Vurungan Rof Nane Jisas Krais Te Kirkir Iny E Jon 10:27 - Saposa

²⁷ Fuainy siip Tsonyo nongoiny ror fikoo Tsonyo Nyo te nat irari ana ri te vovou Vanyo.

Vurungan Rof Nane Jisas Krais Te Kirkir Iny E Jon 10:27 ပူးပေါင်းရင်းမြစ်များ

Matiu 16:24

Ai Jisas tsue of raton matisian Tsuan, “Sei na mes te komainy vovou Varonyo ee, ayei ma anofe na tsivon, ayei ma fa'orovus iny a tsivon, ana ya te vovou Vanyo,

Matiu 17:5

Te vegiau farokot ya, ana koroon kafof kakanaf pau ratuari an vegiau poo mito koroo sa tsue, “Tovei na Guei Tsoiny Tsonyo, te kaa non koman tsian Tsonyo. Anyo koma rof iny rou Ya; nongon yam Tsunia!”

Matiu 25:12

Sana tsoiny fanging tsue na ka, ‘Nyo tsue faman of maromi Nyo gim rou ma nat mami.’”

Matiu 7:23

Sana Nyo nai tsue rou tsumi, ‘Nyo sikia rou ma nat mami. Feis osing Vanyo yam, amin vainy katkat kat tana ngi'arapaar.’”

U Vurungan Rof Nane Jisas Krais Te Kirkir Iny E Mak 10:21

Jisas matoong fatoobing naa tsunia fiisen men mangiir. Ya tsue to na ka tsunia, “Nyi kakat iny rom a isen a ka, kuar, nyi fafiifoiny iny to na fo mamatsiny ka te kaa mirom anyi nyi nom to ta moni nyi fafaan ratuarin vainy aaruts, nyi te nai kaa me na masun iny Gormirmir; taame vovou You.”

U Vurungan Rof Nane Jisas Krais Te Kirkir Iny E Mak 8:34

Ai Jisas fikoo faavot rato na fokinai fiisen ramirin matisian Tsunia ser naa fi Tsunia, ana Ayei tsue to tsuri, “Sei na mes te komainy vovou Varonyo ee, ayei ma anofe na tsivon, ai te fa'orovus iny a tsivon, ana ya te vovou Vanyo,

Luke 13:27

Ana Ayei te nai tsue pis tsumi, ‘Nyo sikia rou ma nat mami, fei te poo mimi ei. Feis osing Vanyo yam, amin vainy katkat tana ngi'arapaar!’

Luke 9:23

Ya tsue to na ka tsuri na fokinai, “Sei na mes te komainy vovou Varonyo ee, ayei ma anofe na tsivon, ayei ma fa'orovus iny a tsivon tan mamatsiny nainy, ana ya te vovou Vanyo,

Vurungan Rof Nane Jisas Krais Te Kirkir Iny E Jon 10:14

Anyon a tsoiny veis a rof tan siip. E Tamanyo nat Varonyo ana Nyo natiny rou Ya jesan kan Nyo natiny roun fuainy siip Tsonyo ana ri nat Varonyo. Ana Nyo kakoun rou ma mat of ir siip.

Vurungan Rof Nane Jisas Krais Te Kirkir Iny E Jon 10:16

Te kaa miror mes panar siip Tsonyo te gim ror ma kaa koman a aunon to. Nyo ma mei kan ramiri ri te nai nongoiny men vegiau Tsonyo ana ri te nai faarei me na isen a aunon veis nar siip te kaa miror a isen a tsoiny veis.

Vurungan Rof Nane Jisas Krais Te Kirkir Iny E Jon 10:8

Mesapan tsuri to te mumua i Vaminyo arin kakabuts an fafauraav mes an kakarainy sei ka san fuainy siip gim to ma nongoiny rari.

Vurungan Rof Nane Jisas Krais Te Kirkir Iny E Jon 12:26

E sei te komainy binun of Varonyo ee, ma vovou Vanyo, tan kat to aya a tsoiny binun Tsonyo te nai kaakaa fiisen Vamironyo tana pan te kaakaa Ronyo. E Tamanyo te nai fatsiitsii non ya ito na mes te binun of Varonyo.”

Vurungan Rof Nane Jisas Krais Te Kirkir Iny E Jon 21:22

Jisas biny towa sa tsue na ka, “To te mangiir Anyo ya ma toto ya onot non tana tou tabin me Tsonyo, a sikia ma ka tsumanyi. Vovou tsun You!”

Vurungan Rof Nane Jisas Krais Te Kirkir Iny E Jon 5:25

Nyo tsue faman of maromi, nainy te naa minon, an nainy te ruak busen to, te nongoiny fi ror vainy to te faarei raror vainy mat tan aaven, nai nongoiny rora ngue na Guei Tsoiny ten Gov, ai tsuri to te nongon ana ri te faamainy ya nai toto ror.

Vurungan Rof Nane Jisas Krais Te Kirkir Iny E Jon 8:12

Jisas vegiau pis to tsuri, “Anyo na arasan tana monaagits to. E sei na mes te vovou Varonyo ee nai kaa non tana toto te kaa non a arasan ana ya te gima taan koman a uurup.”

Vurungan Rof Nane Jisas Krais Te Kirkir Iny E Jon 8:43

Kat fei sam gim rom ma nat faarof iny a ka te tsue iny Ronyo ei? Tana saa, amin fanaginy nongon tan vaanan Tsonyo.

Binun Tan Amaraav 3:23

E sei tsumi te gim non ma nongoiny a ka te tsue non Ya ee ri nai nom ravainy nats ror ya tana vainy Tsunia ana Ayei te kat fiiring nats ya.’ (Faun 18.15,18,19)

1 Korin 8:3

Sai to te mangiir fi non a mes e Gov, ayei kaa minon nat faman, to sana ayei kaa faarei non te koman fi non e Gov, e Gov natiny non a mes to ayei.

Galesia 4:9

Sin tovei, mi natiny rom e Gov, Ayei na Gov tsumi, ge ma tsue nyo na ka, Gov nat non, amin fasito Tsunia, eye, kat fei ma takopis osing pis ami Ya ei, mi faarei miton tsoiny binun babainy tan katkat faakor tan masarau tana monaagits tovei ei? Arin tameruts, sikia ta man a rari, ana ri gim ror ma faakouts on mami.

Fafuan Timoti 2:19

San vegiau man ten Gov te faarei non a poon a parits a sikia ma tatagut, an fo vegiau tovei te kirkir en tana poon to ayei: “A Tsunaun te natiny non e sei na mes Tsunia ee.” (As'as 16.5) Ana mes a ka to, “Sei na mes te tsue non a ka ee, ayei na mes tana Tsunaun ma fataanis osing fo kat iring.” (Aisaia 26.13)

Hiburu 3:7

Ai tovei ami ma nongoiny a ka te tsue iny non Aaven Taabos, “To te nongoiny romi na nguen e Gov roman,

Vegiaun Tapokaa 14:4

Arin tsoiny to ari te gima tsikoor fiisen men moun, fa'aun. Ri vovou iny a Tsunei Siip to tana fo pan te naa vavis non Ya. Krais pats fatabiny rari fapoopoan nara vainy faavot, sa faarei na vaamuan nana pan nan fifaan te naa fi ten Gov ai tana Tsunei Siip.

Vegiaun Tapokaa 3:20

“Tagaa! Nyo tsutsun rou tan matainy sobaa, Nyo te tegteg; sei na mes te nongoiny non fikoo Tsonyo ya te puen pingping ee, Nyo naa mirou numaa tsunia Nyo te ainy fiisen mi ya, ana ayei te ainy fiisen Vaminyo.