Jemis 4:7 - Saposa

⁷ Jio, mi ma fauf a tsivom fain e Gov. Fatanai yam e Vinasaar, ana ayei te bus osing mami.

Jemis 4:7 ပူးပေါင်းရင်းမြစ်များ

Matiu 11:29

Mi ma nom a nat Tsonyo am vovou faarof iny ton vegiau Tsonyo ana mi te kat a binun Tsonyo tana saa, Anyo na koma tamee ana Nyo fauf rou a Tsivou ana mi te sab a favusuan a rof tana aavem,

Binun Tan Amaraav 26:19

“Ai tovei Aatouf Agripa, E Jisas faatok vanyo na foka tan taraa tatagaa to te poo me Gormirmir, tsonyo manaats ya.

Binun Tan Amaraav 9:6

Tsun, nyi te naa koman a ngats fan te ruak rom anyi a isen a mes tsue of marom anyi na ka ma kat anyi.”

Roum 10:3

Ri fataanis osing a sanaan ten Gov iny kat fatavaroiny a mes, tana saa ri komainy faatok ror e Gov ana fokinai, tsuri te tavaron buser matan Ya, to sana ri gim ror ma kaa fain e Gov te kat fatavaroiny rarori.

Roum 14:11

Ara natiny ror a ka ton man tana saa, e Aisaia na kuigin ten Gov muan te pokei iny a nguen Ya ana ayei kirkir towa koman Vegiau Ten Gov ya kirkir to na ka to, “Nyo na Tsunaun, Nyo tsue faparits rou a ka to ana Nyo nai kat pis rou ya ma ruak ya, ito na vainy faavot nai fatukun miror mata Vanyo, ana fo kinai faavot nai tsue pokaa ror ri te tsue na ka, ‘Anyi na Gov, te toobing non Tsumanyi ma faaroiny Vanyo.’” (Aisaia 45.23)

Efeses 4:27

Ami ma faan vaare iny yam nainy tsuam tana Vinasaar ma amus mami ya tan kat aveto.

Efeses 5:21

Ai mi nai fauf rom a tsivom fain isiseiny mes ma fatsiitsii mi Krais.

Efeses 6:13

Jio, vau fatatabiny sanyi yam fo kainy puaan faavot ten Gov tsumi ai tan nainy te pon iny non a Vinasaar ma vapupuaan mami mi, mi onot rom ma jiaats vavageiny ya, ai tan nainy te kap non a puaan, ami onot rom ma tsutsun fareits em.

Hiburu 12:9

Tan kat tan fuainy tamarara nei petoo, ri fasaraa rarora, ana ra te fatsiitsii rari. To sana ra ma kat fi er to jesan, ra ma kaa fain a Taman tana aave rara unya Gormirmir ana ra te kaa me na toto na suu!

1 Pita 2:13

Fauf yam a tsivom, fain fuainy tsunaun tan petoo te tatagaa ot iny ror a vainy tana saa mi komainy kat fapaparei rom a Tsunaun e Jisas Krais. Fauf yam a tsivom fain a tsunaun a tsigtsig tsuam tana gum fan tsumi am manaats kainy ton vegiau tsunia,

1 Pita 5:6

Tan kat to aya, mi ma fauf a tsivom am kaa to fain niman reits ten Gov ma ras fapaas mami Ya, tan nainy te pisainy onots Ya.