Vurungan Rof Nane Jisas Krais Te Kirkir Iny E Jon 20:19 - Saposa

¹⁹ Tana Sande tana voiny, rin matisian vaaguam to, ri pingping ot ir a tsivor tana saa ari te oraav ir fuainy tsoiny mumua tana taa Jiu. Ai Jisas naa mito sa tsutsun fapoopoan narari, sa tsue na ka, “Aaverof kaa fiisen maromi.”

Vurungan Rof Nane Jisas Krais Te Kirkir Iny E Jon 20:19 ပူးပေါင်းရင်းမြစ်များ

Matiu 10:13

Te makok fi marom yam ta vainy koman a numaa nato aya, fakei yam tsuen rof nana aaverof ma kaa ya; sai te gim fi rori ma fafasung mami, nom ravainy yam tsue nana aaverof.

Matiu 18:20

tana saa ai to te vaaguam faavot ror a ina fuan ge ta ina pis er fakats vatuanyo tana asanga Vanyo, Nyo kaa rou fapoopoan narari.”

U Vurungan Rof Nane Jisas Krais Te Kirkir Iny E Mak 16:14

Vou ovei Jisas ruak raton safunuu ana isen a matisian te gum iny ainy ari. Ya peits ratuari, tana saa aaver rari te kio ovei men vaajets. Ana ri vaajets kan iny to na vainy te tagei Ya te toto fatabin fi Ya.

Vurungan Rof Nane Jisas Krais Te Kirkir Iny E Jon 14:27

“Nyo naus osing fiisen mamiromi na aaverof ana aaverof Tsonyo fatoobing Nyo faan maromi ya. Nyo gima faan mami ya faarei te faan fi maromi ya na vainy tana monaagits to. To tsumi ma koma patang vaare am oraav vaare to.

Vurungan Rof Nane Jisas Krais Te Kirkir Iny E Jon 16:22

Jesan te kat fi non ya to tsumi tovei roman mi reesik rom, sana Nyo nai tagei pis maromi, ana koma mami te nai via me na mamagat tsian ito na mamagat a sikia ta mes te pets osing maromi Ya.

Vurungan Rof Nane Jisas Krais Te Kirkir Iny E Jon 16:33

Nyo tsue of bus mami na ka to mi kaa rom koma Vanyo ma nai kaa mimi na aaverof. U kat tana monaagits to te fakamits maromi. Sana mi ma tsutsun faparits! Nyo kat fabiu bus kat tana monaagits to!”

Vurungan Rof Nane Jisas Krais Te Kirkir Iny E Jon 20:21

Ai Jisas tsue pis to tsuri, “Aaverof kaa fiisen maromi. To te jiats fi Vaminyo Tamanyo, jesan Nyo jiats kan maromi.”

Vurungan Rof Nane Jisas Krais Te Kirkir Iny E Jon 20:26

Isen a wik te kap naa an matisian vaaguam to, ri pingping ot pis ratuari, ai Tomas kaa fiisen ramituari. Fo pingping fo siisiot tap, sai Jisas naa me, Ya tsutsun to fapoopoan narari Ya tsue to na ka, “Aaverof kaa fiisen maromi.”

Vurungan Rof Nane Jisas Krais Te Kirkir Iny E Jon 21:1

Voun a ka to, Jisas faatok pis iny to na Tsivon tana tee ar matisian Tsunia tana naaman iny Taiberias.

Vurungan Rof Nane Jisas Krais Te Kirkir Iny E Jon 21:14

Fafofopis nan nainy to aya, te faatok iny a Jisas a Tsivon tan matisian, vou te fatoto fatabiny fi Ya Gov tana mat.

Vurungan Rof Nane Jisas Krais Te Kirkir Iny E Jon 7:13

Sana sikia ta isen tsuri ma tsue pokei Ya tana arasan, tana saa ari te oraav ir fuainy tsoiny mumua tana taa Jiu.

Binun Tan Amaraav 1:3

Tan fats safunuun nainy voun a mat Tsunia, Ya faatok vavis iny to na tsivon tsuri ma vaa'ets vaare ri Tsunia te toto en ana Ayei tsue tsuk kan iny to na Waan e Gov.

Roum 15:33

Nyo faakats rou ten Gov te kifon iny non na aaverof ma kaa fiisen mamimi faavot. Man Ovei.

1 Korin 15:5

Ai to kan, voun ya, to te tsun fatabin fi Ya, Ayei naa fi enato ten Pita ma faatok iny Ya na puan ten Pita. Vou, Ya naa fi kanen nato tan mes panainy matisian sa faatok kan iny a puan tsuri.

Efeses 2:14

tana saa, Krais, Ayei na aaverof tsura. Tsunia te daup faavots rara na taa Jiu ana mi kan a sikia ma taa Jiu ma faarei miran isen tsun a mes ma kaa mira na aaverof. Ayei kat a ka to, tana mat Tsunia tana pagafuan, sa rurei ravainy kat iny fatsitsien to te kibei vavis rara faarei na soopip fapoopoan narara.

Efeses 6:23

Nyo faakats rou ten Gov, a Taman, ana Tsunaun Jisas Krais ma faan mamin vamuinyasiny fafaaman a aaverof an kat iny mangiir a mesapan ana faason ten Krais.

Filipai 1:2

Nyo faakats rou ten Gov a Tamarara ana Tsunaun Jisas Krais ma faan mami na ree'un ana aaverof.

Fafuan Tesalonaika 3:16

Mam faakats rom tana Tsunaun, Ayei na kifon a aaverof, patsukan Tsivon, ma faan mami na aaverof tan fo mamatsiny nainy ai tan fo mamatsiny sanaan. A Tsunaun kaa fatatabin fiisen mamiromi faavot.

Hiburu 7:2

Abraham guam a safunuu na pan nana fo mamatsiny ka te fag mi ya tana puaan ana ayei faan iny to na isen a pan ten Melekisedek. Vaamuan nana asangan ya te man of non na, “Aatouf tan Kat Tavaron”; ana mes asangan kan nana ngats fan iny Salem, te man of non, “Aaverof”, to te koo ri Melekisedek, “Aatouf tana Aaverof.”

Fafofopis Jon 1:14

Nyo fakats rou ma tagaa manyi tovei tsun, ana ra te vegiau patsukaner.

Vegiaun Tapokaa 1:4

Anyo Jon, nyo kirkir rou vegiau tovei tsumin vainy fafaaman tana fits u gum nar vainy fafaaman te kaa ror tana fits a ngats fan tana gum fan iny Esia. Nyo faakats rou ten Gov te kaa patsukan nanon tovei roman, ai te kaa patsukanen muan, ai te nai kaa fatatabin nanon tan mamatsiny nainy, ana ina fits u aaven, to te kaa ror matan tagan Tsunia, ai Jisas Krais kan ma faan mami na koma ree'un ana aaverof. Jisas Krais, Ayei na mes te fasuu faman iny a fo vegiau ten Gov, ana Ayei na vaamuan nana Guei Tsoiny to te tsun fatabin tana mat, ana Ayei kan a Tsunaun A Tatagaa Ot tana fo mamatsiny gotouf tana monaagits to. Ara ma vamarits Ya Tsunia te mangiir fiisok rara na fokinai, to sana Ayei puruur fatabiny rara tana fo aveto tsura tana mat Tsunia,