Vurungan Rof Nane Jisas Krais Te Kirkir Iny E Jon 2:11 - Saposa

¹¹ Jisas vaamuan iny kat a ka iny faatok to na karap, tana ngats fan iny Kena tana gum fan iny Galili, ana Ya pokei ton siinaiv reits Tsuan, an matisian Tsunia faamainy Towa.

Vurungan Rof Nane Jisas Krais Te Kirkir Iny E Jon 2:11 ပူးပေါင်းရင်းမြစ်များ

Vurungan Rof Nane Jisas Krais Te Kirkir Iny E Jon 1:14

A isen te koo rin Vegiau te ruak iny mes me, via minon a man ana koma ree'un, sa kaa en fapoopoan narara. Mam tagein siinaiv Tsunia, siinaiv to aya te nom mi Ya, tana saa, Ayei na isen a Guei Tsoiny ten Gov fatoobing.

Vurungan Rof Nane Jisas Krais Te Kirkir Iny E Jon 1:17

Fo Faun ten Gov te poo me ten Moses, sana man ana koma ree'un to aya te poo me ten Jisas Krais.

Vurungan Rof Nane Jisas Krais Te Kirkir Iny E Jon 1:43

Tan mes nainy Jisas pon to ma naa fi tana gum fan iny Galili. Ya sab to Filip ana Ya tsue to tsunia, “Taame vovou you!”

Vurungan Rof Nane Jisas Krais Te Kirkir Iny E Jon 1:50

Jisas tsue to na ka, “Fiisia nyi faaman tana saa Anyo tsue of manyi te kaakaa fi nyi fain nus? Nyi nai tagei nats rom a fo mamatsiny kan karap fis nats non a foka to!”

Vurungan Rof Nane Jisas Krais Te Kirkir Iny E Jon 10:41

Ana vainy a kinai naa mito Tsunia. Ri tsue to na ka, “Jon gima kat a fo binun iny faatok reits sana fo vegiau te pokei tsuk iny ya tana mes to Jisas, u man ovei.”

Vurungan Rof Nane Jisas Krais Te Kirkir Iny E Jon 11:15

sai to tsumi Nyo paparaa rou tsonyo gima kaa fiisen mi ya te mat ya unya aya tana saa, mi nai tagei rom a ka te nai kat Ronyo ana mi te faaman. Tanats yam ma naa ra tsunia.”

Vurungan Rof Nane Jisas Krais Te Kirkir Iny E Jon 11:47

Ana ri na taa Farasi an fuainy tsunaun tan tsoiny faakor fiisen ramirin fuainy tsoiny mumua tana taa Jiu vaaguam faavot to tan vaagum tan Kansol, ri tsue to na ka, “Saa te kat rora na? Tana saa a mes to, katkat a fo mamatsiny binun iny faatok reits to!

Vurungan Rof Nane Jisas Krais Te Kirkir Iny E Jon 12:18

Tan kat to aya ana rin vainy tainytainy Towa tana saa ari te nongoiny Ya te kat binun iny faatok reits.

Vurungan Rof Nane Jisas Krais Te Kirkir Iny E Jon 12:37

Kainon to te kat Ya na fo binun iny faatok reits mata rari, ri gim kainy to ma faamainy Ya,

Vurungan Rof Nane Jisas Krais Te Kirkir Iny E Jon 12:41

Aisaia pokei iny a ka to, te ruak nats non tana fo siinaiv ten Jisas, tana saa ayei te inainy faamuainy bus ya.

Vurungan Rof Nane Jisas Krais Te Kirkir Iny E Jon 14:13

Ana Nyo te nai kat a foka te rangat fi romi tana asanga Vanyo ma tapokaa ising me na fo siinaiv ten Tamanyo ito tana Guei Tsoiny.

Vurungan Rof Nane Jisas Krais Te Kirkir Iny E Jon 16:27

tana saa e Tamanyo tsun Tsivon patsukanen te mangiir maromi. Ayei mangiir maromi tana saa mi te mangiir Varonyo ana mi faaman to Tsonyo te poo fi me ten Gov.

Vurungan Rof Nane Jisas Krais Te Kirkir Iny E Jon 16:30

Amam nat busem roman, Tsumanyi te natiny rom ma fo mamatsiny ka, Anyi sikia rom ma anaanos ta mes ma rangats Manyi tan tu rangat tana saa Nyi nat faamuan bus iny fakats tana mes. Ka to te kat mamam sa mam faaman Manyi to te poo fi me ten Gov.”

Vurungan Rof Nane Jisas Krais Te Kirkir Iny E Jon 2:1

Voun fuan nainy te kaa me na fanging tana ngats fan iny Kena tana gum fan iny Galili. Tsinan Jisas kaa kanen na aya,

Vurungan Rof Nane Jisas Krais Te Kirkir Iny E Jon 2:23

Tan nainy te kaa Jisas tana ngats fan tsian iny Jerusalem tan Guainy tan Nainy Fakats Fatabin ana fokinai faamainy Towa, Tsunia na Mes te pisainy e Gov ma Tsoiny Fiisaup Ya tana vainy to te tagei finy ari Ya te kat a foka iny faatok reits te kat Ya.

Vurungan Rof Nane Jisas Krais Te Kirkir Iny E Jon 3:2

Ayei te naa ten Jisas tana isen a voiny sa tsue Tsunia, “Tsoiny Fifaatsuts, amam nat rom, Anyi na isen a tsoiny fifaatsuts te jiats me Gov. Sikia ta isen ta mes te onot non ma kat a binun a reits iny faatok te katkat Anyi, onot non te kaa fiisen minon Ya Gov, ana Ya te faakouts Ya tan kat a foka to.”

Vurungan Rof Nane Jisas Krais Te Kirkir Iny E Jon 4:3

Te nongoiny fakap bus e Jisas vegiau to, Ya naus osing to na gum fan iny Judia ana Ya tabin fatabin enato tana gum fan iny Galili,

Vurungan Rof Nane Jisas Krais Te Kirkir Iny E Jon 4:46

Ai Jisas naa fatabin fi enato tana ngats fan iny Kena tana gum fan iny Galili tana pan te kopis Ya na aurom sa faarein wain. Te kaa men a tsoiny mumua tana gamaman na aya, a guei tsoiny tsunia na soon iny faadis kaakaa kanen na aya tana ngats fan iny Kapeniam.

Vurungan Rof Nane Jisas Krais Te Kirkir Iny E Jon 4:54

Ayein fafuan nana binun a karap iny faatok reits ten Gov te kat e Jisas tana gum fan iny Galili to te naus osing fi mi Ya na gum fan iny Judia.

Vurungan Rof Nane Jisas Krais Te Kirkir Iny E Jon 5:23

to ma nai fatsiitsii faavots a fokinai a Guei Tsoiny, jesan kan ma kat fi kan ari ten Taman. E sei na mes te gim non ma fatsiitsii na Guei Tsoiny ee, gim kainy non ma fatsiitsii na Taman to te jiats mi Ya.

Vurungan Rof Nane Jisas Krais Te Kirkir Iny E Jon 6:14

Ana vainy a kinai na aya, tagei to na binun iny faatok reits to te kat e Jisas ri tsue to na ka, “Man ovei, Ayei na kuigin to aya, te pokei iny ari muan te naa minon tana monaagits to!”

Vurungan Rof Nane Jisas Krais Te Kirkir Iny E Jon 6:2

Ana vainy a kinai vovou iny Towa, tana saa ari tagein fo binun iny faatok Tsunian reits tan tsipaar vainy faadis.

Vurungan Rof Nane Jisas Krais Te Kirkir Iny E Jon 6:26

Jisas biny ratuari sa tsue na ka, “Nyo tsue faman of maromi, ami sainy Vanyo, sikia ma tana ka iny faatok reits te tagei ami, san tan koinykoiny te ainy ami sa mi viits guas im.

Vurungan Rof Nane Jisas Krais Te Kirkir Iny E Jon 6:30

Ri biny Towa, “Saf a ka iny faatok na te nai kat pokei rom Anyi faatok maromam ten Gov te pisan Manyi ma faaman amam? A saa te kat rom Anyi na?

Vurungan Rof Nane Jisas Krais Te Kirkir Iny E Jon 7:31

Sana ri na fokinai faamainy Ya, ri tsue to, “Fiisia, te naa minon ne Krais a Mes te pisainy e Gov ma Tsoiny Fiisaup Ya tana vainy, Ayei nai kat kainy non a fo mamatsiny binun iny faatok reits fis non a fo kat to te katkat a mes to Jisas?”

Vurungan Rof Nane Jisas Krais Te Kirkir Iny E Jon 9:16

Ana mesapan tsuri na taa Farasi tsue to na ka, “A mes to te kat a ka to te gima poo fi me ten Gov tana saa, Ayei gima makok Faun tan Nainy Fafaatouf.” Mesapan tsuri tsue to na ka, “A mes a aveto te gim non ma onot ma kat a fo binun iny faatok reits te kat non ya.” Ana ri takibaa to fapoopoan narari.

2 Korin 3:18

Aran vainy fafaaman faavot, faarei ror kookof to te nom ravaa en ma faarei ara na fo tsin to te kanaf fa'arasan fiisok non fiisen minon siinaiv tana Tsunaun, ai to tana Tsunaun, Ayein Aaven Taabos to te bibinun non koma rara, ara pangis ma mamatan faarei mira Ya, ana ra te kanaf fatsian fafisfis pis iny siinaiv to ayei.

2 Korin 4:17

Fo patang to te fakamits maromam sikia non ma kaa fapotsian nats, rin kakaii pis tana fo kan saavits fiisok to te naanaa minon vou, tana saa ari nai faan raroran siinaiv sikia ta fafakap nan to te karap fafisfis pis iny non a fo patang kakaii to ayei.

2 Korin 4:6

Gov tsue tan nainy te fapogaar Ya na fo mamatsiny ka, sa tsue na ka, “Koman a uurup tsian a arasan nai fa'arasan non.” Ana senviir Gov tsun to ayei, Ayei kat a arasan Tsunia ma fa'arasan koma rara. Ana arasan kat ratuara sa ra natiny siinaiv ten Gov ito te fa'arasan fi mi ya nain e Krais.

Vaamuan Jon 5:13

Nyo kirkir of mamin vainy te faaman rom tana asangan a Guei Tsoiny ten Gov ma nat ami, ami kaa bus me na toto na suu.