Vurungan Rof Nane Jisas Krais Te Kirkir Iny E Jon 4:43 - Saposa

⁴³ Voun fuan nainy te kaakaa Ya na aya. Jisas naus osing to na fan sa naa fi en tana gum fan Tsuan fatoobing unya Galili.

Vurungan Rof Nane Jisas Krais Te Kirkir Iny E Jon 4:43 ပူးပေါင်းရင်းမြစ်များ

Matiu 4:13

Ya naus osing to na ngats fan iny Nasaret sa nai kaa en tana ngats fan iny Kapeniam. Kapeniam kaa non panan a naaman tana pan tere Sebulan me Naptali.

Vurungan Rof Nane Jisas Krais Te Kirkir Iny E Jon 1:42

Ana Ya mei naa to Saimon unya ten Jisas. Jisas tagei towa ana Ya tsue to, “Anyi Saimon, a guei tsoiny ten Jon. Asanga manyi nai koo rori Sifas.” (Faarei tsuiny non e Pita, man nan vegiau to, a fats.)

Vurungan Rof Nane Jisas Krais Te Kirkir Iny E Jon 4:40

Te nai tagei mi ri Ya tana gaguur aurom, ri rangats Towa ma kaa fiisen mi ri Ya fan tsuar, ana Ya kaa enato onots fuan nainy.

Vurungan Rof Nane Jisas Krais Te Kirkir Iny E Jon 4:44

Ai Jisas tsue patsukan to, “A kuigin te gim rori ma fatsiitsii faarof tana gum fan Tsunia fatoobing.”

Vurungan Rof Nane Jisas Krais Te Kirkir Iny E Jon 4:46

Ai Jisas naa fatabin fi enato tana ngats fan iny Kena tana gum fan iny Galili tana pan te kopis Ya na aurom sa faarein wain. Te kaa men a tsoiny mumua tana gamaman na aya, a guei tsoiny tsunia na soon iny faadis kaakaa kanen na aya tana ngats fan iny Kapeniam.

Roum 15:8

tana saa, nyo tsue rou, Krais faarei me na tsoiny binun ten Gov tana taa Jiu, ma faatok iny Ya na ka te tsue faman iny Ya muan, u man. Muan Gov tsue faman of raton vaamuan nar fuainy tamar rara na taa Jiu, “Nyo nai kat rou a foka na fo rof tana fo tsubnaain tsumi.” Ai tovei, Krais kat bus a fo ka to sa kap en.