Vurungan Rof Nane Jisas Krais Te Kirkir Iny E Jon 19:11 - Saposa

¹¹ Jisas biny towa, “Nyi kaa tsun mirom a parits te fis Varonyo tana saa, Gov faan iny ya tsumanyi. Ai to tana vainy te faan i Vanyo naa tsumanyi te kaa ror tan aveto tsian fiisok te karap fafis iny non aveto tsumanyi.”

Vurungan Rof Nane Jisas Krais Te Kirkir Iny E Jon 19:11 ပူးပေါင်းရင်းမြစ်များ

Matiu 26:65

Tan vegiau to aya ana Tsoiny Mumua tan Tsoiny Faakor kakaar ton vau tsuan ana ya tsue to na ka, “Nyi te tsue vaaserere tsun iny e Gov! Mam tsugainy pis rom tu mes tu vegiau! Tovei mi nongoiny fakap bus a mes to te kat tsue to, Ayei fifanauti minon e Gov!

Matiu 27:2

Ri kotskots Ya, ri mei naa Towa, ser faan iny naa Ya ten Pailat a gavana tana gum fan iny Judia.

Matiu 6:13

Fatamee vaare mamimam tan fiamus, Nyi te bei ot mamimam tana Vinasaar. A Waam Manyi, na reits, an siinaiv kaa na suu. Man ovei.’

U Vurungan Rof Nane Jisas Krais Te Kirkir Iny E Mak 14:44

Ana mes to aya to te faan iny e Jisas tsue faamuan of raton kinai tana ka te nai kat non ya: “A mes to ayei to te umei ronyo ayei koraa na mes te komainy romi. Nots yam am mei faarof naa Towa.”

Luke 22:53

Nyo kaa fiisen mamimi gagon tana saape tan mamatsiny nainy, ana mi gim to ma nots Vanyo. Sai tovei u nainy tsumi, a parits tana uurup te kookop mami.”

Vurungan Rof Nane Jisas Krais Te Kirkir Iny E Jon 18:13

ana ri mei faamuainy naa Towa ten Anas. Anas ayei na vaanis ten Kaiafas, ayei faarei na Tsoiny Mumua tan Tsoiny Faakor tan nainy to aya.

Vurungan Rof Nane Jisas Krais Te Kirkir Iny E Jon 18:3

Ai Judas naa bus naa to tanun ya mumua rato na gum iny vainy puaan tana taa Roum ana rin mes tsoiny bei ot tana saape tana taa Jiu. Rin fuainy tsunaun tan tsoiny faakor ana taa Farasi jiats ranaatuari fiisen men foka iny puaan, an kurun, an vit kurun.

Vurungan Rof Nane Jisas Krais Te Kirkir Iny E Jon 19:10

Pailat tsue ets'ets Ya, “Nyi gima vegiau tsonyo? Fakats faarof, nyo kaa mirou a parits tan puruur Manyi, ai to kan tan fagageits Manyi tana pagafuan.”

Vurungan Rof Nane Jisas Krais Te Kirkir Iny E Jon 3:27

Jon biny ratuari, sa tsue na ka, “Gov kaa non Gormirmir te faan bus iny a binun to tan isiseiny mes.

Vurungan Rof Nane Jisas Krais Te Kirkir Iny E Jon 7:30

Ana ri pon to ma nots Ya, sana sikia ta isen ma saras vaarik Ya, tana saa nainy Tsunia te mataanis minon.

Vurungan Rof Nane Jisas Krais Te Kirkir Iny E Jon 9:41

Jisas biny ratuari sa tsue na ka, “To te kio faman fi romi mi tabuiny sikia ma kaa me ta fasaraa tan aveto sana mi te tsue na ka, ‘Amam matoong rom.’ ai tan kat to aya, aveto kotskots faavots mami.”

Binun Tan Amaraav 2:23

Tan mangiir ten Gov an tana nat Tsunia sa faan iny a mes to nima mami ana mi atsuiny Towa, sam faan iny naa Ya tan vainy aveto ma fagageits ari Ya tana pagafuan.

Binun Tan Amaraav 3:13

E Gov ten Abraham me Aisak ai Jekop, ana Ayei kan a Gov tan fo tsuvurara ana Ayei kat to na foka to aya iny faatok, Jisas kaa minon gumgum iny vamarits Ayei na Tsoiny Binun Tsunia. E Jisas to aya te faan iny naa mi ma atsuiny famat ari Ya. Mi tsugei Ya matan e Pailat. Pailat pon ma puruur Ya sana mi baainy em.

Binun Tan Amaraav 4:28

Ri vaaguam ser kat a ka te fatangan bus iny Anyi ma kat ari, tana saa, ayei tanuu bus iny a foka te ruak tan mangiir ana parits Tsumanyi.

Roum 11:36

Ara onot ror ma natiny a kifon a foka tovei, tana saa, Ayei tsun tsivon fapogaar bus a fo mamatsiny ka to, ana Ayei kat faparits non a fo mamatsiny ka ma kaa patsukan fi kaner rari to te koman fi non Ya. Ana Ayei kat non a fo mamatsiny ka ri te mamatan patsukan fi kaner to, ito te koman fi non Ya. To sana vamarits ma naa fi naa Tsunia tan mamatsiny nainy! Man Ovei.

Roum 13:1

Nyo tsue of maromi na sanaan ma kat ami matar tsunaun tana gamaman te kaa miror gumgum to te tagaa ot maromi. Nainy te kaa miror tsunaun gumgum iny fatsiitsii to, ari kaa miror a parits iny tsue of ir a vainy tan ta ka te kat rori, te toobing non tana vainy faavot ma kaa fair rari, tana saa to te kaa fi minon ta mes ta parits iny vegiau of ir a vainy tan ta ka te kat rori, e Gov tsun to ayei te faan iny non gumgum to tana mes tovei, ai Gov pisan bus rari ma faareir tatagaa ot.

Jemis 1:17

A fo mamatsiny kan mamarof ana fo mamatsiny fifaan saavits to te poo fi me Gormirmir, ten Gov, ito te fapogaar kainy a fo mamatsiny kan kakanaf korosuu, ana Ayei te gim non ma pangis kat Tsunia, ana Ayei kan sikia non ma takopis, Ya te biak ravaa rara tana uurup, a sikia, Ayei kaa patsukan fi enanon tovei.

Jemis 4:17

Tamomots faarof yam, e sei na mes te natiny non kat tavaron ma kat ya ee, sana ayei gim non ma kat ya, ayei kat bus aveto.