Hiburu 7:21 - Saposa

²¹ San e Jisas te ruak faarei na tsoiny faakor vovou tsun iny tsue man non jias, ito tan nainy te tsue Gov Tsunia, “A Tsunaun kat bus tsue man non jias; ana ayei gim non ma pangis oiny fakats Tsunia: ‘Nyi na tsoiny faakor a kaa ovei.’” (Vadou 110.4)

Hiburu 7:21 ပူးပေါင်းရင်းမြစ်များ

Roum 11:29

An tsuen man to aya kaa patsukanen nanon, tana saa, nainy te fagum e Gov fakats Tsunia, Ayei gim non ma pangis fatabiny fakats Tsunia tana tou pisan ir vainy Tsunia, ge na fifaan te faan iny Ya tsuri, ka iny faakouts rari tana binun Tsunia,

Hiburu 5:6

Ana Ayei tsue pis kainy to na ka tana mesapan nan Vegiau Ten Gov, “Nyi na tsoiny faakor a kaa ovei, faarei tsuiny kainy rom e Melekisedek.” (Vadou 110.4)

Hiburu 7:17

U Vegiau Ten Gov te tsue na ka, “Nyi na tsoiny faakor a kaa ovei, faarei tsuiny kainy rom e Melekisedek.” (Vadou 110.4)

Hiburu 7:20

Ana mes a ka, a sanaan a foun iny fafaatouf e Gov tan tsue faunot foun te rof fafis pis iny non tsue faunot tamuan tan kat to ayei: te kaa minon tsuen man non jias ten Gov to, e Krais te faarei non a tsoiny faakor a kaa ovei. Gov gima kat tsue man non jias to tan mes panainy tsoiny faakor.

Hiburu 7:23

Ana mes a ka, tan tsue faunot tamuan to ayei, tsoiny faakor iny muan kinai fiisok, tana saa, te mat rori, ri gim ror ma binun pis.

Hiburu 7:28

A Faun te kirkir e Moses te pisan ir vainy gima tamainy ya ma faarei arin Tsoiny Mumua tan Tsoiny Faakor; san tan voun Faun, tsuen man ten Gov fiisen men tsue man non jias Tsunia pisainy a Guei Tsoiny, te tamainy a Tsoiny Mumua tan Tsoiny Faakor a kaa ovei