Vurungan Rof Nane Jisas Krais Te Kirkir Iny E Jon 21:22 - Saposa

²² Jisas biny towa sa tsue na ka, “To te mangiir Anyo ya ma toto ya onot non tana tou tabin me Tsonyo, a sikia ma ka tsumanyi. Vovou tsun You!”

Vurungan Rof Nane Jisas Krais Te Kirkir Iny E Jon 21:22 ပူးပေါင်းရင်းမြစ်များ

Matiu 16:24

Ai Jisas tsue of raton matisian Tsuan, “Sei na mes te komainy vovou Varonyo ee, ayei ma anofe na tsivon, ayei ma fa'orovus iny a tsivon, ana ya te vovou Vanyo,

Matiu 24:27

tana saa, a Guei Tsoiny te Bobot e Gov sa ruak iny Mes me naa minon faarei non kanaf, Ya te kanaf faafis a korosuu tanik minon tana pan te roruak minon a nuaf ya te nai onot tana pan te ruk naa non a nuaf ana vainy faavot tagei ror Ya.

Matiu 24:3

Te gum e Jisas tan Tobeer iny Oliv, an matisian patsukaner naa mito Tsunia. “Tsue of mamimam, farainy te nai ruak nats non a ka to,” rangat fi ri, “ana saf a ka te nai ruak nats non na ana ya te faatok fatoobing iny nainy tabin me Tsumanyi ana fafakap nana monaagits to?”

Matiu 24:44

Tan kat to aya, ami kan ma kakoun faarof tan mamatsiny nainy, tana saa, a Guei Tsoiny te Bobot e Gov sa ruak iny Mes me te nai tabin fatabin minon tan ar nainy te gim fi romi ma naano.”

Matiu 25:31

“Te tabin fatabin minon a Guei Tsoiny te Bobot e Gov sa ruak iny Mes me faarei minon Ya na Aatouf, an fo morena fiisen mi Ya, Ayei nai gum non tan tagan Tsuan tsigtsig.

Matiu 8:22

Jisas biny towa, “Vovou you, Tanyir mat ma kats iny arin vainy mat.”

U Vurungan Rof Nane Jisas Krais Te Kirkir Iny E Mak 9:1

Ai Jisas tsue to tsuri, “Nyo tsue faman of maromi te kaa miror mesapan te tsutsun ror tovei tabuiny mat ror tagei nats ror a Waan e Gov naa fiisen minon a parits.”

Vurungan Rof Nane Jisas Krais Te Kirkir Iny E Jon 21:19

(Tan vegiau to aya, Jisas tsue faruak iny a mat ten Pita, ito na mat, te nai sab non ya, ma fapaas ari ya na asangan e Gov.) Ai Jisas tsue to tsunia, “Vovou you!”

Vurungan Rof Nane Jisas Krais Te Kirkir Iny E Jon 21:21

Nainy te tagei vanyo e Pita, ya tsue to ten Jisas, “Tsunaun, kat pas fei tana mes to aya ei?”

1 Korin 11:26

Tan fo mamatsiny nainy to te ainy romin koinykoiny to, am jiu kainy ton wain to, mi te tsue of ir a vainy to tana Tsunaun te mat en sa tanik tsue faunot foun ten Gov fiisen ramen vainy Tsunia. Mi ma fakats fatatabiny a mat tana Tsunaun tana sanaan tovei onot non te tabin fatabin minon Ya.

1 Korin 4:5

To sana mi ma faaroiny vaare ta mes, to te kat faarof fi non ya na binun tsuan ge na sikia tabuiny fagum non e Gov nainy kat vaatsuk tana vainy ito, tan nainy te naa minon a Tsunaun ma kat Yan vaatsuk tana vainy. Ayei nai pokei faruak non fakats te takop non komar a vainy tana arasan. Ai tan nainy to ayei, Gov nai tsue iny paparaa non ten sei na mes ee, tamainy non a tafan tana binun to te kat ya.

Vaamuan Tesalonaika 2:19

Fiisia, tana tou tabin me ten Jisas tan nainy vaatsuk ana mam te tsutsun matan Ya, a saa te naano anaanos romam na? Ana saa te mamagat of romam na? Ana mam te tenoor mi ya? Ami tsun to arin vainy fafaaman tana taa Tesalonaika,

Jemis 5:7

Sai to tan nainy te fapatang maromi rin, vainy vavaajets to, faparits yam a aavem fuainy vamuinyasiny fafaaman tsonyo, mi te anaanos faamo tana tou tabin me tana Tsunaun. Mi natem kat te kat fi non a tsoiny rereev tanun to te anaanos faamo minon ya nainy te fua faarof fi non tanun tsunia. Ayei anaanos faamo patsukainy non nainy tana vaamuan nana ruat an mes nainy tana ruat te naa fi minon ya vou ma gian faarof fua, ya te agion tanun tsunia.

Jemis 5:8

Ami kan ma anaanos faamo, am tsutsun faparits of ton nainy tana Tsunaun te sisiruu ename.

Vegiaun Tapokaa 1:7

Tagaa, Ayei te naa fiisen minon a koroo! Ana fokinai fifiisen ramirin vainy to te sak gevgev Ya, nai tagei ror Ya, ana fokinai tana monaagits tovei nai susuiny matan ror men reesik tsian tan kat te kat ari ten Jisas. Eye, ka to te ruak faman ovei enanon! Man Ovei.

Vegiaun Tapokaa 2:25

sana isen a ka to, mi ma nom tap faparits iny a faaman tsumi Tsonyo ana fo faatsuts te nom ami onot non tan nainy te naa mi Ronyo.

Vegiaun Tapokaa 22:20

A Mes to te pokei iny a fo vegiau tovei, te tsue non a ka tovei roman, “Eye, u man! Nyo sisiruiny tabin vame!” Man ovei, Tsunaun e Jisas, taame!

Vegiaun Tapokaa 22:7

“Nongon Yam!” tsue fi Jisas, “Nyo sisiruiny tabin vame! Paparaa fiisok tsurin vainy te manaats ror vegiau tana ka te ruak nats non vou koman Buk tovei!”

Vegiaun Tapokaa 3:11

Nyo sisiruiny naa vame. Nom tap faparits iny a foka te kaa miromi. Tan kat to aya, sikia ta mes te onot non ma nom osing mami na tafan tsumi ito na sapou uupe gol.