Vurungan Rof Nane Jisas Krais Te Kirkir Iny E Jon 14:1 - Saposa

¹ “Koma patang vaare yam,” te tsue fi Jisas tan matisian Tsunia, “Mi faason busem ten Gov, mi te faason kan Tsonyo.

Vurungan Rof Nane Jisas Krais Te Kirkir Iny E Jon 14:1 ပူးပေါင်းရင်းမြစ်များ

Vurungan Rof Nane Jisas Krais Te Kirkir Iny E Jon 11:33

Jisas tagei towa te tangis ana taa Jiu kan to te naa fiisen mi ya tangis kan rato, ana koma ne Jisas reesik kan enato sa tsuu en.

Vurungan Rof Nane Jisas Krais Te Kirkir Iny E Jon 12:27

“Tovei roman a koma Vanyo te onanun os to ana saa te tsue Ronyo na? To ma tsue fi Nyo nei, ‘Tamau, famanat iny vaare na ka to ma ruak ya Tsonyo?’ A sikia, ai tsun a ka te naa of Minyo, ma naa of Anyon nainy saraa kamits.

Vurungan Rof Nane Jisas Krais Te Kirkir Iny E Jon 12:44

Jisas tsue fatsian to, “E sei na mes te faamainy Varonyo ee, gim non ma faamainy tsuiny Vanyo, sai to Tsunia to te jiats Vaminyo.

Vurungan Rof Nane Jisas Krais Te Kirkir Iny E Jon 13:19

Nyo tsue of bus mamin foka to tabuiny tapokaa non ya sai te ruak nats non ya, mi nai faaman Varonyo, Anyo na Ayei, a Mes to te pisainy e Gov ma Tsoiny Fiisaup Ya tana vainy.

Vurungan Rof Nane Jisas Krais Te Kirkir Iny E Jon 16:24

Onot roman mi sikia ma rangat iny ta ka tana asanga Vanyo, rangats yam, mi te nom ya, ana mamagat to ayei tsumi te nai via tsitapuu ovei en.”

Vurungan Rof Nane Jisas Krais Te Kirkir Iny E Jon 16:3

Ri nai kat rora fo mamatsiny kat to tsumi tana saa ri gim ror ma natiny e Tamanyo ge Anyo.

Vurungan Rof Nane Jisas Krais Te Kirkir Iny E Jon 16:6

Ai tovei Nyo tsue of bus mami Nyo naa rou an reesik via os to koma mami.

Vurungan Rof Nane Jisas Krais Te Kirkir Iny E Jon 5:23

to ma nai fatsiitsii faavots a fokinai a Guei Tsoiny, jesan kan ma kat fi kan ari ten Taman. E sei na mes te gim non ma fatsiitsii na Guei Tsoiny ee, gim kainy non ma fatsiitsii na Taman to te jiats mi Ya.

Vurungan Rof Nane Jisas Krais Te Kirkir Iny E Jon 6:40

Mangiir ten Tamanyo tovei, tsuri tsun te suu iny ror a matar tana Guei Tsoiny ri te faamainy Ya, nai kaa miror a toto na suu, ana Nyo nai ras fatsun rarori tana mat tan nainy fafakap.”

2 Korin 2:7

Sai tovei, nainy te anofe ravainy romi na iring te kat ya, ara kat famaun faarof fakats tsunia. Kat non sana ayei koma patang fiisok ana ya te gima rof fatabin pis me.

Efeses 1:15

Tan kat to ayei, ito tan nainy te nongoiny anyo na faason tsumi tana Tsunaun Jisas an mangiir tsumi tan vainy fafaaman faavot ten Krais, nyo tanik tan faakats

Fafuan Tesalonaika 2:2

Mam sing maromi ma fakats fanunun vaare am koma patang vaare to tan tsuen gam, iton U Nainy tabin me tana Tsunaun te naa en naa me. Toroman mesapan te tsue, vegiau poo fi me ten Gov, ge na mesapan favaanan iny ya, ge ta mes te tsue of mami, mam kirkir iny ya koman noun muan.

1 Pita 1:21

I Tsunia tsun, sa ra faamainy ror e Gov, Tsunia te fatsuiny fatabiny e Krais tana mat ana Ya fainy Towan asangan karap. To sana faason tsumi an naano anaanos onot non ma kaa fasuu tsun naa ten Gov Tsivon.