Vurungan Rof Nane Jisas Krais Te Kirkir Iny E Jon 1:24 - Saposa

^24-25 Taa Farasi, (a gum tana taa Jiu te vovou faarof ror Faun te kirkir e Moses fiisen men kat tan tsuvurari), ri jiats ramen vainy gogovet vegiau, ser rangats e Jon, “Te gim fi rom anyi ma faarei na Krais, a Mes te pisainy e Gov ma Tsoiny Fiisaup Ya tana vainy, ge Ilaija na kuigin, ge na mes a kuigin to te anaanos romam, kat fei sanyi kat rom a binun iny fapeenan ei?”

Vurungan Rof Nane Jisas Krais Te Kirkir Iny E Jon 1:24 ပူးပေါင်းရင်းမြစ်များ

Matiu 23:26

Mi na taa Farasi, amin mata kio! Mumua tsom non mi ma togas a gotan gagon, ai jiarasan te kaamos kan me!

Luke 11:53

Nainy te naus osing e Jisas a pan to aya, an tsoiny fifaatsuts tan Faun ana Farasi tanik iny faveerveer mito Jisas, ri rangats Towa na fo tsue iny rangat nana fo mamatsiny ka,

Luke 16:14

A Farasi te nongoiny a ka to, ana ri tsue vaaserere iny to Jisas, tana saa u koman tsuri kaa non tana moni.

Luke 7:30

Sana ri na Farasi an tsoiny fifaatsuts tan Faun te kirkir iny e Moses tsugei mangiir ten Gov to ser baainy ma peenan ten Jon.

Vurungan Rof Nane Jisas Krais Te Kirkir Iny E Jon 1:23

Jon biny ratuari, sa tsue na ka, “Anyo na isen te vegiau fabaasuan mirou koman a pan a uur, ‘Vatsvats of a Tsunaun kat tsuam ma faarei ya na sanaan iny naa me Tsunia!’” (Aisaia 40.3) (E Aisaia na kuigin te pokein vegiau to muan.)

Binun Tan Amaraav 23:8

(A taa Sadusi te natiny tsue ror, a mes te gim on non ma tsun fatabin tana mat, ana sikia tu morena, ana sikia tu aaven. Sana ta Farasi te famainy ror a fopis a ka to aya.)

Binun Tan Amaraav 26:5

A vainy to ari nat faarof ovei varonyo tan nainy viviakoo, sana ri patsukaner koman ror, ri te tsue faruak te vovou finy anyon Faun sana ri baainy er. Ana nyo kan a isen tsuri tana gum iny vainy Farasi te natiny vovou faarof ovei iny ror Faun kan ana faaman nan tou fafaatouf tsumam.