Hiburu 3:6 - Saposa

⁶ San e Krais te vovou faarof iny vegiau ten Gov, faarei na Guei Tsoiny to te tagaa ot iny non numaa iny guei faavot ten Gov. Aran numaa iny guei Tsunia, to te tsutsun faparits rora ai to te faason kan rora fiisen men sikia tu vaa'ets tana ka te naano anaanos rora te nai ruak nats non.

Hiburu 3:6 ပူးပေါင်းရင်းမြစ်များ

Matiu 10:22

A fokinai te tsugei fiisok tsun maromi, tana saa, mi te faaman Vanyo, sai ten sei tsun te suu iny non a faaman tsuan onot non tan fafakap nan nainy ee, nai nom non a toto na suu.

Matiu 16:18

Ana Nyo tsue of marom, Nyo koo marom anyi na fats a marats, Pita, ana fats a marats to te faarei non a man, ai patsun a man to ayei, Nyo nai fatsuiny rou a numaa iny fafaatouf Tsonyo ito na gum iny vainy fafaaman te faason Ronyo, an parits tana mat iny Hel gim on ror ma fabiu ya.

Matiu 24:13

Sen sei tsun te suu iny non a faaman tsuan ee, onot non tan fafakap nan puputaa to, Gov nai saup fatabiny non ya.

Roum 11:22

Tamomots yam, Gov koma rof fiisok raror a vainy, Ya te kat faarof tsun rari, sana Ayei koma seeve kan raror a vainy, Ya te fasaraa rari. Tan nainy te baainy iny a taa Isrel a sanaan ten Gov tan kat fatavaroiny rari, Ayei koma seeve ratuari, ana Ya fasaraa ratuari. Sana Ayei koma rof maromi na vainy sikia ma taa Jiu, ito te faason tsun fi naa romi Tsunia ana mi vovou iny ton kat Tsunia, kat non sa tek ravaa mami.

Roum 12:12

Tan nainy te naano anaanos romi na ka te fakats non a Tsunaun ma kat ami, mi ma anaanos men a paparaa tsian, tsumi te nat faman iny rom a ka te anaanos romi te ruak non. Nainy te sab romi na patang, mi ma anaanos faamo am govets to na patang to ayei. Ami ma faakats fatatabiny of a foka to ten Gov, ana mi te faamainy Ya, Tsunia te nai kat non ya te rangats fi romi Ya.

Roum 15:13

Ai tovei nyo faakats rou ten Gov, te fakifon iny non a tou naano anaanos, ma kat of mami na vainy sikia ma taa Jiu ta ka, nyo te rangats Ya, ma via tsitapuu men kat iny mamagat naa tsumi, Ya te faan iny a aaverof tsumi, tana faason tsumi Tsunia. Tan kat to aya, mi onot rom ma parits me tan Aaven Taabos, ma naano anaanos fatatabin patsukanem ami fiisen me na paparaa tsian ten Gov, te kat non a foka na fo rof tsumi tan nainy vou.

Roum 5:2

Ai tan faason tsura, Jisas Krais kat ratuara ma inainy fanatnat iny koma ree'un ten Gov, ai tovei ra kaa ror koman a koma ree'un Tsunia, Ana ra te mamagat, ra te naano anaanos a foka te nai faan rarora Gov, ito te nai kavuu of rarora Yan siinaiv Tsunia.

1 Korin 3:16

A kifon a ka ma arasan iny amin fapapaar nana fatsun numaa to, eye mi nat em, teeva, ami faarei rom a numaa to te fagum fuainy en ana taabos ka iny vovou tsun iny koman ten Gov, an Aaven Taabos ten Gov te kaa aave mami.

1 Korin 6:19

Ana mes pis a ka, ami natem puainy mes tsumi ayei na pan tan Aaven Taabos iny kaa. Gov jiats mi Ya tsumi, ma kaa Ya koma mami. Ami sikia ma fasito iny rom a tsivom.

2 Korin 6:16

An saf kat iny vivangura te onot non ma kaa fapoopoan nana saape ten Gov an fo kaisa tan gov gamgam na? A sikia babainy. U man, aran saape tana Gov a toto. Sa kirkir bus en koman Vegiau Ten Gov, Gov tsue na ka, “Nyo nai kaa mirou koma rari, ana Nyo nai taan rou fapoopoan narari. Ana Nyo te nai faarei na Gov tsuri, ana ri te nai faarei men vainy Tsonyo.” (Taa Livai 26.12)

Galesia 6:10

To san tan saf nainy, te onot rora ma kat kat rof ma fafaakouts aran vainy faavot na, ara ma kat ya. Eye, tan kat tsun to ayei, ara kan ma anofe vaaren numaa iny vainy te faason ror ten Krais.

Galesia 6:9

Jio, ara ma nag vaare ma kat aran fo kat rof tatsuan yam, tana saa, ito te gim rora ma faonot, ara nai nom ror tafan tsura na saavits fiisok poo minon ten Gov tan nainy vaatsuk.

Efeses 3:12

Tovei roman, sikia ta ka te kat tap on rarora to te komainy favevegiau fiisen mi rora Gov tana pan te kaa non Ya, ana ra natiny ror Ya te nongon rarora, tana saa, ara kaa ror koman e Krais ai to kan te faason fi naa rora Tsunia.

Kolosi 1:23

I tovei na man tana isen a sanaan tsun, ami ma parits patsukanem manaa, tan faason tan vegiau man ten Gov, ito ami ma faroots a faason ma naa patsukan nanaa ya tana sanaan te faason fi romi ten Krais, ana mi te gima anofe tan fakats a foka na fo rof te naano iny anaanos ami tan nai nom ya, ito te nongoiny bus ami tana vainy to te favaanan of mamin Vurungan Rof nane Krais. I tovei u senviir Vurungan Rof a vainy a kinai tana fo mamatsiny fan vavis te nongoiny ya, ai tovei kan u senviir Vurungan Rof nane Krais to, anyo Pol te favaanan iny ya tana vainy to tan nainy te tanik anyo na binun ten Krais.

Vaamuan Tesalonaika 5:16

Ami ma mamagat fatatabin,

Fafuan Tesalonaika 2:16

Mam faakats rom tana Tsunaun tsura e Jisas Krais patsukanen Tsivon ai Gov a Tamarara to te mangiir fiisok rarora, ai to kan tana koma ree'un Tsunia te faan bus rara na ongoor a suu an kat iny naano anaanos a rof ma favei a aave mami fiisen me na ongoor, ana Ayei te faparits mami ma kat amin na fo binun rof am tsue iny ton vegiaun rof.

Vaamuan Timoti 3:15

Sai to te vegits ronyo, u noun tovei nai tsue fanat of maromin saf a sanaan ma kaa ra na, koman numaa iny guei ten Gov ito na gum nar vainy fafaaman ten Krais tana Gov te kaa minon a toto, an vainy fafaaman ten Krais to te faparits ror a man ana ri te bei tap iny a man.

Hiburu 1:2

san tan nainy fafakap, Ayei te vegiau tsura nguen a Guei Tsoiny Tsunia. Ayei na isen Gov tsue of Ya sa fapogaar a monaagits to an fo mamatsiny ka ana Ayei na isen to te pisainy e Gov ma fasito iny Ya na fo mamatsiny ka vou.

Hiburu 10:19

To sana min vamuinyasiny fafaaman tsonyo, ara ma naa fasiruu panan e Gov, tana saa u rafatsiny nane Jisas pats fakap bus a fo aveto tsura, sana ra faavot tapuruur er ma sof naa ra gagon koman a Pan a Taabos ten Gov, ito te fakats rora.

Hiburu 10:21

Ara kaa miror a Tsoiny Mumua tan Tsoiny Faakor to na karap, te tatagaa ot iny non a numaa iny guei ten Gov.

Hiburu 10:23

Ana ra ma nom tap faparits fatatabin iny a faason tsura to te faaman faamuan fi ra ana ra te naano anaanos e Gov ma faan rara na ka to te tsue faman of rara Ya, tana saa, ara faason ror ten Gov to te suu faman iny tsuen man Tsunia.

Hiburu 10:35

Faunot vaare me na faason ana paparaa tana Tsunaun ma kajiaa en ya, kainon to tana rof ge iring te ruak non ya. Fakats a tafan tsian tsumi, tana saa mi suu me na faason.

Hiburu 11:1

Faason ayei na ka tan nainy te tsue faman of rara Gov ma faan rara Ya ta ka, ara nat ror ara nai nom ror a ka to te naano anaanos rora; ara nat faman ovei tsun ror tana ka to, te nai ruak enanats non, kainon to te gim fi rora ma tagei ya mata rara fatoobing.

Hiburu 3:14

Ai to te faaman rora ten Krais faarei te kat fi ra tan tatanik ya te nai onot me tan fafakap nana toto, ra te gima fataanis osing Ya, ayei faatok rarora na ka, Gov fakei bus rara koman e Krais.

Hiburu 4:11

Jio, ara ma vaputs ra te sof gagon ra te favusuan fiisen me Gov, kat non san ta isen fanaginy tsue ya te pet fapin en tan sof gagon, faarei te vovovou finy arin kat iny fanaginy tsue te kat fuainy tsuvurari muan, ri gim to ma sof gagon.

Hiburu 4:14

Ara kaa miror a Tsoiny Mumua na karap tan Tsoiny Faakor to te naa busen matan e Gov, unya Gormirmir, e Jisas, Ayei na Guei Tsoiny ten Gov. To sana, ra ma tsutsun faparits tana faason ten Jisas to te pokei rora.

Hiburu 4:16

To sana, ra ma oraav vaare ana ra te naa tan tagan ten Gov, tana pan te kaa non a koma ree'un, ana ara te nai nom a tagtag unya aya, ra te sab a koma ree'un, kainy faakouts rara tan nainy te kaa rora tan fiamus.

Hiburu 6:11

Mam koman fiisok maromi ma kat fi to, isisen tsumi ma vaputs naa mi onot to tan fafakap, tan kat to aya, a foka te naano anaanos romi ma nom nai ruak iny man ovei na non.

Hiburu 6:18

Te kaa minon a fuan a ka to, tan tsuen man Tsunia an tsuen man non jias Tsunia, sikia tu kat gagangis narari, tana saa, e Gov gim non ma gam tana foka to. To sana ra kuar bus ra naa Tsunia tana sanaan iny saup fatabin, ra te parits fatsian me tana faaman an sikia tu vaa'ets, ara nai nom ror mamatsiny ka te naano anaanos rora to te kakouiny of rara Ya.

Hiburu 7:19

Ito tana Faun te kirkir e Moses te gima kat fatavaroiny ta mes matan e Gov. Sin tovei, Gov faan rara na sanaan a rof pis ma faatouf ara Ya tan tsue faunot foun, ito Krais kat fataabos rarora matan e Gov, ana ra te naa fasiruu naa Tsunia.

1 Pita 1:8

Ami gima natiny tagei vaarik Ya, sana mi natiny mangiir fiisok rom Ya. Ai to, ami gima natiny tagei vaarik Ya, sana mi natiny faason tsun naa rom Tsunia, mi te mamagat fatsian fiisen men mamagat tsian, ito te fis non a fo mamagat tsian to te gim romi ma onot am tsue pokaa iny to,

1 Pita 2:5

Ami kan, te faarei rom fo marats te kaa mirom toto. Gov komainy maromi ma faarei na pan tana saape te kaa non a Aaven Ya, tan kat to aya mi faarei nats rom tsoiny faakor, ma binun faarei ami ri am kat to na fo fifaan ten Gov, koman e Jisas Krais, Gov komainy fiisok non a fo fifaan to ayei,

1 Pita 4:17

Ito tan nainy te faaroiny non e Gov, u vainy fasito Tsunia fatoobing, arin vaamuan nar vainy to ari te naa faamuan ror tan vaatsuk. To te tanik non nei tsura, ai te nai kap naa tsurin vainy vavaajets to te gima manaats Vurungan Rof nane Krais te poo fi me ten Gov, an vaatsuk tsurin iring vavajia fiisok.

Vegiaun Tapokaa 2:18

Ana mes to tsue pis to na ka, “Kirkir iny a fo vegiau tana morena te kaa non tan gum nar vainy fafaaman te kaa ror tana ngats fan iny Taiataira: “U vegiau to te poo fi me Tsonyo, a Guei Tsoiny ten Gov, to na matan Ya te kurun faarei non guaf kurun, ana moun Ya, te kakanaf faarei non Bras te togas famamarof ovei ari.

Vegiaun Tapokaa 2:25

sana isen a ka to, mi ma nom tap faparits iny a faaman tsumi Tsonyo ana fo faatsuts te nom ami onot non tan nainy te naa mi Ronyo.

Vegiaun Tapokaa 2:26

“Ten sei na mes te fabiu non a puaan tan aveto, ya te vovou iny koman Tsonyo onot non tan fafakap ee, Nyo nai fainy rou yan senviir gumgum to te nom Anyo ten Tamanyo: Nyo nai fainy rou yan gumgum ma tagaa ot faparits iny ya na vainy tan mamatsiny viir gum fan tan puputaa fiisen men kat iny manaats a fo faun, ma mormor fakakaii ya ri faarei ror nas kepaa, ito na vainy te gima manaats fo vegiau. Ten sei na mes te fabiu non a puaan tan aveto ee, Nyo nai fainy kainy rou ya na pitinainy.

Vegiaun Tapokaa 3:11

Nyo sisiruiny naa vame. Nom tap faparits iny a foka te kaa miromi. Tan kat to aya, sikia ta mes te onot non ma nom osing mami na tafan tsumi ito na sapou uupe gol.