Vurungan Rof Nane Jisas Krais Te Kirkir Iny E Jon 3:6 - Saposa

⁶ Puainy mes te faagiir non puainy mes, san Aaven Taabos te faagiir non a toto na foun tan aaven.

Vurungan Rof Nane Jisas Krais Te Kirkir Iny E Jon 3:6 ပူးပေါင်းရင်းမြစ်များ

Jenesis 5:3

E Adam te kaakaa sa onots sen natus an fopis saafunu na ingainy, sa ruak iny taman a isen a guei te senviir faarei non ya. Sai Adam koo ya, e Set.

Jenesis 6:12

San Gov te matoong me tan puputaa ana ayei tagei ton kat tana vavainy, iring fiisok, tataan tana mes, a kuav tsun.

Jenesis 6:5

A Tsunaun te tagei kat tana vavainy tana fo mamatsiny pan gim ma rof tan fokinai nainy, u aave rari te fakats tsuiny non a foka na iring.

Vurungan Rof Nane Jisas Krais Te Kirkir Iny E Jon 1:13

Ana ri gima agiir ma faarei mi rin guei ten Gov tan kat tan puputaa tovei, ge ari gima agiir vovou iny koman tan puainy mes, ge mangiir iny fakats tan tamar min tsinar, a sikia, ri agiir me ten Gov.

Vurungan Rof Nane Jisas Krais Te Kirkir Iny E Jon 3:7

Koma karian vaare Tsonyo te tsue of manyi, ami ma agiir pis tan Aaven Taabos.

Roum 7:18

tana saa, nyo natiny a ka tovein u man, nyo patsukan you gim rou ma kat ta isen ta ka ta rof, ito tana parits tsonyo tana puainy mes, tana saa nyo kaa miroun koman tsian iny kat, kat rof, sana nyo gima kat oiny ya,

Roum 7:5

tana saa, muan tan nainy te kaakaa rara vovou iny komainy kat aveto tan puainy mes ana ra pon to ma kat fapaparei a tsivor, ito te tsue fi na fo faun tsura. “Mi ma kat vaare na ka to,” ge “Kat yam a ka naa to,” sa faparits men koman tsura tan kat kat iring fiisen me na puar. Tan kat to ayei, u aveto tsura na fokinai kat non e Gov, Ya te jiats ra naa ra unya Hel.

Roum 8:13

tana saa, ito te kaa kaa babainy tsun romi mi te vovou tsun iny komainy kat aveto tan puainy mes tsumi, ami nai nom rom a mat a suu unya Hel. Sai to te pitaa fusfus fi non a parits tan Aaven Taabos u komainy kat aveto tan puainy mes tsura, ami nai kaa fatatabin fiisen mirom e Gov tan mamatsiny nainy te naa minon vou.

1 Korin 6:17

Sai te fatap fi naa non a mes a aaven ya tana Tsunaun, ayei isen tsun minon a Tsunaun fiisen me na aaven ya.

2 Korin 5:17

U man, ito te tap fi non e sei na mes ten Krais ee, Gov fapogaar fafoun pis a mes to ayei. Ayei gima senviir pis faarei muan, toto na tamuan kajiaa en, ana toto na foun a kat gengen tanik osto!

Galesia 5:24

Ana ri to te fasito iny ror e Krais gim ror ma nongoiny fo komainy kat aveto tan puainy mes tsuar. Sa faarei non ari fagageits bus a fo komainy kat aveto tan puainy mes tsuar to ayei me na fo mamatsiny koman faavot tsuar sa ras faavots rari sa faarei rari te gageits fiisen me Jisas tana pagafuan ri mat fiisen mi Towa.

Efeses 2:3

U man, muan, sa ra faavot kat, kat to. Ana ra katkat ton kat te komainy non puainy mes an fakats tsura, tana saa, ara faarei tsuiny rora mesapan ana ra kaa faavot to fain a koma seeve ten Gov faarei rarori.

Kolosi 2:11

U tsoiny fifaatsuts gamgam to ari te komainy maromin vainy sikia ma taa Jiu ma vaapee, sana mi ma fakats a ka tovei, to tan nainy te kaa romi koman e Krais, ayei te faarei non, to te nom finy romi na tou vaapee, iton vaapee tan vaapee tan aaven. A ka to aya te gim non ma faarei na tou vaapee te natiny kat non a mes tana pua mami, sana man nan ya e Krais te ots ravainy a fo fakats iny muan tan komainy kat aveto tan puainy mes ma kat fakats aveto, to na ka te tsue of mami ya, ton tamuan puainy mes ma kat ya.

Vaamuan Jon 3:9

E sei na mes te agiir me ten Gov ee, te gim non ma kat fatatabiny kat iny aveto, tana saa, u kat ten Gov kaa non koman ya; ana ayei te gima onot ma kat fatatabiny kat iny aveto, tana saa ayei te agiir me ten Gov.