Hiburu 3:12 - Saposa

¹² Fuainy vamuinyasiny fafaaman tsonyo, taatag yam, kat non ta isen fapoopoan namami kaa men koma iring ana vaa'ets ana ayei te nai fataanis osing a Gov a toto.

Hiburu 3:12 ပူးပေါင်းရင်းမြစ်များ

Matiu 16:16

Saimon Pita biny Towa, “Anyi na Krais, a Mes to te pisainy e Gov ma Tsoiny Fiisaup Ya tana vainy, a Guei Tsoiny tana Gov a toto.”

Matiu 24:4

Jisas biny ratuari sa tsue na ka, “Tanamots yam, am famanat vaare to ta mes ma fagaug mami ya,

U Vurungan Rof Nane Jisas Krais Te Kirkir Iny E Mak 13:23

Ami ma tamomots faarof a ka to, Nyo tsue faamuan of bus mami na ka to.”

U Vurungan Rof Nane Jisas Krais Te Kirkir Iny E Mak 13:33

Tamomots yam. Kaa to yam, faakats yam, am kakoun faarof to, tana saa, mi gim rom ma natiny nainy iny tabin fatabin me Tsonyo.

U Vurungan Rof Nane Jisas Krais Te Kirkir Iny E Mak 13:9

“Sana mi ma tanamots a tsivom, kat ror ser ras ma naa mi tan vaatsuk, er rapits matuami koman a fo numaa iny fafaatouf tana taa Jiu, ana ri te fatsutsun mami matar gotouf an tsoiny tsian tana gamaman, tana saa mi te faaman Vanyo, sana ayei nainy rof tsumi iny favaanan iny Vurungan Rof tsuri.

Luke 21:8

Ai Jisas tsue to, “Tanamots yam, am famanat vaare to ta mes ma fagaug mami ya, tana saa vainy a kinai naa fiisen miror a asanga Vanyo ri te tsue na ka, ‘Anyo na Krais! Nainy te ruak en.’ Vovou vaare ir yam.

Roum 11:21

tana saa, ito te gim fi Gov ma famanat ir a taa Isrel ma kaa tap fiisen mi ri Ya, kainon ito te tap fiisen bus mi ri Ya muan sa faarei na vaamuan nana naan to te gian tan nau te reev faamuan, te sikia non ma rof tsumi ma fakats e Gov nai famanat maromi ma kaa tap fiisen kan mimi Ya ito te faonot romi tana faason ten Krais.

1 Korin 10:12

Eye, ito te fakats fi non a mes nei, ayei te tsutsun faparits non tan fiamus, ayei ma taatag, kat non sana ayei gotsiny en, faarei tsuiny rarorin mes vainy muan fiisok.

Kolosi 2:8

Ami ma tanamots, kat non ta mes faatsuts pis mami tu gam te kat faarei nats maromin tsoiny binun babainy, tan nom mami, mi te faaman an tan manaats a foka te faatsuts iny non ya ana foka te tsue iny non ya. Tagaa faarof, tan ta mes te kat non a ka to, tan faatsuts iny a sanaan a gam to tana vainy, er fakats to e Gov, a sikia ma ka faman, san vegiau Tsunia sikia ma man, tana saa te faatsuts tsun iny non a foka te fakats non a mes, an te komainy non a vainy ma manaats a fo kat tana vainy iny muan to te fafaatsuts iny ari tana mesmes ana mesmes, te vovou iny a fo faun naa fiisen tsun minon kat tana monaagits tovei, te sikia ma faatsuts iny non a fo man ten Krais,

Vaamuan Tesalonaika 1:9

A vainy to ari te tsue tsuk mami, te fafasung finy ami mam, te vavis mimam tsumi, ai to kan te takopis osing amin fo kaisa mi takopis fi to ten Gov, mi faarei ton tsoiny binun ten Gov a toto ana man,

Hiburu 10:31

U man ovei, nyi nai oraav fiisok marom, to te kat kat fi rom anyi tovei te tsugei fi rom anyi Krais, nyi kaa rom fain niman reits ten Gov te kaa minon a toto.

Hiburu 10:38

San vainy tavaron Tsonyo, te faason ror Tsonyo, ri toto ror me na faason. Sana vainy to te vaa'ets ror, ri te faan iny a tounor, Nyo gim rou ma nai paparaa iramiri.” (Habakuk 2.3,4)

Hiburu 12:15

Tanamots yam, kat non san ta isen tsumi faan iny a tounon tana koma ree'un ten Gov. Ana mi te tanamots kainy ta isen te faarei minon u nau aapeits te gian non ana ayei te kat fa'aapeits ir a fokinai tan rafatsiny aapeits nan.

Hiburu 12:22

Sana mito te naa me tana tobeer te koo ri Saion, a Jerusalem iny Gormirmir, ayei na ngats fan tsian to te kaa non a Gov te kaa minon a toto na suu. Mi naa mito tana pan te kaa ror tapan an tapan morena, a pan te vaaguam faavot rori, ri te paparaa.

Hiburu 12:25

Taatag yam, kat rom sam fanaginy nongoiny a mes te vegiau non to, tana saa tsuri na taa Isrel, te fanaginy nongoiny e Gov tan nainy te tsue of rari Ya petoo, ri gim ror ma fataanis osing a tafan tsuar, a fasaraa tsian fiisok. Fiisia, ami kan te gim rom ma onot tan fataanis osing a fasaraa tsumi, to te fanaginy nongon fi romi ten Gov to te vevegiau fi minon Gormirmir?

Hiburu 3:1

To sana min fuainy vamuinyasiny fafaaman tsonyo, ami kan, to te fikoo bus e Gov ma fasito iny, Ayei pisan bus mami ma nom a fo mamatsiny ka to te pon iny non Ya ma faan iny tan vainy Tsunia tan ta fo nainy te naa minon vou. Suu iny yam fakats tsuam ten Jisas to te jiats me Gov, ma faan rara Yan vaanan foun Tsunia, to te faamainy rora roman. Ayei kan a isen to te vevegiau of rora fiisen me Gov faarei non a Tsoiny Mumua tan Tsoiny Faakor.

Hiburu 3:10

Tan kat to aya, Nyo sewaar ir a vainy ana Nyo tsue to na ka, ‘Arin vainy fanaginy tsue ana aave rari mauts patsukainy non a foka te komainy rori, ri tsugei to na foka te komainy ronyo.’

Hiburu 3:19

Kat fei ser gima naa gagon Kenan ei? Tana saa, ari gima faamainy Ya.

Hiburu 9:14

Rafatsiny nan marei sensen to ari te kat a binun to, tan tsue faunot tamuan, to sana mi ma fakats faarof, a binun te kat a mat an rafatsiny nane Jisas patsun pagafuan, to te mat of rara Ya, kat a binun tsian fiisok. Tan Aaven Suu, Krais a sikia tu aveto, Ayei faan iny naa na Tsivon unya ten Gov, faarei Ya na faakor, tan nainy te mat fi Ya nei aya. Ai tovei, Ayei mat an rafatsiny Tsunia tatsiiu to, Ayei pats ton aveto tsura, sa kat fataabos a aave rara ma nom ravainy Ya na fo rejiaf tan aveto tsura, tana saa, ara te kat a fo iring te onot non e Gov ma fasaraa irara, sane Krais te fataabos rara matan e Gov, sai tovei ara onot ror ma fafaatouf Ya ana ra te binun tana Gov a toto.