Hiburu 12:22 - Saposa

²² Sana mito te naa me tana tobeer te koo ri Saion, a Jerusalem iny Gormirmir, ayei na ngats fan tsian to te kaa non a Gov te kaa minon a toto na suu. Mi naa mito tana pan te kaa ror tapan an tapan morena, a pan te vaaguam faavot rori, ri te paparaa.

Hiburu 12:22 ပူးပေါင်းရင်းမြစ်များ

Matiu 16:16

Saimon Pita biny Towa, “Anyi na Krais, a Mes to te pisainy e Gov ma Tsoiny Fiisaup Ya tana vainy, a Guei Tsoiny tana Gov a toto.”

Matiu 5:35

ge inei kan peto tan puputaa, tana saa pan iny tututua Tsunia Ya te favusuainy a moun; ge Jerusalem, tana saa a Jerusalem a ngats fan tsian tana aatouf a tsigtsig.

Roum 11:26

Ai tana sanaan to te naa of non a taa Isrel, Gov nai saup fatabiny kainy non a taa Isrel faavot tan fo aveto tsuri. Ka to te tamainy non a ka te kirkir en koman Vegiau Ten Gov muan. E Aisaia na kuigin tsue bus iny a ka to, “A Tsoiny Fiisaup te ruak ising minon Gormirmir, ana Ayei te kat tap ir fuainy tsubnaain ten Jekop tan kat, kat aveto ana ri te vovou iny a sanaan ten Gov.”

Roum 9:26

Ai Hosea tsue kainy to na ka, “Ka to ruak tana pan to aya to te tsue of rari Gov muan, ‘Arin sikia ma vainy Tsonyo,’ ai tana pan kan to aya, Gov nai tsue pokaa iny a ka to tsuri, ‘A vainy to ari, kat faarei raror fuainy guei ten Gov te kifon iny non a toto.’” (Hosea 1.10)

Galesia 4:26

Sen e Sera, ito na moun a sikia ma muiny binun babainy faatok iny non tsue faunot foun te kat e Gov ten Abraham. Sera faatok iny non a ngats fan tsian a foun unya Jerusalem te kaa non Gormirmir ten Gov, ana vainy to te nai kaakaa ror na aya vou, tapuruur osing bus Faun. Sera faarei non a tsinarara, ito na vainy te faason tsun ror ten Krais, ana ra tapuruur osing ton Faun.

Efeses 2:19

Ai tovei roman, ami na sikia ma taa Jiu, gima faarei bus vainy sagoor ge na vainy tana mesapan kanen, ami faarei rom vainy te fasito iny rom e Gov poo me tana isen a pan ana min numaa iny guei ten Gov fatoobing.

Filipai 3:20

Sana ra, a fan faman tsura te kaa non Gormirmir, to tsura tsintsin farokot kanen nanaa ror tana Tsunaun Jisas Krais, a Tsoiny Fiisaup te fatabin minon te poo minon na aya, ito na mes te saup rara tan kat tana monaagits tovei.

Vaamuan Tesalonaika 1:9

A vainy to ari te tsue tsuk mami, te fafasung finy ami mam, te vavis mimam tsumi, ai to kan te takopis osing amin fo kaisa mi takopis fi to ten Gov, mi faarei ton tsoiny binun ten Gov a toto ana man,

Fafuan Timoti 4:18

Ana Tsunaun nai saup fatabin vanaa ronyo tana fo nimar tafisuan, ana Ya te fakei faarof vanaa nyo, Ya te mei vanaa nyo tana Waan Ya Gormirmir. Asangan Karap ma naa Tsunia tan mamatsiny nainy, a sikia ta fafakap nan! Man Ovei.

Hiburu 10:31

U man ovei, nyi nai oraav fiisok marom, to te kat kat fi rom anyi tovei te tsugei fi rom anyi Krais, nyi kaa rom fain niman reits ten Gov te kaa minon a toto.

Hiburu 11:10

Abraham anaanos patsukan ma nai kaa tana ngats fan tsian to te kaan fakats ten Gov tsunia ana tou fatsun fan ten Gov, ana ngats fan tsian to ayei a kaakaa ovei.

Hiburu 11:16

Sana sikia, ri vaputs of a gum fan a saavits, ito na gum fan iny Gormirmir. Ai Gov gim to ma rejiaf rari tan koo Ya na Gov tsuri, tana saa, Ayei kakouiny bus a ngats fan tsian tsuri.

Hiburu 13:14

tana saa, ara na sikia ta ngats fan tsian tsura te kaa ovei non nei petoo; ara anaanos ror ma tagei na ngats fan tsian to te nai ruak minon vou.

Hiburu 3:12

Fuainy vamuinyasiny fafaaman tsonyo, taatag yam, kat non ta isen fapoopoan namami kaa men koma iring ana vaa'ets ana ayei te nai fataanis osing a Gov a toto.

Hiburu 9:14

Rafatsiny nan marei sensen to ari te kat a binun to, tan tsue faunot tamuan, to sana mi ma fakats faarof, a binun te kat a mat an rafatsiny nane Jisas patsun pagafuan, to te mat of rara Ya, kat a binun tsian fiisok. Tan Aaven Suu, Krais a sikia tu aveto, Ayei faan iny naa na Tsivon unya ten Gov, faarei Ya na faakor, tan nainy te mat fi Ya nei aya. Ai tovei, Ayei mat an rafatsiny Tsunia tatsiiu to, Ayei pats ton aveto tsura, sa kat fataabos a aave rara ma nom ravainy Ya na fo rejiaf tan aveto tsura, tana saa, ara te kat a fo iring te onot non e Gov ma fasaraa irara, sane Krais te fataabos rara matan e Gov, sai tovei ara onot ror ma fafaatouf Ya ana ra te binun tana Gov a toto.

Josua 3:10

Tan nainy te taan na rora Ayei jiat vavagein raror a taa Kanan ana taa Hiti, ana taa Peris ana taa Girgas, ana taa Amor, ana ri kan na taa Jebus. Ami te nai nat nats emarom to te kaa fiisen fi maromi e Gov ayei na toto tan nainy a Gen ten Gov a Tsunaun tana monaagits faavot te guas famumuei maromi ya tana aurom iny Jodan.

Noun Te Kirkir E JUT 1:14

E Inok, ayei na fafits nan aatai te tapogaar me voun e Adam, te tsue pokaa iny men tsoiny fifaatsuts gamgam to ari muan sa tsue na ka; “Nongon yam, a Tsunaun of fiisen minon tapan an tapan nar morenan taabos Tsunia,

Vegiaun Tapokaa 14:1

Kat to ana nyo tagei to na Tsunei Siip tsutsun non tana Tobeer iny Saion fiisen ramirin isen natus fats safunuu an fats a tapan tsoiny to te kaa miror asangan a Tsunei Siip ana asangan e Taman Ya te kirkir en nai rari.

Vegiaun Tapokaa 21:10

An Aaven Taabos tutuei vatuanyo, ana morena govet vanatuanyo patsun na tobeer a nai tsig. Ya faatok vatuanyo na Jerusalem, a Ngats Fan Tsian a Taabos te of minon peto, poo fi minon ten Gov Gormirmir,

Vegiaun Tapokaa 21:2

Ana nyo tagei to na Ngats Fan Tsian a Taabos, a Jerusalem a foun of fi minon Gormirmir ten Gov kakoun busen faarei te kakoun fi non a muiny fanging vaun saavits fiisok tsuan ma tainytainy ya natsioiny.

Vegiaun Tapokaa 22:19

Ai sei na mes te nom ravainy non mes a fo vegiau koman Buk tovei ee, Gov nai nom ravainy osing non panainy fua tsunia, ana ayei te gima nai nom tu fua tan nau te faan iny non a toto to, ayei gim kainy non ma nai sof naa tana Ngats Fan Tsian a Taabos to, ito te tsue bus iny Buk tovei.

Vegiaun Tapokaa 3:12

“Ten sei na mes te fabiu non a puaan tan aveto ee, Nyo nai fatsutsuiny rou ya ma faarei ya na tsuun a parits tana saape ten Gov Tsonyo, ya te gima naus osing oiny a iinin ya. Nyo nai kirkir rou a asangan e Gov Tsonyo puan ya, ana asangan a ngats fan tsian ten Gov Tsonyo, ito na Jerusalem a foun to te of ising minon Gormirmir ten Gov Tsonyo. Nyo nai kirkir kainy rou asangan Tsonyon foun, i tsunia.

Vegiaun Tapokaa 7:2

Ana nyo tagei pis to na mes a morena, poo fi me tana pan te roruak minon a nuaf fiisen minon a ka iny gogoum to te fasito iny non a Gov a toto. Ana ya kuu naa to tana fats a morena ito te faan iny e Gov a parits tsuri, ma kat fifiiring puputaa ana namaan: