Vurungan Rof Nane Jisas Krais Te Kirkir Iny E Jon 13:22 - Saposa

²² Rin matisian fi mamatoong rato fapoopoan narari, ri fapinpin iny to e sei te tsue tsuk iny non Ya ee.

Vurungan Rof Nane Jisas Krais Te Kirkir Iny E Jon 13:22 ပူးပေါင်းရင်းမြစ်များ

Matiu 26:21

Te ainy farokot ari Jisas tsue to, “Nyo tsue faman of maromi a isen fapoopoan namami nai faan iny Varonyo nimar vainy ma nai atsuiny vanyo ri.”

Matiu 26:22

Rin matisian koma patang fiisok tsun rato, ri tanik iny rangats Towa, rin isisen vegiau patsukan iny Ya, “A sikia ma nyo ge, Tsunaun?”

U Vurungan Rof Nane Jisas Krais Te Kirkir Iny E Mak 14:18

Ri gum to tana taran iny ainy Jisas tsue, “Man ovei Nyo tsue of maromi, isen tsumi nai faan iny Varonyo nimar vainy er nai atsuiny Vatuanyo, ana ayei kan te ainy fiisen Vamironyo.”

U Vurungan Rof Nane Jisas Krais Te Kirkir Iny E Mak 14:19

Rin matisian koma patang faavot rato, ser vegiau isisen patsukan iny Ya, “A sikia ma nyo?”

Luke 22:21

Tagaa, a mes te faan iny Varonyo tan vainy ma nai atsuiny Vanyo ri a niman ya te kaa fiisen bus Vamironyo tovei tana taran iny ainy,

Luke 22:23

Kat to ser fararangat fatabin ir fapoopoan narari, “E sei bus ee te kat non a ka to, ee?”

Vurungan Rof Nane Jisas Krais Te Kirkir Iny E Jon 13:18

“Nyo gim rou ma tsue tsuk mami faavot Nyo nat rarori na vainy te pisainy Anyo. San vegiau tan Vegiau Ten Gov ma ruak iny man me, ‘A mes te ainy a kainy ainy Tsonyo koma iring Varonyo.’ (Vadou 41.9)

Vurungan Rof Nane Jisas Krais Te Kirkir Iny E Jon 13:21

Te vegiau fakap bus iny e Jisas a ka to, ana Ayei kaa miton koma patang koman Ya ana Ya tsue faruak to tsuri na fokinai, “Nyo tsue faman of maromi a isen fapoopoan namami nai faan iny Varonyo nimar a vainy ma nai atsuiny vanyo ri.”