Vurungan Rof Nane Jisas Krais Te Kirkir Iny E Jon 10:28 - Saposa

²⁸ Nyo faan rarori na toto na suu ana ri te gima nai nom on a mat a suu ana sikia ta isen ta mes te onot ma pets osing Vanyo ri.

Vurungan Rof Nane Jisas Krais Te Kirkir Iny E Jon 10:28 ပူးပေါင်းရင်းမြစ်များ

U Vurungan Rof Nane Jisas Krais Te Kirkir Iny E Mak 13:22

tana saa, fo Krais gamgam an fuainy kuigin gamgam nai ruak nats ror, er faatok iny to na foka iny faatok ma fagaug rari rin vainy te pisainy rari Gov ana ri fasito fatoobing ratuari Ya sana sikia ma onot.

Luke 23:46

Kat to ai Jisas dau iny ton kuu tsian sa tsue, “Tamau, Nyo fakei rou a aavev nima Manyi!” Ai vou, Ya tauts to.

Vurungan Rof Nane Jisas Krais Te Kirkir Iny E Jon 10:29

E Tamanyo to te faan Vanyo ri Ayei kan te karap faafis pis iny non a fo mamatsiny ka ana sikia ta isen ta mes te onot ma pets osing e Tamanyo ri.

Vurungan Rof Nane Jisas Krais Te Kirkir Iny E Jon 11:25

Jisas tsue to tsunia, “Anyo na kifon a tou tsun fatabin tana mat ana kifon a toto na suu. E sei te faaman non Tsonyo ee nai toto fatabin enanon kainon to te mat fi non ya,

Vurungan Rof Nane Jisas Krais Te Kirkir Iny E Jon 14:19

Tan ta fo mar nainy to vainy tana monaagits te gim ror ma nai tagei oiny pis Vanyo, sana mi te nai tagei Varonyo. Mi kan nai toto emarom tana saa Anyo te toto fatabin You.

Vurungan Rof Nane Jisas Krais Te Kirkir Iny E Jon 17:2

tana saa Nyi faan bus iny gumgum to Tsunia, tan kat to aya, Ayei faan rarori na vainy a toto na suu ten sei na mes to te faan bus iny Anyi Tsunia ee.

Vurungan Rof Nane Jisas Krais Te Kirkir Iny E Jon 18:9

(Jisas tsue na ka to ma ruak iny man men vegiau Tsunia, “Tamau, Nyo sikia ma kaa me ta isen ta mes ma nun to te faan iny Anyi Tsonyo.”)

Vurungan Rof Nane Jisas Krais Te Kirkir Iny E Jon 3:36

E sei te faamainy non a Guei Tsoiny ee te kaa bus me na toto na suu, ai sei te tsugei non a Guei Tsoiny ee te gim non ma nom on a toto na suu, sana koma seeve ten Gov nai kaa enanon tsunia a sikia ta fafakap nan.

Vurungan Rof Nane Jisas Krais Te Kirkir Iny E Jon 4:14

Sen sei te jiu non tana aurom te faan iny Ronyo ee, te gim non ma iinyu on pis nats. A aurom nai faan iny nats Ronyo nai faarei nats non a kookue koman ya to te kifon iny non a toto, ana ya te fainy ya na toto na suu.”

Vurungan Rof Nane Jisas Krais Te Kirkir Iny E Jon 5:24

“Nyo tsue faman of maromi, e sei te nongoiny non vegiau Tsonyo ee, ya te manaats ya ana ayei te faamainy Ya to te jiats Vaminyo kaa bus me na toto na suu, ai te gima nai pokei ya, ai te nom a fasaraa nana mat a suu, sana ayei aruwas osing bus a mat a suu ana ayei kaa bus me na toto na suu.

Vurungan Rof Nane Jisas Krais Te Kirkir Iny E Jon 6:27

Anofe yam a kainy ainy te natiny kuav non ana mi te siiva of a kainy ainy a sikia ta fafakap nan, ito na toto na suu te faan iny Ronyo na Guei Tsoiny te Bobot e Gov sa ruak iny Mes me tsumi tana saa, Gov, a Taman te fainy Vanyo na parits poo fi me Gormirmir faatok maromi, Gov pisainy fatoobing Vanyo.”

Vurungan Rof Nane Jisas Krais Te Kirkir Iny E Jon 6:37

Ere sei tsun to te faan iny e Gov Tsonyo ee, naa miror Tsonyo. Nyo gim rou ma biak ravaa ir ere sei te naa miror Tsonyo ee,

Vurungan Rof Nane Jisas Krais Te Kirkir Iny E Jon 6:47

“Nyo tsue faman of maromi, e sei tsun te faaman non ee, kaa minon a toto na suu.

Vurungan Rof Nane Jisas Krais Te Kirkir Iny E Jon 6:68

Saimon Pita biny Towa, “Tsunaun, fei te naa romam ei? Anyi kaa mirom vegiau te kifon iny non a toto na suu.

Binun Tan Amaraav 7:59

Ri binuiny a totouruei famat e Stivin fats, ai Stivin faakats fi to nei, “Tsunaun Jisas, nom a aave vanyo.”

Roum 5:17

tana saa, ara onot ror ma natiny a man to ayei: a vainy faavot ma mat ana mat to ayei, tagaa ot iny non a fo mamatsiny ka, tana saa, e Adam, ayei na isen a mes to te fanaginy tsue ten Gov. Ana ra onot ror ma nat fatsian faarof pis iny a man to ayei: tan nainy te faarof iny ror a vainy a koma ree'un a karap te komainy faan rarori Gov ka iny faakouts rari, ai tan nainy te faarof finy rori ya na fifaan a tavaron to ayei matan Ya, ri nai nom ror a toto na suu, ri te fabiun aveto tan toto tsuri, tana saa, ito tsun kan tana isen a mes to ayei, e Jisas Krais.

Roum 5:2

Ai tan faason tsura, Jisas Krais kat ratuara ma inainy fanatnat iny koma ree'un ten Gov, ai tovei ra kaa ror koman a koma ree'un Tsunia, Ana ra te mamagat, ra te naano anaanos a foka te nai faan rarora Gov, ito te nai kavuu of rarora Yan siinaiv Tsunia.

Roum 5:21

Ayei kat, kat to aya, tana saa muan tan nainy te tagaa ot finy aveto na vainy, sa faruak kainy a mat, sai tovei, koma ree'un ten Gov nom me na pan, sa kat fatavaroiny rara matan e Gov, ra nom to na toto na suu, ito tsun kan ten Jisas Krais a Tsunaun tsura.

Roum 5:9

Ai tan fakats to aya, ara onot ror ma natiny a ka tovei: Gov kat fatavaroiny rara matan Ya, tana saa, rafatsiny ten Krais tatsiiu ma pats ovei Yan aveto tsura, to sa ra onot ror ma nat fatsian faarof pis iny ya, Tsunia te nai saup fatabiny rarora tana koma peits ten Gov ana fasaraa Tsunia,

Roum 6:23

tana saa a tafan tan kat, kat iny aveto i tovei, a mat a suu unya Hel; sai to tana fifaan te faan babainy iny e Gov, ito na toto na suu ten Krais Jisas a Tsunaun tsura.

Roum 8:1

Jisas Krais a Tsunaun tsura, Ayei na mes te saup fatabiny bus rara, tan kat to aya tan nainy vaatsuk, Ayei gim non ma tsue na ka tana vainy to, to te kaa fi rori koman e Krais Jisas, “Ari te iring er ri ngats ton Faun ten Gov ana ri nom ror a fasaraa na suu.”

Roum 8:29

An fakats ten Gov tovei: Ayei nat faamuan bus iny ere sei te faarei miror guei Tsunia ee. Ana vainy to ari, Gov nat faamuan bus rari, Ya pisan faamuainy bus ratuari, ma mamatan patsu faarei mi ri na Guei Tsoiny Tsunia tan kat tavaron tsuri. Ai tana sanaan to aya, Ayei kat faarei non a vaamuan nana vamuinyasiny tsura na karap ana ra faarei miror vamuinyasiny Tsunian kakaii koman a numaa iny guei ten Gov.

Filipai 1:6

Ai tovei, nyo te nat you, e Gov te tanik a binun a rof koma mami, ai te rof patsukanen nanaa onot non te fakap non Ya na foka te fakats Ya ma kat koma mami, a onot to tan nainy te tabin mi non e Jisas Krais

Fafuan Tesalonaika 2:13

Mam ma tsue faarof naa ten Gov tan mamatsiny nainy, ito tsumin vamuinyasiny fafaaman tsonyo, ami to ari, a Tsunaun mangiir fiisok maromi, tana saa, Gov pisainy mami tan tatanik ma saup fatabin mami Ya, tana parits tan Aaven Taabos ma kat mami Ya am faarei ton vainy taabos, ai to kan Ayei saup fatabin mami tana faason a man tsumi.

Vaamuan Timoti 1:16

Sai to aya tsun a ka sen Gov kaa me na koma tagtag tsian tsonyo, an tan kat to aya Krais Jisas faatok iny kat iny anaanos men koma tamee tsian Tsunia to te saup fatabiny fi vanyo Ya, a mes a iring vavajia fiisok fis pis non vainy faavot. An kat iny anaanos faamo Tsunia to ayei te faatok iny non a sanaan ten sei na mes te faaman non Tsunia tan nainy vou ee, te nom ror a toto na suu.

Fafuan Timoti 1:12

tan kat to aya, nyo saraa kamits rou tovei koman a numaa iny kotskots ana nyo gima rejiaf iny kat to ayei, tana saa, nyo nat fiisok iny rou na isen to te faason ronyo Tsunia, ana nyo sikia ma vaa'ets, Tsunia te kaa minon a parits a reits iny bei ot vanyo an Vurungan Rof to te faan vanyo Ya, onot non tan nainy tana tou vaatsuk Tsunia.

Hiburu 7:25

Tan kat to aya, Ayei onot non ma saup fatabin ir a vainy tana asangan Ya, to te pon ror ma naa fi ten Gov, roman ai tan mamatsiny nainy, tana saa, Ayei na kaa ovei, ana Ya te faakats of ir a vainy ten Gov ma faakouts rari Ya.

1 Pita 1:5

Fo mamatsiny kan saavits iny Gormirmir Ayei faan rarora tsuran vainy to te faason ten Krais ana ran vainy to ari, Gov makok faarof rarora tana parits Tsunia onot non te tabin minon e Krais ma saup fatabiny rara Ya tana monaagits to, Tsunia te kaa iny kakoun non ma naa me tan nainy fafakap.

Vaamuan Jon 1:2

Mes to aya na toto poo fi me ten Gov, te tapokaa en tsu mam, mam tagaa iny matan mato Tsunia, to tsumam tsue pokaa iny naa to Krais tsumi. Ayei na kifon a toto na suu, Ayei te kaa fiisen me Taman to te pokei mi Ya tsumam.

Vaamuan Jon 2:19

A fo vainy to ari te naus osing raran vainy fafaaman ri sikia to ma faaman faarein vainy tsura fatoobing, ana ri naus osing ratuara. Tabuiny ma faarei arin vainy tsura fatoobing, ari tabuiny kaa fiisen ramira. San tan kat iny takibaa vavis tsuri faatok iny non a ka arin vainy vavaajets.

Vaamuan Jon 2:25

Kat to ayei, Krais patsukan te kat tsuen man ma faan mami ya—na toto na suu.

Vaamuan Jon 5:11

Vegiau te pokei iny e Gov tovei: Gov faan bus iny a toto na suu tsura, ana toto to aya te kaa non koman a Guei Tsoiny Tsunia.

Noun Te Kirkir E JUT 1:1

Nyo Jut, nyo na tsoiny binun ten Jisas Krais ana nyo na famuinyasiny ten Jemis. Nyo kirkir of maromin vainy fafaaman, to te fikoo Gov, ai to te mangiir rom e Gov a Taman, ai to te makok fi maromi Jisas Krais.

Noun Te Kirkir E JUT 1:21

Mi ma tap faparits naa tan mangiir ten Gov, tan nainy te anaanos romi na tagtag tana Tsunaun tsura Jisas Krais ma mei mami Ya tana pan te kaa minon a toto na suu.

Noun Te Kirkir E JUT 1:24

Gov onot non ma makok faarof mami ma gotsiny vaare mi, ana Ayei onot non ma mei manaa mi matan a pan te kaa non siinaiv Tsunia am sikia ma kaa mito ta iring, mi te kaa me na mamagat tsian fiisok.