Jenesis 6:9 - Saposa

^9-10 Tovein siisio ten Noa. Ayei te kaa men na ina pis a guei tsoiny, ere Siem, Ham, ai Jafet. Noa ayei a mes a rof, an tataan tsunian toobing matan e Gov. Ayei a vaatau faman ten Gov.

Jenesis 6:9 ပူးပေါင်းရင်းမြစ်များ

Jenesis 2:4

Te kat e Gov a gormirmir an puputaa ana fo mamatsiny ka, Gov kat faruak to na gormirmir an puputaa, te sikia farokot ya ta fo nau ana aufing tan puputaa, tan sa, e Gov te sikia farokot ma faan iny me na ruat, ana sikia farokot ta mes iny kat tanun.

Jenesis 5:1

Tovein asangar aatai te tapogaar me ten Adam: Gov te kat e Adam, sa ruak faarei ya.

Jenesis 5:22

E Inok te taan fiisen me Gov, Inok kaa ton mes fopis natus a ingainy sa ruak iny tamar mes guei tsoiny an guei moun kan.

Jenesis 5:24

E Inok te taan fiisen me Gov, ai Gov nom towa, ana vainy gim to ma tagei pis ya.

Luke 1:6

Ri ina fuan toobing tan kat tsuri matan e Gov. Ri natiny vovou faarof iny ror fo Faun tana Tsunaun ana fo mamatsiny ka te tsue iny Ya ma kat.

Luke 2:25

Tan nainy to aya, a mes te kaa tana ngats fan tsian iny Jerusalem te koo ri Simion, ayei na mes a tavaron ana man matan e Gov. Ayei te anaanos a mes iny saup a taa Isrel a kat famaun to na koma rari. U Aaven Taabos te tutuei Ya.

Luke 23:50

A mes, a asangan ya Josep, ayei na mes tana ngats fan tana taa Jiu te koo rori Arimatia. Ayei na isen a mes a tavaron ana rof, te anaanos te naa fi minon a Waan e Gov. Ayei na isen tsurin tsoiny mumua te vaagum tana Kansol tana taa Jiu, sana ayei gima faarof men fakats te kat ari iny atsuiny e Jisas.

Binun Tan Amaraav 10:22

“Tsoiny mumua tan vainy puaan e Konilias te jiat mamimam, Ayei na mes a tavaron matan e Gov ana taa Jiu faavot natiny famaari fiisok ror ya. A isen a morena ten Gov tsue of e Konilias ma fikoo manyi numaa tsuan ayei komainy nongoiny non foka te tsue of rom anyi ya.”

Roum 1:17

Kifon a ka te tsue ronyo tovei: U Vurungan Rof to ayei tsue of rarora tana sanaan te kat fatavaroiny fi rarora Gov, ito tana faason tsun kan to ten Krais te kaa en tan tatanik ana Ayei tsun kan a sanaan tovei roman te kat non Ya, Ayei te kat fatavaroiny patsukainy non a vainy to te faason ror Tsunia. Ana ra nat fi ror nei, u man fiisok tana saa, te tamainy non a ka te kirkir iny a kuigin koman Vegiau Ten Gov muan fiisok. Ana ayei kirkir to na ka to: “A mes te tavaron non matan e Gov ma faason tsun a Tsunia.” (Habakuk 2.4) An kat rof to ayei tana mes, te tavaron me matan e Gov ana ayei ma faason tsun naa Tsunia tana fo mamatsiny sanaan tsunia.

Galesia 3:11

Ai tovei, te arasan non, a sikia ta mes ta tavaron matan e Gov ito te manaats fi non yan Faun te kirkir iny e Moses tana saa, Vegiau Ten Gov te tsue na ka, “A mes to te kat fatavaroiny non e Gov ito tan nainy te faason non ya Tsunia, nai nom non a toto na suu.” (Habakuk 2.4)

Hiburu 11:7

To tana faason ten Noa, ya nongoiny ton vegiau ten Gov tana fo mes a fo kan iring vavajia te nai ruak nats non kainon tabuiny tagei non ya. Ayei manaats to Gov, ya kat to na toraara tsian ito te fataanis osing ya an numaa iny guei tsunia na mat. Tan kat to aya, Noa faatok rato na vainy tana monaagits a fo iring tsuri, tana saa, ari gima nongoiny e Gov, ai Gov tsue pokaa of towa: Noa ayei na isen tsuri na vainy to te tavaron me mata Vanyo tana saa, ayei te faason busen Tsonyo.

1 Pita 2:5

Ami kan, te faarei rom fo marats te kaa mirom toto. Gov komainy maromi ma faarei na pan tana saape te kaa non a Aaven Ya, tan kat to aya mi faarei nats rom tsoiny faakor, ma binun faarei ami ri am kat to na fo fifaan ten Gov, koman e Jisas Krais, Gov komainy fiisok non a fo fifaan to ayei,

2 Pita 2:5

Gov kan gima tos ir a vainy tana monaagits to, muan ovei. Ayei fauf a urungat tsian tan vainy to ari na sikia ta Gov; e Noa, favaanan iny kat tavaron ana ayei na isen tsun to te saup fatabiny Ya, fiisen me na ina fits a mes.