Vurungan Rof Nane Jisas Krais Te Kirkir Iny E Jon 19:34 - Saposa

³⁴ Isen tsurin vainy puaan nom to na tapomas tsuan sa sak Ya na ririkin e Jisas, sen tsun an rafatsiny ana aurom tatsiiu to.

Vurungan Rof Nane Jisas Krais Te Kirkir Iny E Jon 19:34 ပူးပေါင်းရင်းမြစ်များ

Matiu 27:62

Voun faangim nan nainy tan mes nainy, tsunaun tan tsoiny faakor ana taa Farasi vaaguam fi naa to ten Pailat

Vurungan Rof Nane Jisas Krais Te Kirkir Iny E Jon 19:33

Sai te naa mi ri ten Jisas ri tagei Towa te maten ri gim to ma ngats a moun Ya.

Vurungan Rof Nane Jisas Krais Te Kirkir Iny E Jon 20:20

Te fakap yan vegiau Tsunia Ya faatok ratuari na niman ana ririkin Ya. Kat to ana rin matisian paparaa fiisok tsun rato te tagei fi ri na Tsunaun.

Binun Tan Amaraav 22:16

Sai tovei a saa te anaanos rom anyi na? Tsun, anyi peenan to ana nyi te sing tana asangan Ya ma garus ravainy ya naa fo kat a fo iring tsuam.’

1 Korin 1:30

tana saa Gov kat bus mami sam kaa rom koman e Krais Jisas, sen Krais kat rara sa ra arasan iny a nat a rof ten Gov, ai Krais kat fatavaroiny ratuara matan e Gov. Ana Ayei na isen to te nom ravainy non a fo iring an fo aveto tsura ana Ayei kat fataabos ratuara. Ana Ayei puruur kan ratuara tana parits tan aveto.

1 Korin 6:11

Mesapan tsumi faareir vainy to ari muan to te kat fo kat iring to ayei. Sin tovei Gov garus bus mami. An Aaven Taabos Tsunia kaa non koma mami sa kat bus mami sam faarei men vainy taabos Tsunia. Ana Tsunaun Jisas Krais kat fatavaroiny matuami sam sikia ma kaa me ta iring matan e Gov. Gov kat bus a fo mamatsiny ka to, tana saa a Tsunaun Jisas Krais mat of bus a fo aveto tsura an Aaven Taabos Tsunia to te binun non koma mami te kat kainy a fo mamatsiny binun faavot to tsumi.

Efeses 5:26

ma taabos mi ri ana ri te foun me tana aurom ito tan vegiau ten Gov.

Taitus 2:14

Jisas Krais, Ayei na Mes te faan bus iny a toto Tsuan tsura ma pats rara Ya tana tou tapuruur tana fo aveto tsura, ma fataabos rara Ya ra faarei miton vainy taabos u fasito Tsunia tsun, an kakoun iny kat a fo mamatsiny kat rof te koman fi non Ya.

Hiburu 9:13

Tan tsue faunot tamuan rafatsiny nan meme an bulumakau an moko nana tsunei bulumakau akoor, to te peepiat iny naa ror fuainy tsoiny faakor tana vainy, iton vainy te gim ror ma faarof rari ma faatouf fiisen rame na mesapan, tana saa, ari te ngats Faun, an rafatsiny nana fo marei sensen to ari, te kat faarof pis a vainy.

Hiburu 9:22

U man ovei, te toobing non tan Faun, a sikia ma fo mamatsiny ka faavot te taabos minon tan rafatsiny nar marei sensen; sai tana tou aveto tana vainy, Gov gim non ma anofe ravainy fo aveto, ito te gim fi non faakor nan rafatsiny nane Krais te tatsiiu fi ya.

1 Pita 3:21

An teisinuu to aya, faatok iny non kat iny fapeenan to te saup fatabin mami, sikia ma kat iny garus a fo bong tan puainy mes, san faakats naa ten Gov rangat iny ror kat iny anofe ravainy aveto an kat iny fataabos aaven, to te onot non ma saup fatabin mami tana tou tsun fatabin ten Jisas Krais tana mat Tsuan.

Vaamuan Jon 5:6

Jisas Krais Ayei na isen te naa me; an vegiau pokei mi Towa Tsunia na Guei Tsoiny ten Gov tan nainy te naa mi Ya fiisen men kat iny fapeenan me na aurom, ai tan nainy te tatsiiun rafatsiny Tsunia tana pagafuan. Ayei gim ma naa me fiisen me na aurom tsun, sai tana aurom ai tan rafatsiny kan. An Aaven Taabos patsukanen te pokei iny me na man nane Jisas Ayei na Guei Tsoiny ten Gov, tana saa Aaven Taabos Ayei na man.

Vaamuan Jon 5:8

Ayein Aaven Taabos, ana aurom an rafatsiny; ana ri na ina pis kaa miror sen fakats tsun.

Vegiaun Tapokaa 7:14

“Nyo gim rou ma nat, tsunaun. Nyi nat rom,” biny fi nyo ya. Ayei tsue of vatuanyo, “U vainy to ari te faduen nainy iring tsian fiisok. Ri garus vaun beberus iny jiarasan tsuar ana ri kat fataabos ratuari faarein goseen kafof tan rafatsiny nana Tsunei Siip to.