Vurungan Rof Nane Jisas Krais Te Kirkir Iny E Jon 2:21 - Saposa

²¹ Sana saape to te tsue tsuk iny e Jisas, ito na puan Ya.

Vurungan Rof Nane Jisas Krais Te Kirkir Iny E Jon 2:21 ပူးပေါင်းရင်းမြစ်များ

Vurungan Rof Nane Jisas Krais Te Kirkir Iny E Jon 1:14

A isen te koo rin Vegiau te ruak iny mes me, via minon a man ana koma ree'un, sa kaa en fapoopoan narara. Mam tagein siinaiv Tsunia, siinaiv to aya te nom mi Ya, tana saa, Ayei na isen a Guei Tsoiny ten Gov fatoobing.

Vurungan Rof Nane Jisas Krais Te Kirkir Iny E Jon 2:22

Ai vou na tou tsun fatabin Tsunia tana mat, matisian Tsunia fakats fatabiny ton vegiau te kat Ya, ana ri faamainy to na painy vegiau tan Vegiau Ten Gov, an vegiau te tsue iny e Jisas.

1 Korin 3:16

A kifon a ka ma arasan iny amin fapapaar nana fatsun numaa to, eye mi nat em, teeva, ami faarei rom a numaa to te fagum fuainy en ana taabos ka iny vovou tsun iny koman ten Gov, an Aaven Taabos ten Gov te kaa aave mami.

1 Korin 6:19

Ana mes pis a ka, ami natem puainy mes tsumi ayei na pan tan Aaven Taabos iny kaa. Gov jiats mi Ya tsumi, ma kaa Ya koma mami. Ami sikia ma fasito iny rom a tsivom.

2 Korin 6:16

An saf kat iny vivangura te onot non ma kaa fapoopoan nana saape ten Gov an fo kaisa tan gov gamgam na? A sikia babainy. U man, aran saape tana Gov a toto. Sa kirkir bus en koman Vegiau Ten Gov, Gov tsue na ka, “Nyo nai kaa mirou koma rari, ana Nyo nai taan rou fapoopoan narari. Ana Nyo te nai faarei na Gov tsuri, ana ri te nai faarei men vainy Tsonyo.” (Taa Livai 26.12)

Kolosi 1:19

A ka to aya na man, tana saa, e Gov te fakats fi nei, a fo mamatsiny kat Tsunia ma kaa koman a Guei Tsoiny Tsunia.

Kolosi 2:9

tana saa, u kat faavot ten Gov te kaa non tan puainy mes nene Krais to. Ayei a Gov faavot.

Hiburu 8:2

Ayei binun faarei non a Tsoiny Mumua tan Tsoiny Faakor koman a Pan a Taabos ito na saape faman te fatsuiny a Tsunaun sikia ta mes ma fatsuiny ya nimar.