Jenesis 5:2 - Saposa

² Gov te kat a isen a tsoiny ana isen a moun. Te kat fakap rari ya na ina fuan, ya faparits ratuari na ina fuan, ya koo ratuari na ina fuan a Mes.

Jenesis 5:2 ပူးပေါင်းရင်းမြစ်များ

Jenesis 1:27

Sen Gov kat a mes sa mamatan faarei e Gov, a Gov kat to na tsoiny ana moun.

Jenesis 1:28

Sen Gov faparits i rari, ya tsue to, “Ami na ina fuan fafaagiir rom guei kinai er piriats to na pan, ana ri te gum tana fo mamatsiny pan tan puputaa, ri te tagaa ot iny a foka te kanon tan puputaa. Nyo faan maromi na parits iny tagaa ot ir jian, an fo marei roruaf, an fo marei sensen tsian an marei sensen kakaii iny ratsuu.”

Jenesis 2:15

Sen Gov nom a mes sa fakei ya tana tanun to aya i Iden ma binun ya, ana ayei te tagaa ot iny a tanun ana fo mamatsiny ka koman ya.

Jenesis 2:23

Ana mes tsue to, “Ai bus nan na vaatau faman tsonyo, ton tsuan nan ya te kat ari tan tsuan navanyo, an venoo nan ya te kat ari tan venoo navanyo. Gov te kat ya tan tsuan navanyo, to tsonyo koo rou ya na moun.”

Jenesis 5:3

E Adam te kaakaa sa onots sen natus an fopis saafunu na ingainy, sa ruak iny taman a isen a guei te senviir faarei non ya. Sai Adam koo ya, e Set.

Matiu 19:4

Jisas biny ratuari sa tsue na ka, “Mi gima gogosias Vegiau Ten Gov tovei? ‘Tan tatanik nan puputaa Gov fapogaar a vainy, Ayei kat faavots raton tsoiny min moun.’ (Tatanik 1.27)

U Vurungan Rof Nane Jisas Krais Te Kirkir Iny E Mak 10:6

‘Tan tatanik nan puputaa Gov fapogaar a vainy, Ayei kat faavots raton tsoiny min moun.’ (Tatanik 1.27)

Binun Tan Amaraav 17:26

Tana isen a mes te fapogaar Ya ana fokinai viir vainy tapogaar ising mito Tsunia, sa fakaa rari tan gum fan patsun puputaa. Sen Gov nat patsukanen muan onot nainy te toto ri, Ya fakei ton vaana'on nana fo pan iny gum tsuri.