Sana moun tovei, a tsubnaain ten Abraham sen Vinasaar kotskots ya sa onots safunuu ana jian a ingainy. Sa kat fei, to ma gima puruur Anyo na ka te kat tap iny ya ei, tan Nainy Fafaatouf tana taa Jiu?”

Luke 8:43

A moun te kaa kan na aya a gum iny tataa'in onots a safunuu ana fuan na ingainy, ayei foiny fakap kan iny a te moni tsunia tan tsoiny tsipaar sana sikia ta mes ma onot tan tsipaar ya.

Vurungan Rof Nane Jisas Krais Te Kirkir Iny E Jon 5:14

Vou, ai Jisas sab towa tana saape, Ya tsue to tsunia, “Nongon rom, anyi rof fatabin em, nyi ma fakap ovei bus a fo kat iny aveto tsuam kat non sana iring tsian fiisok ruak manyi.”

Vurungan Rof Nane Jisas Krais Te Kirkir Iny E Jon 5:4

tana saa a morena tana Tsunaun natiny guats non a aurom kepak tan nainy te ruak minon ya. Te guats non ya ana mes a faadis to te tsiak faamuan naa gagon nana kepak nai toto nanon tana faadis te kaa minon ya.]

Vurungan Rof Nane Jisas Krais Te Kirkir Iny E Jon 5:6

Jisas tagei towa te soon non ana ya natiny towa na faadis tan nainy viviakoo, ana Ya tsue to tsunia, “Fiisia, anyi komainy toto rom?”

Vurungan Rof Nane Jisas Krais Te Kirkir Iny E Jon 9:1

Te tataan naa Jisas Ya tagei to na mes te agiir, a mata kio.

Vurungan Rof Nane Jisas Krais Te Kirkir Iny E Jon 9:21

Sana mam sikia rom ma nat fei te matoong fi ya ei roman ge e sei te karats a matan ya ee. Rangats yam, ayei te mes tsian en ana ayei onot non ma pokei iny a tsivon tana saf a ka te ruak en tsunia na.”

Binun Tan Amaraav 14:8

A isen a mes te agiir me na moun a pengong ana pin ma taataan te kaakaa na aya Listra.

Binun Tan Amaraav 3:2

A mes agiir me a moun ya na mat natiny govets finy naa rori tana pan te koo ri, Matainy Sobaa Na Saavits nana saape natiny fagum rori ya te sing maamaa ta ka tana vainy tan mamatsiny nainy.

Binun Tan Amaraav 4:22

A mes to te tsipaar ari sa toto te onots non fats safunuu na ingainy.

Binun Tan Amaraav 9:33

Tana fan nato aya, ya tagei to na isen a mes asangan ya e Inias, a puan ya na mat ovei onots a jian a ingainy, ayei gim ma tsun osing a fetan.