Vurungan Rof Nane Jisas Krais Te Kirkir Iny E Jon 13:18 - Saposa

¹⁸ “Nyo gim rou ma tsue tsuk mami faavot Nyo nat rarori na vainy te pisainy Anyo. San vegiau tan Vegiau Ten Gov ma ruak iny man me, ‘A mes te ainy a kainy ainy Tsonyo koma iring Varonyo.’ (Vadou 41.9)

Vurungan Rof Nane Jisas Krais Te Kirkir Iny E Jon 13:18 ပူးပေါင်းရင်းမြစ်များ

Matiu 10:36

ana taman tana tsoiny koma iring minon numaa iny guei tsunia patsukanen.

Matiu 26:21

Te ainy farokot ari Jisas tsue to, “Nyo tsue faman of maromi a isen fapoopoan namami nai faan iny Varonyo nimar vainy ma nai atsuiny vanyo ri.”

Matiu 26:23

Jisas biny ratuari, “A isen te fabub non koinykoiny tsuan koman kobuu fiisen Vaminyo, nai faan Varonyo.

U Vurungan Rof Nane Jisas Krais Te Kirkir Iny E Mak 14:17

Te ananerof bus ya, Jisas ruak fiisen me na ina safunuu ana ina fuan a matisian.

U Vurungan Rof Nane Jisas Krais Te Kirkir Iny E Mak 14:18

Ri gum to tana taran iny ainy Jisas tsue, “Man ovei Nyo tsue of maromi, isen tsumi nai faan iny Varonyo nimar vainy er nai atsuiny Vatuanyo, ana ayei kan te ainy fiisen Vamironyo.”

U Vurungan Rof Nane Jisas Krais Te Kirkir Iny E Mak 14:20

Ya tsue to tsuri, “A isen tsumi a ina safunuu ana ina fuan, ayei to te fabub non a koinykoiny koman kobuu fiisen Vaminyo.

Luke 22:21

Tagaa, a mes te faan iny Varonyo tan vainy ma nai atsuiny Vanyo ri a niman ya te kaa fiisen bus Vamironyo tovei tana taran iny ainy,

Vurungan Rof Nane Jisas Krais Te Kirkir Iny E Jon 13:21

Te vegiau fakap bus iny e Jisas a ka to, ana Ayei kaa miton koma patang koman Ya ana Ya tsue faruak to tsuri na fokinai, “Nyo tsue faman of maromi a isen fapoopoan namami nai faan iny Varonyo nimar a vainy ma nai atsuiny vanyo ri.”

Vurungan Rof Nane Jisas Krais Te Kirkir Iny E Jon 13:22

Rin matisian fi mamatoong rato fapoopoan narari, ri fapinpin iny to e sei te tsue tsuk iny non Ya ee.

Vurungan Rof Nane Jisas Krais Te Kirkir Iny E Jon 13:26

Jisas biny towa sa tsue na ka, “Nyo nai fabub rou a painy koinykoiny to koman kobuu Nyo te faan iny ya tsunia ayei nan a mes.” Ana Ya nom to na painy koinykoiny sa fabub ya ana Ya faan iny towa ten Judas a guei tsoiny ten Saimon Iskariot.

Vurungan Rof Nane Jisas Krais Te Kirkir Iny E Jon 15:16

Ami te gima pisan Vanyo, sana Nyo te pisan bus mami, Nyo bobot matuami ma naa am fua faarof ovei mato, iton fua te nai kaa ovei nanon. Ai Tamanyo te nai faan mami na foka te rangats romi Ya tana asanga Vanyo.

Vurungan Rof Nane Jisas Krais Te Kirkir Iny E Jon 15:19

Tabuiny fasito mamirin vainy vavaajets tana monaagits to, vainy tabuiny mangiir mami faarei maromin vainy tsuri fatoobing. Sana Nyo te pisan bus mami komar a vainy, ma fasito vaare mamiri tan kat to aya ri tsugei mami.

Vurungan Rof Nane Jisas Krais Te Kirkir Iny E Jon 15:25

Sana ka to ma pokei me na man nan kirkir ten Moses tana faun tsuri, ‘Ari te tsugei Varonyo, ana sikia ta kifon Ya.’ (Vadou 69.4)

Vurungan Rof Nane Jisas Krais Te Kirkir Iny E Jon 17:12

Nainy te kaakaa fiisen Vaminyo ri Nyo bei ot faarof ratuari tana parits tana asanga Manyi, iton asangan te faan Vanyo Nyi. Nyo makok faarof rari ana sikia ta isen tsuri ma nun ito tsun a isen te nun a guei iny Hel, tan kat to aya vaanan nan Vegiau Ten Gov nai ruak iny man ovei naa to.

Vurungan Rof Nane Jisas Krais Te Kirkir Iny E Jon 18:32

(Ka to te ruak ma tapokaa me na man nan vegiau te kat e Jisas, tana saf a sanaan ei naa te nai mat fi non Ya.)

Vurungan Rof Nane Jisas Krais Te Kirkir Iny E Jon 19:24

Rin vainy puaan tsue to fapoopoan narari, “Ara ma kakaar vaaren vau beberus iny jiarasan to ra ma tats fabiririir iny a saatu ma tagei ara sei na mes te nom non ya ee.” A ka to te ruak an vegiau tan Vegiau Ten Gov ruak iny man ovei nato. “Ri kibei fo vau Tsonyo fapoopoan narari ana ri tats fabiririir iny a saatu of vau beberus iny jiarasan Tsonyo.” (Vadou 22.18) An vainy puaan kat ton kat to aya.

Vurungan Rof Nane Jisas Krais Te Kirkir Iny E Jon 19:36

A ka to te ruak ma man men vegiau tan Vegiau Ten Gov, “A sikia ta isen ta pan nan tsuan Tsunia ma tangats on.” (Vadou 34.20)

Vurungan Rof Nane Jisas Krais Te Kirkir Iny E Jon 21:17

Jisas fafofopis iny tsue to ten Saimon, “Saimon, guei tsoiny ten Jon, nyi mangiir kan Varonyo?” Pita reesik fiisok, tana saa Jisas fafofopis en tan rangats ya, “Nyi mangiir kan Varonyo?” ana ya tsue to Tsunia, “Tsunaun, Nyi natiny rom ma fo mamatsiny ka, ana Nyi natem nyo mangiir marom Anyi!” Jisas tsue to tsunia, “Makok ir fuainy siip Tsonyo.

Vurungan Rof Nane Jisas Krais Te Kirkir Iny E Jon 6:70

Jisas biny ratuari sa tsue na ka, “Anyo pisan bus mami na ina safunuu ana ina fuan sana isen fapoopoan namami na vinasaar!”

Binun Tan Amaraav 1:16

“Vamuinyasiny fafaaman tsonyo tsue tan Vegiau Ten Gov ruak iny man busen to tan Aaven Taabos pokei mi ya nguen e Devit tana ka te nai ruak nats non ten Judas te ras fi rarori yan vainy puaan ya te faatok rari Jisas.

Binun Tan Amaraav 1:2

onot tan nainy te naa fi Ya Gormirmir. Tabuiny naa non Ya Gormirmir, Ya fa'arasainy towa tana parits tan Aaven Taabos tana vainy te pisainy Ya ser faarei men amaraav Tsunia.

2 Korin 4:5

Mam gim rom ma naa vavis mam te favaanan iny a tsivom, a sikia, mam favaanan iny rom e Krais Jisas, Ayei na Tsunaun. A ka te tsue tsuk iny romam a tsivom i tovei, amam tsoiny binun tsun tsumi, tana saa, tana ka to te kat bus e Jisas tsura.

Hiburu 4:13

A sikia ta isen ta ka te takop non matan e Gov. Fo mamatsiny ka te fapogaar Ya nai tapokaa raror, ri te beerbeer er matan Ya; ai tan nainy te tagei rarora Ya, Ayei inainy faman ovei tsun rarora, ai to kan Tsunia, ara nai tsue pokaa iny rora ka te kat ara.

Vegiaun Tapokaa 2:23

Nyo kan nai atsuiny famat rou a vainy to te vovovou iny ya, tan kat to aya, fo gum nar vainy fafaaman te nai nat Varonyo, Nyo na mes te natiny rou fakats tana mes an koman tsuri. Nyo nai fatanai maromi vovou iny non kat te kat isiseiny mes tsumi.