Filipai 2:1 - Saposa

¹ Ami natem mi parits ising rom to te tap romi ten Krais, an mangiir Tsunia tsumi kat famaun maromi, ana mi inainy fanatnat bus iny Aaven Taabos Tsunia, ana mi kaa bus me na koma rof ana koma tagtag fiisen men isisen tsumi,

Filipai 2:1 ပူးပေါင်းရင်းမြစ်များ

Luke 2:25

Tan nainy to aya, a mes te kaa tana ngats fan tsian iny Jerusalem te koo ri Simion, ayei na mes a tavaron ana man matan e Gov. Ayei te anaanos a mes iny saup a taa Isrel a kat famaun to na koma rari. U Aaven Taabos te tutuei Ya.

Vurungan Rof Nane Jisas Krais Te Kirkir Iny E Jon 14:18

“Nyo gim rou ma nai naus osing babainy mami faarei maromin guei ngap, Nyo nai tabin mirou tsumi.

Vurungan Rof Nane Jisas Krais Te Kirkir Iny E Jon 14:27

“Nyo naus osing fiisen mamiromi na aaverof ana aaverof Tsonyo fatoobing Nyo faan maromi ya. Nyo gima faan mami ya faarei te faan fi maromi ya na vainy tana monaagits to. To tsumi ma koma patang vaare am oraav vaare to.

Vurungan Rof Nane Jisas Krais Te Kirkir Iny E Jon 17:13

“Ai to roman Nyo naa os mito Tsumanyi, ana Nyo tsue of ratuarin fo mamatsiny ka to te kaakaa fiisen Minyo ri, tan kat to aya, koma rari te via tsitapuu me na mamagat Tsonyo.

Binun Tan Amaraav 2:46

Tan mamatsiny nainy ri natiny kaa faavot ror faarei ror a gum tana saape tana taa Jiu. Ri natiny ivivoo ror koinykoiny tana tou fakats fatabiny e Jisas koman a fo numaa tsuar ana ri te ainy kainy ainy iny vivangura faavot fiisen men sen koman ana paparaa aave rari.

Binun Tan Amaraav 4:32

Vainy fafaaman kaa tsun men sen fakats aave rari. A sikia ta isen tsuri ma tsue ayei tsun fasito iny non a fo mamatsiny ka tsuan, sana ri faavot fikavuu iny rora foka to.

Roum 5:5

Ai to kan, ara gim ror ma nai faorovus ir, tsura te naano anaanos ror e Gov ma faan rara na fo mamatsiny ka te tsue faman iny Ya tsura, tana saa, Gov faatok bus rara, Tsunia te mangiir fiisok rarora. Ayei faan bus raran Aaven Taabos Tsunia ma kaa en Ya koma rara, an Aaven Taabos to ayei kat ratuara ma natiny e Gov te mangiir fiisok rarora.

Roum 8:26

Jesan kan, ara kaa miror a mes a mes to te fafaakouts rarora ma tsutsun fareits tana faason. Aaven Taabos to Ayei te faakouts rarora tan nainy te sab roran koma patang, ana ra te gima natiny a ka na rof tsura ma faakats of ara ya ana ra te rangats e Gov, san u Aaven Taabos te rangats faparits non e Gov ma faakouts rara, ana Ayei gim non ma vegiau to te fafaakats of rarora Ya faarei te vevegiau fi rora, san faakats Tsunia te faarei tsun non to te mitsitsi mirora na kamits.

1 Korin 12:13

Aran kinai fiisok, ana ran viir vainy kaner. Mesapan tsura na taa Jiu. Ana mesapan tsura na sikia ma taa Jiu. Mesapan tsuran fo vainy binun babainy. Ana mesapan tsura na sikia. Sa kainon to te kinai fi rora ana ran viir vainy kaner, sana ra na fokinai fapeenan bus er tan sen tsun puan ten Krais ai to kan tan sen tsun Aaven Taabos ana ra na fokinai nom ror senviir Aaven Taabos to ayei tan koman tsura.

1 Korin 15:31

Mamatsiny nainy nyo kaa rou koman nainy patang iring kinai fiisok ana nyo pon rou ma mat you tan ta fo nainy. Ana ka to ayein man fiisok, vamuinyasiny fafaaman tsonyo, faarei non kat iny tenoor tsonyo tsumi to te faaman romi ten Krais Jisas a Tsunaun tsura, tana saa nyo komainy faan iny rou a tsivou tana fo nainy patang iring to ayei.

1 Korin 3:16

A kifon a ka ma arasan iny amin fapapaar nana fatsun numaa to, eye mi nat em, teeva, ami faarei rom a numaa to te fagum fuainy en ana taabos ka iny vovou tsun iny koman ten Gov, an Aaven Taabos ten Gov te kaa aave mami.

2 Korin 13:14

Nyo faakats of rou a koma ree'un tana Tsunaun Jisas Krais, an mangiir ten Gov, an vivangura tana Aaven Taabos ma kaa fiisen mamimi faavot. Man ovei.

2 Korin 2:14

Tan nainy te ruak fatabin me Taitus fiisen men vaanan rof tsumi, nyo paparaa, ai tovei nyo tsue faarof naa rou ten Gov, tana saa ten Krais, Gov kat rara ma fabiu Satan, ana mam amaraav kan fikavuu kan manaa rom tana parits ten Krais to ayei. Sai tovei to te naa fi rora tan ta fo pan vavis, Ayei kat rarora ma tsue of ir a mesapan tana Tsunaun ana ra te favaanan vavis iny Vurungan Rof nane Krais to ayei ito te kat fapaparei non e Gov faarei non a tsuraf a tauf rof to te paparaa miror a vainy.

Galesia 4:6

Tovei roman, ra faarei ror fuainy guei tsoiny tsungan ten Gov, ai Gov faan iny miton Aaven tana Guei Tsoiny Tsunia ma kaa en Ya aave rara iton Aaven Taabos to te onot non ma kat rara, ra tsue to ten Gov, “Tetee, Anyi na Tamanyo fatoobing.”

Galesia 5:22

San tan nainy te tutuei raroran Aaven Taabos tana tou kaakaa tsura, Ayei nai faruak non a fo kat to ayei tsura: kat iny mangiir, an mamagat, ana aaverof, an kat iny anaanos faamo me na koma rof, an kat iny faatok iny koma tamee, an kat, kat rof tana mesmes, an kat ma faason ari na mesapan tsumanyi,

Efeses 4:4

Ana ra kaa faarei tsuiny miror sen tsun puan nane Krais, ana ra kaa miror isen tsun Aaven Taabos, ana mes a isen tsun a ka na saavits to te naano anaanos rora tsunia, Gov fikoo rara ma nom ya tan nainy te naa minon.

Filipai 1:8

E Gov te nat non nyo gim rou ma fagaug mami, to tan nainy te tsue fi nyo nei, nyo kaa mirou mangiir tsumi, te poo fi me tan mangiir ten Jisas Krais.

Filipai 3:3

Ami ma faaman vaare rari, a sikia ovei, san ara na vainy faman to e Gov te kat faarei raran vainy tavaron Tsunia, tana saa, ara te faatouf e Gov tan Aaven Taabos Tsunia, ana ara te mamagat tana saa te kat e Jisas Krais na tsura, san i tsura ara gim ror ma faason tana tsivor ge faason rora tana ka te kat rora na, ara faarei mito na vainy tavaron matan e Gov.

Kolosi 2:2

Anyo binun faparits rou ma faakouts rari, ana mi, te ruak iny parits me gagon aave mami, tana sanaan iny mangiir isiseiny a mesmes, ana mi ana ri kan ma nat faavot an inainy fanatnat to na man tan vegiau takop ten Gov. U vegiaun takop ten Gov to, e Krais.

Kolosi 3:12

E Gov te pisan of mami na Tsivon, ai tovei aya bus, amin vainy taabos Tsunia, Ayei mangiir fiisok maromi, tana ka tsun to aya, ami ma faatok iny koma tagtag tana mesmes, mi te kat kat rof tsuri na mesapan, ami ma fakats fi vaare nei amin vainy rof fafis iny rom a mesapan tana vainy, ami ma kavuu faarof ir a mesapan fiisen men koma tamee, ami ma kat iny peits vaare ami ma kaa iny anaanos faamo tsun.

Hiburu 6:18

Te kaa minon a fuan a ka to, tan tsuen man Tsunia an tsuen man non jias Tsunia, sikia tu kat gagangis narari, tana saa, e Gov gim non ma gam tana foka to. To sana ra kuar bus ra naa Tsunia tana sanaan iny saup fatabin, ra te parits fatsian me tana faaman an sikia tu vaa'ets, ara nai nom ror mamatsiny ka te naano anaanos rora to te kakouiny of rara Ya.

1 Pita 1:2

Tan nainy muan Gov a Taman, naten sa pisainy isisen tsumi ma binun Aaven Taabos koma mami, ana ami kaa iny taabos busem ma manaats kainy ami Jisas Krais, an rafatsiny Tsunia fataabos fatatabin matuami. Nyo faakats of rou a koma ree'un ana aaverof ten Gov ma via tsitapuu ovei ya tsumi.

Vaamuan Jon 3:24

E sei na mes te manaats non tsuen parits ten Gov ee, ayei kaa non koman e Gov ai Gov te kaa koman ya. Ara nat fi ror nei, e Gov kaa non tsura: ana ra natiny ror ya tan Aaven Taabosto te faan iny Ya tsura.

Vaamuan Jon 4:12

A sikia ta isen ta mes ma tagei vaarik bus e Gov, sai to te fimamangiir fi roran isiseiny mes, Gov kaa non tsura an mangiir Tsunia te tamainy faarof non a koma rara.

Vaamuan Jon 4:16

To sana ra patsukaner nat ror ana ra faason ror tan mangiir te kaa minon e Gov tsura. Gov, Ayei te fakifon iny non mangiir, ai sei na mes te kaa non tan mangiir to aya ee, kaa non ten Gov ai Gov kaa kan tsunia.