Vurungan Rof Nane Jisas Krais Te Kirkir Iny E Jon 15:15 - Saposa

¹⁵ Nyo gim rou ma koo pis mamin fuainy tsoiny binun, a sikia, tana saa, a tsoiny binun te gim non ma natiny a ka te katkat non a tsoiny tatagaa ot tsuan tan kat to ayei, Nyo koo maromin fo vaatau Tsonyo, tana saa Anyo te tsue of bus mamin fo mamatsiny ka te nongoiny Anyo ten Tamanyo.

Vurungan Rof Nane Jisas Krais Te Kirkir Iny E Jon 15:15 ပူးပေါင်းရင်းမြစ်များ

Matiu 13:11

Jisas biny ratuari sa tsue, “Tsue te gim ami ma natiny muan nana Waan iny Gormirmir te tsue bus iny Ya tsumi san e Gov gima faatok ir mes a vainy.

Luke 10:23

Kat to, ai Jisas takopis of ratuarin matisian sa tsue of tsun rari, “Gov faparits maromi, tana saa, mi tagei rom a foka to te natiny tagei romi.

Vurungan Rof Nane Jisas Krais Te Kirkir Iny E Jon 12:26

E sei te komainy binun of Varonyo ee, ma vovou Vanyo, tan kat to aya a tsoiny binun Tsonyo te nai kaakaa fiisen Vamironyo tana pan te kaakaa Ronyo. E Tamanyo te nai fatsiitsii non ya ito na mes te binun of Varonyo.”

Vurungan Rof Nane Jisas Krais Te Kirkir Iny E Jon 13:16

Nyo tsue faman of maromi a sikia ta isen ta tsoiny binun te karap fafis iny non a tsoiny tatagaa ot tsuan, ge na tsoiny gogovet vegiau te karap fafis iny non a mes te jiats naa non ya.

Vurungan Rof Nane Jisas Krais Te Kirkir Iny E Jon 15:20

Fakats yam a ka te tsue of im yam, ‘A tsoiny binun a sikia ma karap fafis iny a tsoiny tatagaa ot tsuan.’ Ri na mesapan fakamits Vanyo, ana ri nai fakamits kan maromi, sana mesapan tsuri manaats vegiau te tsue iny Anyo, ana ri te nai manaats kainy vegiau te tsue romi.

Vurungan Rof Nane Jisas Krais Te Kirkir Iny E Jon 16:12

“Nyo kaa mirou vegiau kinai iny tsue of im yam, sin tovei ami sikia ma onot ma natiny ya.

Vurungan Rof Nane Jisas Krais Te Kirkir Iny E Jon 17:26

Nyo pokei faruak ma Nyi tsuri, ana Nyo kat patsukan fi kan evarou jesan, tan kat to aya u mangiir tsian fiisok te kaa mirom Anyi Tsonyo nai kaa enanon koma rari ana Nyo te nai kaa kan koma rari.”

Vurungan Rof Nane Jisas Krais Te Kirkir Iny E Jon 20:17

Jisas tsue to tsunia, “Saras vaare you, tana saa Nyo tabuiny naa fatabin fi rou ten Tamanyo. Sana nyi ma naa fi tan fuainy vamuinyasiny Tsonyo, nyi te tsue of rari Tsonyo, ‘Nyo tabin fatabin pis rou Tsunia, e Tamanyo, Ayei na Tamamami, a Gov Tsonyo, Ayei na Gov tsumi’”

Vurungan Rof Nane Jisas Krais Te Kirkir Iny E Jon 4:19

“Anyo nat you Anyi na kuigin, mes tsian,” te tsue fi na moun to.

Vurungan Rof Nane Jisas Krais Te Kirkir Iny E Jon 8:26

Anyo kaa miroun fo vegiau kinai iny tsue of mami tan faaroiny mami sana Nyo sikia rou ma kat fi nei Nyo tsue of rou a monaagits to tana ka te nongoiny Anyo Tsunia to te jiats Vaminyo ana Ayei na man ovei.”

Binun Tan Amaraav 20:27

tana saa, nyo gima faterof tan favaanan of im yam fo fakats ten Gov.

Roum 7:15

Nyo komainy tsue of maromi na kifon a ka naa to aya: nyo gim rou ma nat faarof iny kat te kat kat ronyo, tana saa, u kat rof te komainy kat vaurep ronyo, nyo gim rou ma kat ya, sana sikia, u kat iring tsugei varonyo ma kat ya, to te natiny kat ronyo.

1 Korin 2:16

A kifon a ka to, tsonyo tsue rou tana mes te sikia non ma ka men Aaven Taabos ten Gov, te gim fi non ya ma faaroiny faarof a mes to te kaa minon Aaven Taabos ten Gov to, tana saa te kirkir en koman Vegiau Ten Gov, to sa tsue na ka, “A sikia ta isen ta mes te natiny non a ka te fakats non e Gov, ana sikia ta mes kan te onot non ma faatsuts Ya.” (Aisaia 40.13) Sana ra to te kaa miror Aaven Taabos koma rara, natiny ror a foka te fakats e Krais ana ra onot ror ma arasan iny a foka ten Gov.

Galesia 4:6

Tovei roman, ra faarei ror fuainy guei tsoiny tsungan ten Gov, ai Gov faan iny miton Aaven tana Guei Tsoiny Tsunia ma kaa en Ya aave rara iton Aaven Taabos to te onot non ma kat rara, ra tsue to ten Gov, “Tetee, Anyi na Tamanyo fatoobing.”

Efeses 3:5

Gov gima pokei faruak iny vegiaun takop tan aatai iny muan, sin tovei ito tan Aaven Taabos tsun, Gov pokei faruak towa tan fuainy amaraav taabos an fuainy kuigin taabos.

Kolosi 1:26

U vegiau tovei, u vegiaun takop, to e Gov te gima fanat rari na vainy to te kaa faamuan ovei. Sai tovei bus Ayei te faatok faruak of rarin vainy taabos u fasito ten Krais.

Filimon 1:16

Ai tovei, ayei na sikia ma tsoiny binun babainy bus; ayei kaa fafis iny non a tsoiny binun babainy! Ayei na vamuinyasiny faman ten Krais. Anyo komainy fiisok rou ya ai vou nyi komainy fiisok pis rom ya tana saa fuan a ka to ayei faarei non a tsoiny binun babainy an ayei faarei non a vamuinyasiny tsuam koman a Tsunaun!

Jemis 1:1

Nyo Jemis, nyo na tsoiny binun ten Gov ana Tsunaun Jisas Krais. Nyo kirkir rou noun tovei naa fi non tsumi na taa Jiun fafaaman ten Krais to te poo fi me tana ina safunuu ana ina fuan a vun iny Isrel, sa ri kaa vavis ror tana fo mamatsiny gum fan tana monaagits to, tsue nainy rof tsonyo naa non tsumi faavot.

Jemis 2:23

An vegiau tan Vegiau Ten Gov ruak iny man ovei nato sa tsue na ka, “Abraham te faason ten Gov, ai tan kat to aya Gov koo towa na mes a tavaron.” (Tatanik 15.6) To sen Gov koo ya na vaatau Tsunia.

1 Pita 1:11

Ri tanaf iny san vavis farainy ana saf a sanaan to te naa fi minon a Tsoiny Fiisaup to aya na, tana saa Aaven Taabos ten Krais te kaa tsuri, ana Ya pokei mi towa ngue rari vou na tou saraa kamits te nai sarei non e Krais, Ayei nai nom non asangan karap.

2 Pita 1:1

Nyo Saimon Pita, nyo na tsoiny binun ana amaraav ten Jisas Krais, nyo kirkir fi naa rou noun tovei tsumi na vainy to te faaman rom ten Jisas Krais, Ayei na Gov tsura ana Ayei na Tsoiny Fiisaup tsura faavot te faan mami na faaman a saavits fiisok to ayei, to te sen viir tsun minon a faaman tsumam fuainy amaraav, tana saa Ayei kat, kat tavaron to te kat fi non Yan sen viir kat tana vainy faavot.

Noun Te Kirkir E JUT 1:1

Nyo Jut, nyo na tsoiny binun ten Jisas Krais ana nyo na famuinyasiny ten Jemis. Nyo kirkir of maromin vainy fafaaman, to te fikoo Gov, ai to te mangiir rom e Gov a Taman, ai to te makok fi maromi Jisas Krais.

Vegiaun Tapokaa 1:1

U buk to ayei, pokei faruak iny men vegiau te faan iny e Gov ten Jisas ma faatok ir yan tsoiny binun Tsunia tana foka te fakats Ya te nai ruak enanats non tovei tsun. Krais jiats me na morena Tsunia sa naa me tsonyo, Jon, a tsoiny binun Tsunia ma natiny anyo na foka to.